विद्रोह !


प्रकाशित मिति :2019-03-25 16:09:13

-गायत्री खतिवडा-

कहिल्यै नहिँडेको
मेरो कविता
आज अचानक दौडियो
हेर्दाहेर्दै
कविताका शरीरभरि
रङ्गिन प्वाँख पलायो
हरियो, निलो, रातो, सेतो
इन्द्रेणी रङ्ग पोतिएको
प्वाँखहरु लिएर उड्यो
मेरो कविता ।

कविता सँगै
अलिकति मेरो सपना उड्यो
अलिकति मेरो भावना उड्यो
अनि उड्यो ,मेरो मन
मेरो विचार र चेतना
ति रङ्गिन प्वाँखहरुमा
आफु भित्रको
‘म छोरी’ उड्दै थिएँ ।

वर्षौं पहिले
कविता जस्तै
उड्ने कुरा गर्नुभो ,मेरो हजुरआमाले
हजुरआमाको घाँटी निमोठियो
र धुरी कटाइयो ।
केही वर्ष अगाडि
आमाले उड्ने कुरा गर्नुभो
आमाको मुख थुनियो
र,
जिब्रो काटियो ।

आज एक युग पछि
फेरि मैले उड्ने सपना देखें ।
युगौं देखि
‘पोथी बासेको’ सुन्न नचाहने समाजमा
मैले उड्ने सपना देख्नु
ठूलै विद्रोह थियो,
हो, आज मैले त्यो विद्रोह गरें ।

वर्षौंदेखि
अध्याँरो कुनामा
इज्जतको भारीले
थिचिएर बसेको मेरो कविता
मैले जस्तै विद्रोह गरि
आफ्नै पखेटाको भरले
निलो खुल्ला आकाशमा
माथि –माथिसम्म उड्दै गयो
उड्दै गयो ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: