कोख मेरो सन्तान कसको ?


प्रकाशित मिति :2019-02-05 12:24:29

-महिला खबर-

ललितपुर । बुवाको नामबाट मात्र नागरिकता दिने प्रचलनका कारण न्यायीक पीडामा परेका पीडितले न्याय र समानताको माग गर्दै बृहत फोटो प्रदर्शनी गरेका छन् ।

महिला, कानुन र विकास मञ्चको आयोजनामा राष्ट्रिय कला परिषद्को हलमा कोख मेरो सन्तान कसको ? नागरिकता विहीन व्यक्तिहरुसँग सम्बन्धित फोटो प्रदर्शनी शुरु भएको हो । प्रदर्शनीको साथमा भक्तपुरमा भएको वास्तविक घटनालाई उजागर गरिएको नाटक समेत प्रदर्शन गरिएको थियो ।

२०७१ साल साउनमा भक्तपुरमा भएको घटनालाई नाटकको रुपमा उजागर गर्दै देशमा संघीयता आए पनि न्यायीक स्वतन्त्रता नभएको उजागर गरिएको थियो । नाटकमा वैदेशिक रोजगारीका कारण आफुले आफ्नो श्रीमानबाट जीवनभरको लागि टाढा हुँदाको पल, त्यसमा पनि आफ्नो छोराले बुबाको अनुपस्थिती तथा जन्मदर्ता नहुँदा नागरिकता नपाएको पीडालाई प्रस्तुत गरिएको थियो ।

वर्तमान संविधानले आमाको नामबाट पनि छोरा छोरीले नागरिकता पाउने प्रावधान गरेता पनि त्यो कार्यान्वयन भएको छैन । नाटकको प्रस्तुतीमा कानुनी अधिकारको माग गर्दा जनप्रतिनिधिले नागरिकताको लागि सिफारिस नदिने र प्रशासनद्वारा नागरिकता वितरण नगर्ने गरेको दुःखेसोमूलक तथा सन्देशमूलक प्रस्तुती रहेको थियो ।

नाटकमा एउटा छोरी मान्छेले एक्लो हुँदा आफ्नो परिवार, आफन्त तथा समाजमा हुने गरेको अपहेलनालाई जस्ताको तस्तै प्रस्तुत गरिएको थियो । एउटा नारीले पुरुषकै कारण सहनुपरेको पीडा त उनको लागि मात्र भयो । तर उनीबाट जन्म लिएको त्यो अवोध बालकले समेत नागरिकताबाट बञ्चित भई राज्यबाट पाउने कुनै पनि सेवा सुविधाबाट बञ्चित हुनुपरेको बास्तविक घटनालाई नाटकको माध्यमबाट उजागर गरिएको छ ।

देशमा भएका तथा पीडित महिलाहरुको भनाइलाई समेटेकोवबास्तविक तथा यथार्थपरक फोटो प्रदर्शनी गरिएको छ । फोटो प्रदर्शनी चार दिनसम्म चल्ने आयोजकले जनाएको छ ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: