उपप्रमुख महिलाहरु भन्छन् – प्रमुख सहयोगी भएनन्


प्रकाशित मिति :2019-02-07 15:10:05

–महिला खबर–

ललितपुर । स्थानीय सरकारको उपप्रमुख पदको तोकिएको संवैधानिक र कानूनी जिम्मेवारी छ । अझ त्यो पदमा ९३ प्रतिशत महिला भएका कारण उनीहरुको थप सामाजिक दायित्व पनि छ ।

तर, अहिलेसम्म पनि कर्तव्य, कार्यक्षेत्र र अधिकारका मामिलामा उपप्रमुखहरु अन्यौलमा छन् । भने, नगरप्रमुख र कर्मचारीले उपप्रमुखको कामलाई असहयोग गरेको गुनासो उपप्रमुखहरुले गर्दै आएका छन् ।

तिनै मध्ये कि एक हुन् गल्कोट नगरपालिका, बाग्लुङकी उपप्रमुख रेणुका काउचा । काउचा, स्थानीय न्यायीक समितिको संयोजक पनि हुन् । विभिन्न खालका उजुरी उनसम्म आईपुग्छ तर त्यस्ता उजुरी प्रति कर्मचारीले चासो दिँदैनन् रेनुुका भन्छिन्, ‘विकासको काममा भए कहाँ के भन्दै खोज्ने कर्मचारी न्यायीक समितिको उजुरीको दर्ता गर्ने, निवेदन लेख्न सहयोग गर्ने कुरामा चासो दिँदैनन् ।’

देश संघीय संरचनामा गएपछि विभिन्न नयाँ स्थानीय तह बने । उनीहरुका अनुसार नयाँ नगरपालिका भएकाले कानून बुझेकै कर्मचारीको समेत अभाव छ । भएकाले पनि न्यायनिरुपणको काममा चासो दिँदैनन् ।

कर्मचारीको असहयोग मात्रै हैन कतिपय उपप्रमुखले नगरप्रमुख उपप्रमुखहरुको काम प्रति संवेदनशिल नै नभएको गुनासो गरेका छन् ।

गैंडाकोट नगरपालिका, नवलपरासीकी उपप्रमुख विष्णु कुमारी कँडेलले पनि यहि समस्या भोगेकी छन् । विष्णु भन्छिन् ‘नगरपालिकामा के–के काम हुँदैछ, प्रदेश वा संघ वा कहाँबाट को आयो ? भन्ने कतिपय जानकारी पत्तै हुँदैन । नगरप्रमुखले हामीसँग यस्ता कुरा सल्लाह गर्न जरुरी ठान्दैनन्, आफैले सोध्दा समेत बताउँदैनन् ।’

राइनस नगरपालिका, लमजुङकी उपप्रमुख धनकुमारी गुरुङ भन्छिन्, ‘योजना अनुगमनका लागि, न्यायीक समितिमा आएको विवाद बुझ्नका लागि वा अरु केही कामका लागि पनि हामी गाँउमा हिँड्नु पर्ने हुन्छ । तर हामीले नगरपालिकाको गाडी प्रयोग गर्न नि पाउँदैनौं । नगरप्रमुखले आफ्नै घरको गाडी जस्तो व्यवहार गर्नुहुन्छ ।’

धनकुमारीको बुझाइमा उपप्रमुखहरुलाई काम मात्रै दिईयो तर स्रोत र साधन माथिको पहुँच हुने व्यवस्था गरिएन । स्रोत साधनको उपयोगको लागि नगरप्रमुखलाई नै सोध्नुपर्ने हुँदा उपप्रमुखहरु यस्ता समस्या खप्न बाध्य छन् ।

उपप्रमुखका गुनासा र समस्या सुन्दै संघीय मामिला तथा सामान्य प्रशासन मन्त्री लालबाबु पण्डितले, नगरप्रमुखहरुलाई कार्यक्षेत्र नमिच्न र सहयोग बन्न आग्रह गरेका छन् ।

सञ्चारिका समुहले सञ्चालन गर्दै आएको समकोण टेलिभिजन कार्यक्रमको छायाँकनको क्रममा उपप्रमुखहरुले आफ्ना समस्या बताउँदै गर्दा मन्त्री पण्डितले संविधान र स्थानीय सरकार संचालन ऐनले दिएको आफ्नो अधिकारमा अडिग रहेर ढुक्कले काम गर्न सक्ने बताए ।

उनले उपप्रमुखलाई दिईएको अधिकार प्रमुखले खोस्ने अधिकार कानूनले नदिएकोले उपप्रमुखलाई प्रमुखले सहयोग गर्नुपर्ने पनि बताए ।

‘स्थानीय सरकारका उपप्रमुख : कर्तव्य, कार्यक्षेत्र र अधिकार’ विषयमा ३० जना स्थानीय तहकाका उपप्रमुख तथा उपाध्यक्षसँग गरिएको समकोणको छलफल भोलि शुक्रबार बेलुका कान्तिपुर टेलिभिजनमा प्रशारण हुँदैछ ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: