यातना पीडितलाई बेवास्ता गरेको गुनासो


प्रकाशित मिति :2018-11-05 16:15:17

–महिला खबर–

ललितपुर । द्वन्द्वको समयमा यातना भोगेका महिलालाई राज्यले कुनै सम्बोधन नगरेको यातना पीडित महिलाहरूले गुनासो गरेका छन् ।

राज्यले मृतक, घाइते तथा अंगभंग भएकालाई सम्बोधन गरे पनि यातनाबाट आजीवन समस्या भोग्ने अवस्थामा रहेका महिलालाई बेवास्ता गरेको उनीहरूको गुनासो छ ।

मानव अधिकारका लागि महिला एकल महिला समूहले गरेको अन्तरक्रियामा सहभागी द्वन्द्वमा यातना भोगेका महिलाले उक्त गुनासो गरेका हुन् ।

द्वन्द्वको समयमा यातना भोगेकी दाङकी सुशीला चौधरीले भनिन्, ‘यातना पीडित महिलाहरू घरमै थलिएर बस्नुपर्ने अवस्था छ । सरकारले दिने राहत पनि राजनीतिक पहुँचका आधारमा वितरण हुन्छ ।’

जाजरकोटकी मैना कार्की यातना पीडितको साथै द्वन्द्वकालको विस्थापित पनि हुन् । उनले त्यतिबेला सरकार र विद्रोही दुवै पक्षबाट यातना पाएको बताईन् । राज्यले यातनाबाट पीडित महिलालाई कुनै सम्बोधन नगरेको उनको गुनासो छ ।

कार्कीले जाजरकोटमा अझैं पनि कति महिला द्वन्द्वकालमा भएको यातनाकै कारण हिँडडुल गर्न नसक्ने अवस्थामा भएको बताईन् । उनले भनिन्, ‘आजीवन औषधि सेवन गर्नुपर्ने अवस्थाका महिलाको सम्बोधन कहिले हुन्छ, थाहा छैन ।’

घाइते, अंगभंग भएकालाई राज्यले द्वन्द्व प्रभावितको सूचीमा राखे पनि यातना पीडितलाई सम्बोधन गर्ने कुनै पनि नीति तथा कार्यक्रम छैन ।

मानवअधिकारको लागि महिला एकल महिला समूहका कार्यक्रम प्रबन्धक राजिन रायमाझीले सरकारले अहिले द्वन्द्व प्रभावितका विषयलाई प्राथमिकतामा नराखेको भन्दै आफ्ना समस्याको लागि प्रभावितहरूले पनि आवाज उठाउनुपर्ने सुझाव दिईन् ।

‘द्वन्द्वका घाउ सकिइसक्यो भन्ने राज्यको बुझाइ छ’ रायमाझीले भनिन्, ‘उहाँहरूको समस्या अझैं सम्बोधन नभएकोले अब पीडितहरूले नै आफ्ना समस्याको लागि आवाज उठाउन आवश्यक छ ।’

    Comment Here!

Related NEWS
मुख्य खबर

एचआइभी संक्रमित मथुरालाई गंगादेवी शान्ति पुरस्कार

–महिला खबर– अछामकी मथुरा कुँवर एचआइभी संक्रमित भएपछि आफ्नै समाजबाट भएको हिंसा, लाञ्छनाका बाबजुद समाज

आफ्नै पाठेघरबाट जन्मिएकाे सन्तानलाई मेराे भन्न नपाउने ?

–डा.अरुणा उप्रेती– पाँच पाण्डव बाबुबाट जन्मेका थिए । कुन्ती र माद्रीले पाँच पाण्डवलाई नागरिकता दिलाउनु

सर्वोच्चले खाेलिदियाे जन्मसिद्ध नागरिकका सन्तानलाई वंशजको नागरिकता लिने बाटाे

–महिला खबर– ललितपुर । जन्मको आधारमा नागरिकता लिएका नेपाली नागरिकका सन्तानलाई वंशजको नागरिकता वितरण गर्न सर्वोच्च

‘तान्ने प्रथा’ अझै

मञ्जुरीबिना जबरजस्ती तानेर लाने र त्यसलाई ‘मौलिक परम्परा’ ठानेर नयाँ पुस्ताले पनि चुपचाप सहिदिँदा महिलाहरू

६ वर्षीया बालिकालाई यौन दुर्व्यवहार गर्ने पक्राउ

–महिला खबर– झापाको बिर्तामोडमा रहेको पसलमा सामान किन्न गएकी एक बालिकालाई पसलका सञ्चालकले यौन

Read more
ताजा अपडेट
© 2015.All rights reserved by mahilakhabar.com
%d bloggers like this: