पोप भन्छन्, ‘पादरीहरूले ननहरूलाई यौन दासी बनाए’


प्रकाशित मिति :2019-02-06 15:06:20

ललितपुर । रोमन क्याथलिक समुदायका धर्मगुरु पोप फ्रान्सिसले पादरीहरूले ननहरूलाई यौन दासीका रूपमा दुर्व्यवहार गर्ने गरेको र सो समस्या अझै विद्यमान रहेको बताएका छन् ।

पोप फ्रान्सिसले गिर्जाघरका धर्मगुरुहरूले ननहरूको यौन दुर्व्यवहार गर्ने गरेको तथा एउटा घटनामा त यौन दासीकै रूपमा राख्ने गरेको पाइएको सार्वजनिक रूपमा स्वीकार गरेका छन् ।

उनले पत्रकारहरूसँग बोल्दै यस्ता दुर्व्यवहार निरन्तर जारी रहेको र आफूले त्यसलाई रोक्ने प्रयास गरिरहेको बताए।

उनले भने, “मलाई लाग्छ यस्ता घटना अझै भइरहेका छन्। हामी यसलाई रोक्न केही समयदेखि प्रयासरत छौँ। हामीले केही पादरीहरूलाई निलम्बन र केहीलाई निकाला गरेका छौँ।”

के गर्दैछ चर्च?

पादरीहरूले लगातार दुर्व्यवहार गरेको पाइएपछि आफ्ना पूर्ववर्ती पोप बेनेडिक्टले महिलाहरूको एक धार्मिक भेलानै भङ्ग गरिदिएको उनले स्मरण गरे।

पछि भ्याटिकनका एक प्रवक्ताले सीबीएस न्युजसँग कुरा गर्दै पोपले भनेको उक्त भेला फ्रान्समा स्थित रहेको बताए।

पोप फ्रान्सिसले धर्मगुरुहरूद्वारा ननहरूको यौन दुर्व्यवहार भएको स्वीकार गरेको यो पहिलोपल्ट भएको ठानिएको छ।

मध्येपूर्वको ऐतिहासिक भ्रमणमा रहेका बेला पत्रकारहरूसँग बोल्दै पोप फ्रान्सिसले यस्ता दुर्व्यवहार निरन्तर जारी रहेको र आफूले त्यसलाई रोक्ने प्रयास गरिरहेको बताए।

खास खास एवं नयाँ कन्ग्रेगेसनहरूमा यस्तो समस्या ज्यादा रहेको उनले बताए।

गत नोभेम्बरमा क्थाथलिक चर्चका ननहरूको विश्वव्यापी संगठनले ननहरूलाई सत्य बोल्नबाट रोक्ने किसिमका ‘मौनता र गोप्यताका संस्कृति’ को निन्दा गरेको थियो।

गत साता भ्याटिकनको एउटा महिला पत्रिकाले एक दुर्लभ खुलासा गरेको थियो जसमा कतिपय ननहरूले तिनिहरूलाई गर्भपतन गर्न बाध्य बनाइएको घटनाहरू बयान गरेका थिए।

साभार : बीबीसी

    Comment Here!

Related NEWS
मुख्य खबर

आफ्नै कथा विमोचन गर्नुभो हजुरआमाले

पुस्तकमा ८० वर्ष कटेका महिलाका कथा समेटिएको छ । किताबमा समेटिएका पात्रहरू (हजुरआमा)ले नै किताब

संचारिकाका पहिलो निर्वाचित अध्यक्ष बन्दना राणालाई जनसेवा श्री

-महिला खबर- संयुक्त राष्ट्रसंघीय समितिमा उपाध्यक्ष पदमा निर्वाचित हुने राणा नै पहिलो नेपाली हुन् ।

नेपालको पहिलो रेस्लर महिला भगवतीलाई सुप्रवल जनसेवा श्री

राष्ट्रिय जीवनका कुनै पनि क्षेत्रमा प्रशंसनीय काम गर्ने नेपाली नागरिक वा नेपालको हितमा विशेष योगदान

पत्रकार पण्डित र पुन सुप्रवल जनसेवा श्रीबाट विभुषित हुने

-महिला खबर- यो सम्मान आगामी बैशाख महिनामा प्रदान गरिने छ ।

संविधान दिवसमा प्रधानमन्त्रीले यसो भने (मन्तव्यको पूर्ण पाठ)

धेरै पटक भनेको छु, मैले मृत्युलाई नजिकैबाट देखेको छु । जनबोलीमा भन्नुपर्दा पटक–पटक मरेर बाँचेको

Read more
ताजा अपडेट
© 2015.All rights reserved by mahilakhabar.com
%d bloggers like this: