मलाई मेरो पहिचान दे !


प्रकाशित मिति :2019-02-17 12:14:33

ए समाज !
मलाई मेरो पहिचान दे !
कहिले दिन्छस् मलाई मेरो पहिचान ?
कहिले अग्नी कुण्डमा धकेलिस्
कहिले बल्दो चितामा
कहिले बिधवा, कहिले छाउपडी
त कहिले सडकको रमितामा ।

श्रीभक्त पौडेल

परिवर्तनका छलाङ सँगसँगै
खुला आकाश र धर्ती होइन
५ प्रतिशतमा खुम्चाइस्
कहिलेसम्म भोग्नुपर्ने हो अझै मैले ?
सामाजिक बहिस्कार र तिरस्कार
र, पनि कोही सुन्दैन हाम्रो चित्कार,
केबल अश्लिलता र हवस्को व्यापार
के नारी साँच्चै अवाञ्छित हो ?
यदि हो भने
भत्काउ कान्तिपुरीका शक्ति पीठहरु,
कहिलेसम्म सुनाउँछस् आँफैलाई
गोमा ब्राम्हणीका कपोलकल्पित कथाहरु ?

ए समाज !
मलाई मेरो पहिचान दे !
कहिलेसम्म मलाई
साहिँली, माहिली र कान्छी भनेर चिनाउँछस् ?
पहिचान नागरिकतामा होइन
समाजमा स्थापित गर ।

थाकिसके अब त मृत निर्मलाहरु पनि
तर, थाक्दैनस तँ,
तेरो समाज, तेरो सरकार अनि तेरो कानून
कहिलेसम्म सशंकित हुनुपर्ने हो
सीमा अबधि आजै तोकिदे
तबसम्म म निस्कने छैन मेरो आँगनमा

ए मूलुकी ऐन,
कहिले दिन्छस् मलाई मेरो पहिचान ?
किन पास गर्दैनस् ए संसद ?
बलत्कारीलाई फाँसी दिने विधेयक
धेरै गायौं स्वतन्त्रताका गीतहरु
थाकेका छैनौं अझै हामी
थाकेका छैनन् हाम्रा पैतालाहरु
त्यसैले,
खबरदार ए सरकार !
लैङ्गिक असमानता खारेज गर
हामीलाई व्यवहारिक न्याय दे !
अनुभुती गरा कि
नारी स्वन्तन्त्र छे भनेर

होइन भने ,
नारी स्वतन्त्रता अब मागेर होइन
धावा र हल्ला बोलेर लिइनेछ
भाँचिनेछन् बन्दुकका नाल र लाठीहरु
जो माइतीघर मण्डलामा हामी माथि बज्रिएका थिए,
नाङ्गेझार हुनेछ त्यो बलात्कारी
अनि काटिनेछन् तिनका लिङ्गहरु !

    Comment Here!

Related NEWS
मुख्य खबर

किशोरीलाई मन्त्री थापाको लिडरसिप टिप्स

-महिला खबर- ललितपुर । महिला, बालबालिका तथा जेष्ठ नागरिक मन्त्री थममाया थापाले किशोरीहरूलाई भावी पुस्ताको नेतृत्वका

मन्त्री थापा र यूएनएफपीएका कार्यकारी निर्देशकबीच शिष्टाचार भेट

-महिला खबर- ललितपुर । महिला बालबालिका, तथा जेष्ठ नागरिक मन्त्री थममाया थापा र संयुक्त राष्ट्रसंघीय जनसंख्या

नेता महिलाले भने, ‘नेतृत्वमा महिला संख्या बढाउनु पर्छ’

-महिला खबर- ललितपुर । प्रतिनिधिसभाकी उपसभामुख डा. शिवमाया तुम्बाहाम्फेले नेतृत्वमा महिलाको संख्यात्मक र गुणात्मक सहभागिता आवश्यक

पीडितको कुनै दोष हुदैन

-रमा भट्टराई कैलाली- जहाँ मान्छेको बलि चडिरहन्छ हो त्यहीँ जनावरको बलि चडाइनु हुदैन भन्दै एक थरी उफ्रन

रञ्जनाको हत्याप्रती सोच नेपालको ध्यानाकर्षण

-महिला खबर-  विराटनगर–११ पच्चमुखि चोक माइती भएकी रञ्जना सहनी (बहरदार)को दाइजोको निहुँमा हत्या भएको घटनाप्रती मानवबादी

Read more
ताजा अपडेट
© 2015.All rights reserved by mahilakhabar.com
%d bloggers like this: