आफू बस्ने छाउ गोठ आफै भत्काए महिलाहरुले (हेर्नुस् भिडियो)


प्रकाशित मिति :2018-12-23 12:55:43

-धनराज अबिरल-

कैलाली । कैलालीको लम्की चुहा नगरपालिका ६ चैनपुरका महिलाहरूले महिनावारी भएको बेला बस्ने छाउ गोठ भत्काएका छन् । छाउ गोठमा महिलाहरू असुरक्षित हुने भन्दै महिलाहरूले आफू बस्ने छाउ गोठ आफै भन्काएका हुन् ।

महिनावारी हुँदा छाउ गोठमा बस्नेलाई राज्यले कानून लगाएर कार्वाही गर्ने कुरा थाहा पाएपछि छाउ गोठ भन्काएको उनीहरूले बताए ।

पुस ३ गते चैनपुरमा भएको खेलकुद कार्यक्रमको उद्घाटन गर्दै लम्की चुहा नगरपालिकाका नगर प्रमुख महादेव बजगाँइले नगरपालिकाले छाउ प्रथा न्युनीकरण गर्न अभियान संचालन गर्ने भन्दै छाउ गोठ भत्काउनेलाई पुरस्कार र सम्मान गर्ने बताएपछि चैनपुरका महिलाहरूले छाउ गोठ भत्काएको बताएका छन् ।

लम्की चुहा नगरपालिका ६ चैनपुरकी २३ वर्षीया सृजना बिकले छाउ गोठमा बस्नु गलत भएको महसुस भएपछि यसको अन्त्यको लागि आफूले बस्दै आएको छाउ गोठ भत्काएको बताईन् ।

सासू, ससुरा र श्रीमानको सहयोगमा छाउगोठ भत्काउन सफल भएको बताउँदै उनले भनिन्, ‘गाउँका करिब १५ जना महिलाहरू मेरै घरमा बनेको छाउ गोठमा बस्दै आएका छन् । हामी छाउ गोठमा बस्ने महिलाहरूले नै छाउ गोठ भत्काएका हौं ।’ अब छाउगोठ नै नभएपछि महिलाहरू बाध्यताले घरमा बस्ने अवस्था आएको उनले बताइन् । भनिन्, ‘छाउ गोठ नै नभएपछि कहाँ बस्ने त ? घरमा बस्ने बाटो खुलेको छ ।’

सृजनाकी सासू ४३ वर्षीया धनसरा बिकले भनिन्, ‘बुहारीले पहिले नै गोठमा नबसौं भनेकी थिईन् । हामीले बुहारीको कुरा सुनेनौं । मेयर सा’बले छाउ गोठमा बस्नु अपराध भन्नु भो । चित्त बुझ्यो । आज गोठ भत्काएका हौं ।’

सृजनाकी छिमेकी संगिता बिकले सृजनाको हिम्मतमा आफूले पनि साथ दिएको बताइन् । अहिलेसम्म महिनावारी हुँदखा गोठमै बस्दै आएकी उनले अब गोठ नभएको बहानामा घरमा बस्न थाल्ने बताइन् ।

स्थानीय चन्द्रा विकले पनि अबदेखि महिनावारीको बेला घरमै बस्ने प्रतिवद्धता गरिन् ।

स्थानीय अगुवा बिस्ना कुमारी बिसीले दुई वर्षको अवधिमा ६० छाउ गोठ भत्काउन सफल भएको बताईन् । दुई वर्ष अघि स्थानीय पद्मा विकले सबैभन्दा पहिला छाउ गोठ भत्काएको स्मरण गर्दै बिस्नाले भनिन्, ‘छाउ गोठ भन्काउन त सफल भयौं । अब मनका गोठ भत्किन कति समय पर्खिनु पर्ने हो थाहा छैन ।’

    Comment Here!

Related NEWS
मुख्य खबर

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

बन्दाबन्दीमा ‘आमाको माया’ एप्स वरदान साबित

–महिला खबर– ललितपुर । लकडाउनको अवस्थामा निरन्तर स्वास्थ्यकर्मिको नजरमा रहनु पर्ने गर्भवती तथा सुत्केरीहरुका लागि ‘आमाको

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

Read more
ताजा अपडेट
© 2015.All rights reserved by mahilakhabar.com
%d bloggers like this: