अधिकारकर्मी भूमिका श्रेष्ठको आत्मकथा सार्वजनिक


प्रकाशित मिति :2019-01-12 07:51:15

-महिला खबर-

लतिपुर । तेस्रोलिंगी अधिकारकर्मी भूमिका श्रेष्ठको आत्मकथा सार्वजनिक भएको छ । श्रेष्ठको जन्मदिनको अवसर पारेर घोष्ट राइटिङ नेपालले भूमिका (तेस्रोलिंगीको आत्मकथा) सार्वजनिक गरेको हो । शुक्रबार काठमाडौंमा कलाकार रमेश उप्रेती, नायिका रेखा थापा, पूर्व मिस नेपाल माल्भिका सुब्बा, नील हिरा समाजकी अध्यक्ष पिंकी गुरुङले संयुक्त विमोचन गरे ।

विमोचन कार्यक्रममा बोल्दै नायिका रेखा थापाले भूमिकालाई जन्म दिने आमा नै वास्तविक हिरो भएको बताइन् । उनले भनिन्, ‘म भूमिका जस्तो बन्न सक्दिन, न भूमिका म जस्तो बन्न सक्छिन् ।’ थापाले सबैलाई आफ्नो युनिक पनमा बाच्ने अधिकार हुन्छ भन्दै भूमिकाको आत्मकथा हरेक गाउँ, बस्ती, टोल टोलमा पुग्नु पर्ने बताइन् ।

नायक एवं चलचित्र निर्माता रमेश उप्रेतीले भूमिकाको आँट देखेर सलाम गर्न मन लागेको बताए । उनले लिंगले समाजमा कुनै फरक नपार्ने भन्दै यो समुदायका लागि सहयोग गर्न प्रतिवद्ध रहेको बताए ।

पूर्व मिस नेपाल माल्भिका सुब्बाले भूमिका श्रेष्ठको नाममा नागरिकता लिएको हेर्ने मन भएको बताइन् । भूमिकाले अहिले पनि कैलास श्रेष्ठकै नाममा नागरिकता लिएको भन्दै अब भूमिका श्रेष्ठकै नाममा नागरिकता लिएको हेर्न मन भएको बताइन् ।

नील हिरा समाजकी अध्यक्ष पिंकी गुरुङले तेस्रोलिंगीको जीवनलाई किताबमा उतारिएको यो पहिलो पटक भएको बताइन् । ‘भूमिकाको यो किताब सबै तेस्रोलिंगीको जीवनसँग मिल्न जान्छ भन्दै उनले भनिन्, ‘मैले टिपेको कोपिला आज सुन्दर फूलमा परिणत भएको छ, मलाई गर्व लागेको छ ।’

साहित्यकार तथा पत्रकार अश्विनी कोईरालाले पुस्तकले धर्मका कुरादेखि ल्याएर विकास र साहित्यमा जोडेकोमा खुशी ब्यक्त गर्दै पुुस्तकको सफलताको शुुभकामना ब्यक्त गरे । कोइरालाले भूमिकाको कितावमा महाराभारत, रामायण, नेवारी संस्कृतीदेखि लिएर अन्तराष्ट्रिय बिषय समेत राखिएकाले पुस्तक पठनिय भएको बताए ।

पुस्तकका सम्पादक पदम श्रेष्ठले पुस्तकमा तेस्रोलिंगी मात्रै नभएर एलजीबीटीआई सबैको ब्याख्या गरिएको बताए । उनले यौनिक तथा लैंगिक अल्पसंख्यक समुदायको अधिकार लेखेर मात्रै नहुने भन्दै कार्यान्वयन हुनुपर्ने बताए ।

घोष्ट राइटिङ नेपालका अध्यक्ष एवं लेखन कुन्जका कमल ढकालले हरेक मान्छेलाई किताबमा बदल्ने अभियानको पछिल्लो कडिको रुपमा भुमिका श्रेष्ठको आत्मकथा आएको बताए । तेस्रोलिंगीलाई बुझ्ने माध्यमको रुपमा यो किताब कोशेढुंगा हुनेमा उनको बिश्वास छ ।

ढकालले भूमिकाको जीवनको पुस्तक मात्रै नभएर यौनिक तथा लैंगिक अल्पसंख्यककै जीवनको पुस्तकको रुपमा तेस्रोलिंगीको आत्मकथा विमोचन भएको बताए ।

लेखक श्रेष्ठले भावुक हुँदै आफ्नो समूदायको पीडा बेदना समेटिएको पुस्तक तेस्रोलिंगीको आत्मकथा पढिदिन आग्रह गरिन् । आत्मकथामा ३५ बिषय समावेश छन् । २ सय ४० पृष्ठको पुस्तकको मुल्य ३ सय ५० रुपैयाँ राखिएको छ ।

    Comment Here!

Related NEWS
मुख्य खबर

सञ्चारिका महासचिव तुम्खेवाको हत्केलामा पृथ्वी लिएर उभिएको मान्छे सार्वजनिक

-महिला खबर- ललितपुर । सञ्चारिका समूहकी महासचिव तथा कवि विमला तुम्खेवाको हत्केलामा पृथ्वी लिएर उभिएको मान्छे

वडा अध्यक्षले नै गरे १६ वर्षे बालिकासँग विहे

-महिला खबर- खोटाङको हलेसी तुवाचुङ नगरपालिका वडा नम्बर ६ का वडाध्यक्ष रमेश कुमार राउतले १६ वर्ष

बालिका आश्रममा सौन्दर्यकर्मीको स्थापना दिवस

-महिला खबर- देवघाट । राष्ट्रिय सौन्दर्यकर्मी युनियन नेपाल प्रदेश न,३ ले आफ्नो ११ औं स्थापना दिवस

सबैका लागि समानता (तस्वीरमा)

–महिला खबर– आज विश्व समाज कार्य दिवस । सामाजिक क्षेत्रका व्यक्तिहरुले विभिन्न कार्यक्रम गरि मनाएका छन्

महिला मात्रै पढ्ने क्याम्पसमा पुरुष प्रमुख

–महिला खबर– पद्मकन्या क्याम्पसका प्राध्यापक, विद्यार्थी तथा कर्मचारीले महिला क्याम्पस प्रमुख हुनुपर्ने माग राखि लगातार

Read more
ताजा अपडेट
© 2015.All rights reserved by mahilakhabar.com
%d bloggers like this: