‘श्रीमती’ को रूपमा बेचिँदै कलिला छोरीहरू


प्रकाशित मिति :2018-10-22 11:09:38

ललितपुर । नाइजेरियामा एउटा परम्परा छ । जसलाई ‘पैसाको लागि विवाह’ नामले चिनिन्छ । उक्त परम्परामा आमाबाबुले लिएको ऋण तिर्न पाँच वर्षका कलिला छोरीहरू समेत बेचिने गरेका छन् ।

क्रस नदी प्रान्तको गाउँमा एउटा पुरातन परम्पराले निरन्तरता पाइराखेको छ । बाल अधिकारकार्मीहरूले यो प्रथाले साना केटीहरूको दासत्व र यौन शोषणयुक्त जीवन बिताउन बाध्य पारेको जनाएका छन् । उनीहरुले यसको भत्सर्ना पनि गरेका छन् ।

पाँच वर्षकी मिराकलको केही हप्ता अघि पैसाको लागि विवाह गरिएको थियो । उनी अहिले क्रिश्चियन धार्मिक समूहसँग बस्छिन् । उनीे पैसाको लागि गरिने विवाहको ज्वलन्त उदाहरण हुन् ।

उनलाई आफ्नी दिवंगत किशोरी दिदीको बदलामा खरिद गरिएको थियो । उनको नयाँ मालिकको बच्चा थिएन । अर्कीे किशोरी रोज इनाइट भने भाग्यशाली बन्न पुगिन् किनभने उनको नौ वर्ष पहिले उद्धार गरिएको थियो ।

‘म दश वर्षकी थिएँ जतिबेला उनीहरुले मलाई बेचे । मेरो बुबाको मृत्यु हुँदा म सात वर्षकी थिएँ । म दश वर्षको हँंदा उनीहरुले मलाई लगे’ उनले भनिन् ।

त्यहाँका एक सामुदायिक नेता ओनोमाटोपी सनडे आईचीलले बताएअनुसार यो अभ्यास प्रतिबन्धित भइसकेको छ ।

‘यो अभ्यास प्रचलनमा थियो । मेरो विचारमा यो सन् १९९० को दशकतिर बन्द भएको थियो । पैसाले किनिने श्रीमतीको बारेमा उनीहरू जे बोल्दैछन् त्यो होइन ।’ आईचीलले भने – मान्छेहरू बाहिर आउँछन् र बिहे गर्न एउटा महिला खोजिरहेको कुरा यसरी भन्दै हिँड्दैनन् ।’

उनले अझ थपे, ‘यो तब हुन्छ जब परिवारमा कोही बिरामी हुन्छन् वा प्रहरीको मामलामा तानिन्छन्, त्यसपछि उनीहरूले पैसा सापटी लिन्छन् । तर सबैभन्दा धेरै चैं कर तिर्नको लागि पैसा सापटी लिने गरेको पाइन्छ ।’

एउटा मालिकबाट अर्कोमा हस्तान्तरण गरिने हुँदा ती किनिएका पत्नीहरूले दासत्व र यौन शोषणमा दशकौं बिताउनु पर्ने हुन्छ ।

धार्मिक समूहमा रिचर्ड अकोनमले बेचिएका केटीहरूलाई उद्दार गर्न आफ्नो समय समर्पित गरेका छन् । नौ वर्षमा उनले २१ जना किशोरीलाई मुक्त गराएका छन् ।

‘एउटा पुरूष सिधै एउटा केटीलाई किन्न जान्छ । एक बाबुले उसको छोरी जन्मिनुअघि नै पैसा लिएर उसको बिहेको निर्णय गर्दिन सक्छ । त्यो पुरूष ४० वर्षसम्म पनि पर्खेर बस्नेछ । यदि त्यो मानिस मर्यो भने उसका भाइहरूले आफ्नो दाइको किनिएकी श्रीमती पाउन सक्छन्’ अकोनमले भने ।

यसरी दासको रूपमा बेचिएका किशोरीहरू मध्ये निकै कमको मात्रै उद्दार हुने गरेको छ ।

पीडितहरूलाई सहयोग गर्न काम गरिरहेका संगठनहरूले उनीहरूलाई धेरै पटक धम्की आएको काम रोकिन सक्ने चेतावनी दिइएको बताएका छन् ।

साभाार–अलजजिरा

    Comment Here!

Related NEWS
मुख्य खबर

एचआइभी संक्रमित मथुरालाई गंगादेवी शान्ति पुरस्कार

–महिला खबर– अछामकी मथुरा कुँवर एचआइभी संक्रमित भएपछि आफ्नै समाजबाट भएको हिंसा, लाञ्छनाका बाबजुद समाज

आफ्नै पाठेघरबाट जन्मिएकाे सन्तानलाई मेराे भन्न नपाउने ?

–डा.अरुणा उप्रेती– पाँच पाण्डव बाबुबाट जन्मेका थिए । कुन्ती र माद्रीले पाँच पाण्डवलाई नागरिकता दिलाउनु

सर्वोच्चले खाेलिदियाे जन्मसिद्ध नागरिकका सन्तानलाई वंशजको नागरिकता लिने बाटाे

–महिला खबर– ललितपुर । जन्मको आधारमा नागरिकता लिएका नेपाली नागरिकका सन्तानलाई वंशजको नागरिकता वितरण गर्न सर्वोच्च

‘तान्ने प्रथा’ अझै

मञ्जुरीबिना जबरजस्ती तानेर लाने र त्यसलाई ‘मौलिक परम्परा’ ठानेर नयाँ पुस्ताले पनि चुपचाप सहिदिँदा महिलाहरू

६ वर्षीया बालिकालाई यौन दुर्व्यवहार गर्ने पक्राउ

–महिला खबर– झापाको बिर्तामोडमा रहेको पसलमा सामान किन्न गएकी एक बालिकालाई पसलका सञ्चालकले यौन

Read more
ताजा अपडेट
© 2015.All rights reserved by mahilakhabar.com
%d bloggers like this: