प्रहरीले गरे महिलामाथि दुर्व्यवहार


दुर्व्यवहार गर्ने प्रहरीलाई कारबाही

प्रकाशित मिति :2018-11-04 16:07:44

-महिला खबर-

ललितपुर । उदयपुरको कटारी नगरपालिका ४ मा गएराती स्थानीय र प्रहरीबीच विवाद हुँदा प्रहरीले स्थानीय महिलालाई दुर्व्यवहार गरेका छन् ।

चुनढुंगा ढुवानीको विषयमा शनिबार मध्यरातमा स्थानीयसँग प्रहरीको विवाद भएको थियो । सिद्धिचरण लोकमार्गमा धुँवाधुलोले बस्न समस्या भएको भन्दै स्थानीयले ट्रिपर चलाउन नदिने जनाएका थिए ।

घटनापछि भेला भएका स्थानीय

स्थानीयले उक्त बाटोमा ट्रिपर चलाउन नदिने निर्णयको बिपरित ट्रिपरचालकले चुनढुङ्गा बोक्न थालेपछि स्थानीयले ट्रिपरलाई सडकमै रोकेका थिए ।

त्यसपछि प्रहरीले स्थानीयमाथि बल प्रयोग गरेको थियो । त्यतिबेला प्रहरीले महिलालाई दुर्व्यवहार गरेको उनीहरुले आरोप लगाएका छन् । झडपका क्रममा २ जना महिला सहित ६ जना घाइते भएका थिए ।

झडपकाक्रममा प्रहरीले महिलालाई अश्लिल शब्द प्रयोग गर्नुका साथै दुर्व्यवहार गरेको स्थानीयले बताएका छन् । प्रहरीले नै महिलामाथि दुर्व्यवहार गरेको भन्दै स्थानीयले सडक बन्द गराएका थिए ।

दुर्व्यवहार गर्ने प्रहरीलाई कारबाही

महिलामाथी दुर्व्यवहार गर्ने प्रहरीलाई विभागीय कारबाही गरिने भएको छ । घटनापछि आइतबार बिहान कटारी नगरपालिका, इलाका प्रशासन कार्यलय, इलाका प्रहरी कार्यलय लगायत सरोकारवालाबीच भएको छलफलले प्रहरीलाई विभागीय कारबाही गरिने निर्णय भएको हो ।

शनिबार मध्यरातमा इलाका प्रहरी कटारीका डिएसपी धुब्र श्रेष्ठको नेतृत्वमा प्रहरी खटिएको थियो ।

छलफलमा इलाका प्रशासन कार्यलयका डिएसपी धुर्वकुमार श्रेष्ठ, प्रहरी नायब निरीक्षक श्याम बहादुर रावत र प्रहरी हवल्दार रामेश्वर खँगले क्षमायाचना सहित माफी पनि मागेको इलाका प्रशासन कार्यलयका कटारीका प्रमुख सुनिल पौडेलले बताए ।

घाइते भएकाहरुको नगरपालिकाले उपचार गर्ने, सो सडकमा ट्रिपर नचलाउने, महिलालाई दुर्व्यवहार गर्ने प्रहरीलाई कारबाही गर्ने निर्णयपछि विवाद टुंगिएको पौडेलले जानकारी दिए ।

इलाका प्रहरी कार्यलय कटारीका डिएसपी धु्रबकुमार श्रेष्ठले भने महिलालाई कुनै अश्लिल शब्द प्रयोग नगरेको दाबी गरेका छन् । विवादका क्रममा महिला आफै आइलागेको र आफै गाडीमा चढ्न खोज्दा लडेर चोट लागेको उनको दाबी छ ।

डिएसपी श्रेष्ठले भने, ‘हामीबाट गल्ती भएको भनेपछि हामीले माफी मागिसकेका छौँ । अब घटना टुंगिसकेको छ ।’

    Comment Here!

Related NEWS
मुख्य खबर

एचआइभी संक्रमित मथुरालाई गंगादेवी शान्ति पुरस्कार

–महिला खबर– अछामकी मथुरा कुँवर एचआइभी संक्रमित भएपछि आफ्नै समाजबाट भएको हिंसा, लाञ्छनाका बाबजुद समाज

आफ्नै पाठेघरबाट जन्मिएकाे सन्तानलाई मेराे भन्न नपाउने ?

–डा.अरुणा उप्रेती– पाँच पाण्डव बाबुबाट जन्मेका थिए । कुन्ती र माद्रीले पाँच पाण्डवलाई नागरिकता दिलाउनु

सर्वोच्चले खाेलिदियाे जन्मसिद्ध नागरिकका सन्तानलाई वंशजको नागरिकता लिने बाटाे

–महिला खबर– ललितपुर । जन्मको आधारमा नागरिकता लिएका नेपाली नागरिकका सन्तानलाई वंशजको नागरिकता वितरण गर्न सर्वोच्च

‘तान्ने प्रथा’ अझै

मञ्जुरीबिना जबरजस्ती तानेर लाने र त्यसलाई ‘मौलिक परम्परा’ ठानेर नयाँ पुस्ताले पनि चुपचाप सहिदिँदा महिलाहरू

६ वर्षीया बालिकालाई यौन दुर्व्यवहार गर्ने पक्राउ

–महिला खबर– झापाको बिर्तामोडमा रहेको पसलमा सामान किन्न गएकी एक बालिकालाई पसलका सञ्चालकले यौन

Read more
ताजा अपडेट
© 2015.All rights reserved by mahilakhabar.com
%d bloggers like this: