जनप्रतिनिधि महिलालाई धम्की – ‘दलित भएर न्याय दिने ?’ (अडियोसहित)


प्रकाशित मिति :2019-04-05 15:15:32

–महिला खबर–

ललितपुर । सिरहाको मिर्चैया नगरपालिका वडा नम्बर ४ को निर्वाचित दलित महिला सदस्य भवानी महरालाई अभद्र व्यवहार भएको छ ।

चैत १५ गते राती साढे बजेतिर घरमै बस्दा बेला १०/१२ जनाको समूह आएर दलित भएर राजनीति गर्ने राजनीति छोडिहाल भन्ने धम्की दिएको उनले बताइन् ।

नगरपालिकाको न्यायिक समितिको सदस्य समेत रहेकी उनलाई ‘दलित भएर न्याय दिने, पञ्चायत बस्न जाने ? भन्दै धम्क्याएको उनले बताइन् ।

बेलुका सबै परिवारसँगै भएकाले केही अप्रिय घटना भने नभएको तर भोलिपल्ट बिहान ८ बजेतिर फेरि आएर पनि त्यसै भनेर धम्की दिएको उनले बताइन् ।

सो घटनाबारे इलाका प्रहरी कार्यालय मिर्चैयामा चैत १६ गते उजुरी दिएकी छिन् । प्रहरीले ३ जनालाई नियन्त्रणमा राखेको बताएको छ । इलाका प्रहरी कार्यालय, मिर्चैयाका इन्स्पेक्टर दिनेश गौतमका अनुसार अभद्र व्यवहार गरेको भन्दै खुशीलाल ठाकुर, दीपा महरा, फिरोज यादवलाई नियन्त्रणमा राखिएको छ ।

नेपाली कांगे्रस र राजपाले प्रहरी नियन्त्रणमा रहेकालाई छुटाउन दबाब दिइरहेको भवानीको आरोप छ ।

हाल दलित महिला संघको जिल्ला कार्यसमिति सदस्यसमेत रहेकी उनीे वडा सदस्य पदमा निर्वाचित हुनुअघिदेखि नै महिला अधिकारका क्षेत्रमा काम गर्दै आएकी थिइन् । उनी तत्कालीन नेकपा माओवादीबाट दलित महिला सदस्यमा निर्वाचित भएकी हुन् ।

    Comment Here!

Related NEWS
मुख्य खबर

लुटपाटपछि वृद्धा बलात्कार गर्ने युवक पक्राउ

श्रीमान्को मृत्युपछि घरमा एक्लै बस्दै आएकी वृद्धालाई माघ ३ गते राति साँढे आठ बजे बलात्कार

संसार सुन्दर हुनुमा महिला कुशल व्यवस्थापक भएर होः एसएसपी सिंह

सामाजिक, आर्थिक, राजनैतिक, सांस्कृतिक विविध पक्षबाट महिला सशक्त हुन जरुरी ।

फुटवल प्रतियोगिताको उपाधी जनतालाई

इटहरी । इटहरी उपमहानगरले आयोजना गरेको अन्तरविद्यालय स्तरीय छात्रा फुटवल प्रतियोगिताको उपाधी जनता माध्यमिक विद्यालय

अधिकारकर्मी पक्राउ

–महिला खबर– ललितपुर । नयाँ सभामुख अग्निप्रसाद सापकोटाको सपथ ग्रहण कार्यक्रमको विरोध गर्न गएका अधिकारकर्मी

जाल्पादेवी छाउगोठ मुक्त

-कल्पना वोहरा- अछाम । साँफेबगर नगरपालिका वडा नम्बर २ जाल्पादेवीलाई आज छाउगोठ मुक्त वडा घोषणा

Read more
ताजा अपडेट
© 2015.All rights reserved by mahilakhabar.com
%d bloggers like this: