‘स्थानीय तहको बजेटमा भूमीहिन सिमान्तकृतलाई समेटौं’


प्रकाशित मिति :2019-03-17 16:37:47

–महिला खबर–

ललितपुर । नेपाल महिला एकता समाजले स्थानीय जनप्रतिनिधि, तथा सरोकारवालाबीच संस्थाको सामाजिक लेखाजोखा प्रतिवेदन प्रस्तुत गरेको छ ।

संस्थाले वर्षभरि गरेको कार्यक्रम र आर्थिक पाटोलाई पारदर्शी हिसाबले समुदाय र सरोकारवालामाझ प्रस्तुत गरेको हो । उक्त कार्यक्रममा संस्थाले गरेको कार्यक्रमको प्रभावकारिताबारे छलफल पनि गरिएको थियो ।

संस्थाकी अध्यक्ष विमला लामाले जवाफदेहिता, उत्तरदायित्व तथा पारदर्शिताको लागि समाजिक लेखाजोखा प्रस्तुत गरेको बताइन् ।

उक्त कार्यक्रममा अधिकारकर्मी लक्ष्मी न्यौपानेले नेपाल महिला एकता समाजको सामाजिक लेखाजोखा प्रतिवेदन प्रस्तुत गरेकी थिइन् भने संस्थाको तर्फबाट आर्थिक प्रतिवेदन प्रस्तुत गरिएको थियो ।

कार्यक्रममा संस्थागत सुधारका लागि विभिन्न व्यक्तित्वहरुबाट सुझाव प्रस्तुत गरिएको थियो । काठमाडौं महानगरपालिकाका सामाजिक विकास शाखाका उपनिर्देशक विमला कोइरालाले आगामी दिनमा बास अधिकार जस्तो राष्ट्रिय मुद्दामा सहकार्य गरेर अगाडि बढ्ने प्रतिबद्धता व्यक्त गरिन् ।

स्थानीय तहको बजेट संघीय सरकारबाट स्थानीय सरकारमा गइसकेको र उक्त बजेट हाल सुषुप्त अवस्थामा रहेकोले नेपाल महिला एकता समाजले स्थानीय तहमा विद्यमान बजेटमा सुकुम्बासी तथा सीमान्तकृत वर्गको हितमा उपयोग गर्नका लागि ठोस पहलकदमी गर्नुपर्ने कुरामा जोड दिइन् ।

कार्यक्रममा काठमाडौं महानगरपालिका ९, १०, ११ र ३१ का जनप्रतिनिधिले स्थानीय तहमा विद्यमान साधन, स्रोत र बजेटलाई सीमान्तकृत समुदायसम्म लैजानका लागि ठोस रुपमा सहजीकरणको भूमिका खेल्नपर्ने बताए । साथै साधन र स्रोतहरु सुकुम्बासी त्यसमा पनि सीमान्तकृत वर्गको सिप विकास र आयमूलक कार्यमा लगानी गरी आर्थिक सशक्तीकरण गर्नुपर्ने कुरामा जोड दिए ।

कार्यक्रममा सुझाव प्रस्तुत गर्नुहुने अन्य सरोकारवालाहरुमा राष्ट्रिय युवा परिषदका अधिकृत शारदा ज्ञवाली, भक्तपुर जिल्ला मध्यपुर ठिमी नगरपालिका वडा १ का जनप्रतिनिधि, बुढानिलकण्ठ नगरपालिका वडा नं १० का जनप्रतिनिधि, विभिन्न सरोकारवाला संघसंस्थाका प्रतिनिधिहरु लगायत थिए ।

    Comment Here!

Related NEWS
मुख्य खबर

शितलका हत्यारालाई थुनामा राख्न आदेश

आफूबाट टाढिएर अर्कै केटासँग कुरा गर्न थालेको आशंकामा तामाङले शितलको हत्या गरेको स्वीकार गरेको पाँचथर

सफा गाउँ अभियानले बिरामी कम

प्रकाश सिंह/महिला खबर उनले भनिन् ‘पहिला महिनामा दश बाह्र जना बिरामी पर्थे, अहिले भने महिनामा एक/दुई

गर्भपतन र सुत्केरीको ज्यान जोखिममा

ऐनको प्रस्तावनामा नै सुरक्षित, गुणस्तरी, सर्वसुलभ तथा पहुँचयोग्य बनाउने व्यवस्था गरेको छ तर त्यसका बारेका

‘र…डी’का भोटहरू

हालेका भोटहरू तुरुन्तै फिर्ता गरेर आफ्नो ज्यान जोगाउनुस् मेयर सा’ब ।

हावाहुरी प्रभावित हिमसरालाई सहयोग

–महिला खबर– ललितपुर । उनलाई खान र बस्नका लागि गोदावरी चेम्बर अफ कर्मशले सहयोग गरेको

Read more
© 2015.All rights reserved by mahilakhabar.com
%d bloggers like this: