महिलाको डिम्बाशयमा चार केजीको ट्यूमर


प्रकाशित मिति :2019-04-05 15:55:11

–विष्णुप्रसाद पोखरेल–

दमक । झापाको दमकस्थित लाइफलाइन अस्पतालमा एक अपाङ्गता भएकी महिलाको डिम्बाशयमा रहेको ४ केजी तौलको ट्युमर निकालिएको अस्पतालले जनाएको छ ।

बोल्न नसक्ने पाँचथरको मिक्लाजुङ ४ की सानीमाया मुखियाको डिम्बाशयमा रहेको ट्यूमर बढ्दै गएपछि यो अवस्था आएको उपचारमा संलग्न महिला रोग विशेषज्ञ डा. सीता राईले बताइन् ।

बिरामीका आफन्तले बताएअनुसार खान अरुची हुने, दुख्ने, लगायतका समस्याहरु सांकेतिक रुपमा बताउन थालेपछि जाँच गर्दा ट्युमर रहेको पाइएको थियो । उनको पेट पनि फुलेको थियो ।

सानो ट्यूमरहरु औषधि खाएर पनि जाने भएपनि ठुलो भएपछि शल्यक्रियाको विकल्प नहुने गरेको डा. राईले बताइन् । यो बढीमात्रामा २५ देखि ५० वर्ष उमेर समूहका महिलामा हुने उनले जनाइन् ।

शल्यक्रिया गरेर निकालिएकाे ट्यूमर

अस्पतालको अनुसार मुखियाको स्वास्थ्य अवस्था सामान्य छ । ट्यूमर निकालेपछि बिरामीले निक्कै खुसी भएर आउनेहरुलाई सांकेतिक रुपमा आफ्नो भनाइ राख्ने गरेको जनाईएको छ ।

लाइफलाइन अस्पतालका प्रशासक सिम्रिक गिरीका अनुसार डा. सीता राई, डा. राजेश्वरप्रसाद शाह र डा. विकास सुवेदी सहितको टोलीले मुखियाको ट्यूमरको शल्यक्रिया गरेको थिए ।

    Comment Here!

Related NEWS
मुख्य खबर

एचआइभी संक्रमित मथुरालाई गंगादेवी शान्ति पुरस्कार

–महिला खबर– अछामकी मथुरा कुँवर एचआइभी संक्रमित भएपछि आफ्नै समाजबाट भएको हिंसा, लाञ्छनाका बाबजुद समाज

आफ्नै पाठेघरबाट जन्मिएकाे सन्तानलाई मेराे भन्न नपाउने ?

–डा.अरुणा उप्रेती– पाँच पाण्डव बाबुबाट जन्मेका थिए । कुन्ती र माद्रीले पाँच पाण्डवलाई नागरिकता दिलाउनु

सर्वोच्चले खाेलिदियाे जन्मसिद्ध नागरिकका सन्तानलाई वंशजको नागरिकता लिने बाटाे

–महिला खबर– ललितपुर । जन्मको आधारमा नागरिकता लिएका नेपाली नागरिकका सन्तानलाई वंशजको नागरिकता वितरण गर्न सर्वोच्च

‘तान्ने प्रथा’ अझै

मञ्जुरीबिना जबरजस्ती तानेर लाने र त्यसलाई ‘मौलिक परम्परा’ ठानेर नयाँ पुस्ताले पनि चुपचाप सहिदिँदा महिलाहरू

६ वर्षीया बालिकालाई यौन दुर्व्यवहार गर्ने पक्राउ

–महिला खबर– झापाको बिर्तामोडमा रहेको पसलमा सामान किन्न गएकी एक बालिकालाई पसलका सञ्चालकले यौन

Read more
ताजा अपडेट
© 2015.All rights reserved by mahilakhabar.com
%d bloggers like this: