पक्राउ परेकी पत्रकार शाह रिहा


पक्राउ गर्दा प्रहरीले अभद्र व्यवहार गर्यो

प्रकाशित मिति :2018-12-13 20:32:29

-महिला खबर-

लतिपुर । फोटो पत्रकार वर्षा शाहले पक्राउका क्रममा आफूमाथि प्रहरीले अभद्र व्यवहार गरेको बताएकी छन् ।

अहिले बेलुकी सात बजे महानगरीय प्रहरी वृत महाराजगञ्जबाट रिहा भएकी शाहले महिला खबरसँग कुरा गर्दै भनिन्, ‘मलाई एउटा अपराधीलाई जस्तो व्यवहार गरेर पक्रियो । पत्रकारको परिचय पत्र झुण्ड्याएको अस्थामा सामान्य सुझबुझ समेत गरिएन ।’

पक्राउका क्रममा प्रहरी महिलाको नंग्राले शाहको घाँटीमा कोतरिएको छ ।

देश सञ्चार अनलाइनमा कार्यरत शाहलाई फोटो खिच्न राष्ट्रपति कार्यालय शितल निवास पुगेको बेला आजै अपराह्न प्रहरीले पक्राउ गरेको थियो ।

प्रेस पास झुण्ड्याएर तस्बिर खिचिसकेपछि कार्यालय फर्किन गाडी कुरिरहेको बेला आफूलाई प्रहरीले नियन्त्रणमा लिएको शाहले बताइन् ।

आफूले कार्ड झुण्ड्याएको अवस्थामा म पत्रकार हुँ, मैले के गरेँ र मलाई पक्राउ गर्न ? भनी प्रश्न गरेको अवस्थामा समेत महिला प्रहरीले तँ जो सुकै होस् हामीलाई के मतलब ? डीएसपी सा’बले पक्राउ किन नगरेको भन्दै हाम्लाई गाली गर्नु भा‘छ भन्दै अपमानजनक तरिकाले पक्राउ गरिएको बताइन् ।

सर्वसाधारणसँग एक–एक रुपैयाँ उठाएर राष्ट्रपतिलाई प्रतीकात्मक रुपमा गाडी पुर्याउन पुगेको समूहको फोटो खिच्दै गर्दा उनलाई नियन्त्रणमा लिइएको हो ।
पक्राउपछि उनलाई महाराजगञ्ज प्रहरीको हिरासतमा राखिएको थियो ।

    Comment Here!

Related NEWS
मुख्य खबर

गर्भपतन र सुत्केरीको ज्यान जोखिममा

ऐनको प्रस्तावनामा नै सुरक्षित, गुणस्तरी, सर्वसुलभ तथा पहुँचयोग्य बनाउने व्यवस्था गरेको छ तर त्यसका बारेका

‘र…डी’का भोटहरू

हालेका भोटहरू तुरुन्तै फिर्ता गरेर आफ्नो ज्यान जोगाउनुस् मेयर सा’ब ।

हावाहुरी प्रभावित हिमसरालाई सहयोग

–महिला खबर– ललितपुर । उनलाई खान र बस्नका लागि गोदावरी चेम्बर अफ कर्मशले सहयोग गरेको

बालिकाको सामूहिक बलात्कार गर्ने पक्राउ

धनगढी उप–महानगरपालिका वडा नम्वर १५ का झगडु चौधरी, विजय चौधरी र वडा नम्वर ७ का

७ सय ४४ लिटर घरेलु मदिरा नष्ट

कैलालीको धनगढी उपमहानगरपालिकाका विभिन्न वडाबाट अवैध घरेलु मदिरा बरामद गरी प्रहरीले नष्ट गरेको हो ।

Read more
© 2015.All rights reserved by mahilakhabar.com
%d bloggers like this: