आमाको हत्यापछि बाबु जेलमा, दुई छोरीको बिच्चली


प्रकाशित मिति :2018-12-16 13:11:53

-सर्मिला बुढाथोकी-

दोलखा । जिरी नगरपालिका ९, ठूलोपातलका तस्विर तमाङले श्रीमतीको हत्यागरे पछि उनको दुई छोरी अस्मिता र मुना अभिभावक विहीन भएका छन् ।

गएको मंसिर १७ गते दोलखा जिरी नगरपालिका ९ का ३५ वर्षका तस्विरले श्रीमती राममाया तमाङलाई काठको चिर्पटले हिर्काएर हत्या गरेका थिए ।

राममायाको हत्यापछि प्रहरीले तस्विरलाई पक्राउ गर्यो । त्यसपछि तामाङ दम्पत्तीका दुई छोरी १७ वर्षकी अस्मिता र १२ वर्षकी मुना अभिभावक विहीन भएका हुन् ।

अभिभावक विहिन अस्मिता र मुना

कक्षा १० र कक्षा ६ मा पढिरहेका उनीहरुको पढाइ समेत अघि बढाउन समस्या भएको छ । अस्मिता र मुना सदरमुकाम चरिकोटमा भरीयाको काम गर्दै आएका बुबा तस्विरसँग बसेर पढ्दै थिए ।

जेठी छोरी अस्मिता चरिकोटको पशुपती कन्या मन्दिर माध्यामिक विद्यालयमा कक्षा १० मा पढ्छिन् भने मुना अल्पाईन बोर्डिङ स्कुलमा कक्षा ६ मा अध्ययन गर्दै छिन् ।

अभिभावक विहीन बनेकी जेठी छोरी अस्मिताले विद्यालय तह सकेर स्टाफ नर्स बन्ने लक्ष्य लिएकी छिन् । आमाको हत्या गरेपछि बुबालाई पुलिसले पक्रिएको छ । बुबा आमा दुबै नभएपछि कसरी पढ्ने भन्ने चिन्ताले सताएको छ – अस्मिताले भनिन् ।

अस्मिताको हजुरबुबाले दुबै नातिनीलाई गाउँमा लगेर पढाउने बताएका छन् । तर उनीहरु विद्यालय तहको बाँकी शिक्षा पनि सदरमुकाम चरिकोटमै लिन चाहन्छन् । बैनी मुनाको पढाई राम्रो भएको र आफु पनि पढ्दै आएको विद्यालयमा नै पढ्न चाहेको अस्मिताले बताइन् ।

उनीहरु आमाको घटनापछि निराश र विक्षिप्त छन् । त्यो घटनालाई बिर्सिएर पढाइ अघि बढाउन चाहन्छन् । अस्मिताका अनुसार सदरमुकाम चरिकोटमा बुबासँग बसेर पढेको भएपनि खर्च र पढाइको बारेमा आमाले नै चासो दिने गर्थिन् । बाबाले खाने, बस्ने मात्र व्यवस्था गरिदिएको उनले बताइन् ।

अस्मिता र मुनाको मामा तेजकुमार पाख्रिन भान्जीहरुको पढाई राम्रो रहेको र उनीहरु सदरमुकाममै बसेर पढ्न चाहेको तर पढाउने खर्च नहुँदा बाजेले गाउँ लैजान खोजेको बताउँछन् ।

    Comment Here!

Related NEWS
मुख्य खबर

गर्भपतन र सुत्केरीको ज्यान जोखिममा

ऐनको प्रस्तावनामा नै सुरक्षित, गुणस्तरी, सर्वसुलभ तथा पहुँचयोग्य बनाउने व्यवस्था गरेको छ तर त्यसका बारेका

‘र…डी’का भोटहरू

हालेका भोटहरू तुरुन्तै फिर्ता गरेर आफ्नो ज्यान जोगाउनुस् मेयर सा’ब ।

हावाहुरी प्रभावित हिमसरालाई सहयोग

–महिला खबर– ललितपुर । उनलाई खान र बस्नका लागि गोदावरी चेम्बर अफ कर्मशले सहयोग गरेको

बालिकाको सामूहिक बलात्कार गर्ने पक्राउ

धनगढी उप–महानगरपालिका वडा नम्वर १५ का झगडु चौधरी, विजय चौधरी र वडा नम्वर ७ का

७ सय ४४ लिटर घरेलु मदिरा नष्ट

कैलालीको धनगढी उपमहानगरपालिकाका विभिन्न वडाबाट अवैध घरेलु मदिरा बरामद गरी प्रहरीले नष्ट गरेको हो ।

Read more
© 2015.All rights reserved by mahilakhabar.com
%d bloggers like this: