न्यूयोर्कमा पत्रकार मच्छेदेवी सम्मानित


प्रकाशित मिति :2018-11-15 11:19:30

न्यूयोर्क । अमेरिकाको न्यूयोर्क सिटीद्वारा नेपाल अमेरिका पत्रकार संघ नेजाका कोषाध्यक्ष तथा पत्रकार मच्छेदेवी गुरुङसहित ६ नेपाली सम्मानित भएका हुन् ।

अमेरिकाको न्यूयोर्कबाट प्रकाशन हुँदै आएको लोकप्रिय नेपाली पत्रिका एभरेष्ट टाइम्स १० वर्ष पुरा भई ११ औ वर्षमा प्रबेश गरेको अवसरमा आयोजित दशौं वार्षिकोत्सव कार्यक्रममा न्यूयोर्क सिटी काउन्सिलको तर्फबाट काउन्सिलका सदस्य कोष्टा कोन्टनडिजले नेजाका कोषाध्यक्ष गुरुङसहित ६ जनालाई सम्मान पत्रले सम्मान गरेका थिए ।

न्यूयोर्कको क्वीन्सस्थित बेलेजिनो हलमा आयोजित कार्यक्रममा काउन्सिल मेम्बर कोष्टाले, अमेरिकामा नेपाली समुदायको सेवासंगै एक दशकदेखि एभरेष्ट टाइम्सले समुदायमा पु¥याएको सेवाप्रति निकै खुसी भएको बताउँदै कोषाध्यक्ष गुरुङसहित तेम्बा दोङमा हयोल्मो, नेत्र तामाङ, इन्दीरा चोङबाङ, पासाङ नुर्बु शेर्पा र रोज मोक्तानलाई सम्मान पत्र वितरण गरेका थिए ।

मच्छे गुरुङले लामो समयदेखि पत्रकारिता मार्फत शासन संरचना, राजनीतिमा महिलाको सहभागिता र महिला अधिकारका बिषयमा आवाज उठाउँदै आएकी छन् ।

रेडियो सगरमाथामा महिला अधिकार र महिलासँग सम्बन्धित शिक्षा, स्वास्थ्य, रोजगारीमा महिलाको पहुँच र असल शासन र कानुनी सहायता सम्बन्धी विभिन्न बिषयमा सैयौं कार्यक्रम सञ्चालन गरेकी गुरुङ हाल अमेरिकाबाट प्रकाशित एभरेष्ट टाइम्स पत्रिकासँग आवद्ध छिन् ।

यसैबीच, काउन्सील मेम्बर कोष्टाले एभरेष्ट टाइम्सका प्रधान सम्पादक आङछिरिङ शेर्पालाई विशेष सम्मान गरेका थिए । १० वर्षदेखि अमेरिकी नेपाली समुदायमा एभरेष्ट टाइम्स पत्रिका मार्फत प्रधान सम्पादक शेर्पाले गरेको योगदानको कदर गदै न्यूयोर्क सिटिबाट यो सम्मान गरेको काउन्सिल सदस्य कोष्टाले बताए ।

यसैबीच, नेपाली काउन्सुलेटका कार्यवाहक महावाणिज्यदूत पुष्पराज भट्टराईले एभरेष्ट टाइम्सले प्रवासमा नेपाली भाषा, धर्म र सस्कृतिको संरक्षणको लागि महत्वपुर्ण योगदान पु¥याउदै आएकोमा प्रशंसा गरेका थिए । कार्यक्रममा एभरेष्ट टाइम्सले दशौ वर्षको अवसर पारेर प्रकाशित विशेषांक पुस्तिकाको प्रमुख अतिथि भट्टराईले विमोचन गरेका थिए ।

    Comment Here!

Related NEWS
मुख्य खबर

द्वन्द्व प्रभावित महिलाका कानून मन्त्रीलाई प्रश्न– १२ वर्षसम्म नपाएको न्याय कहिले पाउँछौं ?

-महिला खबर- बुधबार काठमाडौंमा भएको एक कार्यक्रममा द्वन्द्व प्रभावित महिलाहरुले कानून न्याय तथा संसदीय मामिला

महिलाहरुको अन्तर्राष्ट्रिय सम्मेलन सम्पन्न

विभिन्न धार्मिक ग्रन्थहरुका सकारात्मक पक्षहरुलाई सबैले मनन गरी आत्मसात् गर्नुपर्नेमा पनि सम्मेलनले जोड दिएको छ

गाउँपालिका अध्यक्षको पहलमा खोरमा थुनिएकी महिलाको उद्धार

खोरमा थुनिएकी महिलाको फोटो सामाजिक सञ्जालमा भाइरल भएपछि गाउँपालिकाले उद्धारमा चासो देखाएको हो ।

किशोरी भलिबल प्रतियोगिता हुने

सुरुआती चरणमा भलिवल खेलमा किशोरीको सहभागिता नभए पनि अहिले जिल्लामा भलिवल खेलप्रति किशोरीहरुको चासो बढ्दै

सुस्त मनस्थितिकी युवती बलात्कृत

–महिला खबर– जन्मजात देख्न र सुन्न सक्ने भए पनि ती युवती बोल्न भने सक्दिनन् ।

Read more
ताजा अपडेट
© 2015.All rights reserved by mahilakhabar.com
%d bloggers like this: