बालबालिकाले बनाए आँशु झार्ने चित्र (तस्वीरसहित)


प्रकाशित मिति :2019-02-06 12:16:59

–विष्णुप्रसाद पोखरेल–

दमक । बढ्दै गएको घरेलु हिंसा र बलात्कार घटनाहरुको बिम्ब बालबालिकाले आफ्नो कलामा प्रस्तुत गर्न थालेका छन् । समाजमा बढ्दै गएका यस्ता घटनाका असरका कारण उनीहरुले आफ्नो कलामा पति हिंसा, हत्या तथा तिनका बिम्ब झल्किने किसिमका प्रस्तुती दिन थालेका हुन् ।

दमक नगरपालिकाले आयोजना गरेको प्रदेशस्तरीय बृहत बाल महोत्सवमा बालबालिकाहरुको लागि गरिएको चित्रकला प्रर्दशनीमा करिब २० प्रतिशत भन्दा बढी बालबालिकाहरुले यस्ता विषयमा चित्र बनाए ।

माघ १७ गतेदेखि २१ गतेसम्ममा २ सय ५१ जना बालबालिकाले महोत्सव परिसरमा चित्र बनाएका थिए । महोत्सवको चित्रकला प्रतियोगिताका संयोजक अभिषेक दासका अनुसार महोत्सव परिसरमा घण्टौ लगाएर बालबालिकाहरुले चित्र बनाएका थिए । चित्रकलामा कक्षा १ देखि कक्षा १२ सम्मका विद्यार्थीहरु सहभागी थिए ।

उक्त चित्रकलामा राकेश राईले बनाएको निर्मला पन्तको आँशु सहितको चित्रले धेरैको मन जितेको थियो । राई दमकको एभरेष्ट बोर्डिङ स्कूलमा अध्ययनरत छन् । उनले ‘निर्मला पन्तको हत्यरालाई संरक्षण भएको र चाँडै निर्मलाको परिवारमा न्याय मिलोस्’ भनेर आफुले यो चित्र बनाएको भनि भूमिका पनि लेखेका छन् ।

अर्का विद्यार्थी रघुनाथ चौधरीले बनाएको चित्र पनि कम छैन । आखाँभित्र हातले महिलाको मुख थुनिदिएको चित्र मर्मस्पर्शी छ । उनले उक्त चित्रबारे लेखेका छन्, ‘यो चित्रले महिला हिंसाको बारेमा देखाएको छ, महिलालाई बोल्ने अधिकार दिइएको छैन ।’

अर्का बालक किरण राईले पीडामा परेकी एक आमाको आँशु पुछेको चित्र बनाएका छन् ।

यो चित्रले पनि धेरैको मन महोत्सवमा छोएको बताईएको छ

घरेलु हिंसाबाट पीडित बनेकी आमाको आँशुलाई चित्रले देखाउन खोजिएको उनले बताए ।

अमिसा पहिम लिम्बुले आमाले छोरोछोरी कसरी हुर्काएकी हुन्छिन् भन्ने कुरा दर्शाउने चित्र बनाएकी छन् ।

एक आदिवासी महिलाले कलिलो उमेरमा बच्चा जन्माएर बोकेको दृश्य चित्रकलामा वास्तविक झैं उतारिएको छ ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: