महिलाहरु कुशलतापूर्वक जिम्मेवारी निभाउँछन् – उद्योगपति चौधरी


प्रकाशित मिति :2019-03-15 16:48:45

–महिला खबर–

ललितपुर । उद्योगपति तथा प्रतिनिधि सभा सांसद बिनोद चौधरीले हरेक क्षेत्रका महिलाहरुले संवेदनशिल भएर आफ्नो जिम्मेवारी पूरा गर्ने बताएका छन् ।

चौधरी ग्रुपको केन्द्रीय कार्यालयमा पत्रकार महिलाहरुसँग अन्तरक्रिया गर्दै चौधरीले महिलाहरुले संवेदनशिल भएर आफ्नो काम कुशलतापूर्वक गर्ने आफ्नो व्यवसायिक अनुभव रहेको बताए ।

‘महिलाहरुले घरदेखि आफ्नो व्यवसायिक जीवन समेत सफलतापूर्वक सम्हाल्न सक्छन्’ उद्योगपति चौधरीले भने, ‘लगनशिल भएकाले महिलाहरु समाजको परिवर्तनको संवाहक बन्न सक्छन् ।’

सञ्चारिका समूहले संयोजन गरेको उक्त अन्तरक्रियामा उद्योगपति तथा प्रतिनिधि सभा सांसद चौधरीले पत्रकार महिलाका लागि आफू सहयोग गर्न समेत तयार रहेको बताएका थिए ।

त्यसैगरी कार्यक्रममा सञ्चारिका समूहकी अध्यक्ष नितु पण्डितले सञ्चारिका समूहले महिलाका सवाललाई मूल प्रवाहीकरण गर्न काम गरिरहेको जानकारी गराउँदै ‘महिलाको अवस्था सुधार गर्न आर्थिक रुपमा सशक्त बनाउनुपर्ने’ बताइन् ।

अध्यक्ष पण्डितले पत्रकार महिला आर्थिक क्षेत्रको रिपोर्टिङमा पनि बढ्दै गएका बताएकी थिइन् । उनले सामाजिक रुपान्तरणको लागि आर्थिक क्षेत्र अत्यन्त महत्वपूर्ण हुने भएकोले उद्योगी व्यवसायीले महिलालाई आर्थिक रुपमा सशक्त बनाउन लाग्नुपर्ने पनि बताइन् ।

सोही कार्याक्रममा सञ्चारिका समूहकी निवर्तमान अध्यक्ष निर्मला शर्माले पत्रकार महिला र उद्योगी व्यवासयीबीच रहेको दुरी घटाउनुपर्ने धारणा राखेकी थिइन् ।

अन्तरक्रियामा चौधरी ग्रुपको अन्तर्गत चौधरी फाउण्डेशनको सहायक महाप्रबन्धक मारिना रञ्जितले चौधरी ग्रुपले गर्दै आएको सामाजिक कामहरुको बारेमा जानकारी गराएकी थिइन् ।

    Comment Here!

Related NEWS
मुख्य खबर

सञ्चारिका महासचिव तुम्खेवाको हत्केलामा पृथ्वी लिएर उभिएको मान्छे सार्वजनिक

-महिला खबर- ललितपुर । सञ्चारिका समूहकी महासचिव तथा कवि विमला तुम्खेवाको हत्केलामा पृथ्वी लिएर उभिएको मान्छे

वडा अध्यक्षले नै गरे १६ वर्षे बालिकासँग विहे

-महिला खबर- खोटाङको हलेसी तुवाचुङ नगरपालिका वडा नम्बर ६ का वडाध्यक्ष रमेश कुमार राउतले १६ वर्ष

बालिका आश्रममा सौन्दर्यकर्मीको स्थापना दिवस

-महिला खबर- देवघाट । राष्ट्रिय सौन्दर्यकर्मी युनियन नेपाल प्रदेश न,३ ले आफ्नो ११ औं स्थापना दिवस

सबैका लागि समानता (तस्वीरमा)

–महिला खबर– आज विश्व समाज कार्य दिवस । सामाजिक क्षेत्रका व्यक्तिहरुले विभिन्न कार्यक्रम गरि मनाएका छन्

महिला मात्रै पढ्ने क्याम्पसमा पुरुष प्रमुख

–महिला खबर– पद्मकन्या क्याम्पसका प्राध्यापक, विद्यार्थी तथा कर्मचारीले महिला क्याम्पस प्रमुख हुनुपर्ने माग राखि लगातार

Read more
ताजा अपडेट
© 2015.All rights reserved by mahilakhabar.com
%d bloggers like this: