प्रतिरक्षा तालिमः ‘आई लाग्नेसँग जाईलाग्नुस्’


प्रकाशित मिति :2018-10-12 16:11:18

–महिला खबर–

बैतडी । जिल्लाको पाटन नगरपालिकाका विभिन्न वडाका किशोरीहरूलाई आत्मरक्षा तालिम दिइएको छ ।

राष्ट्रिय खेलकुद परिषदको आयोजना र जिल्ला खेलकुद विकास समितिको समन्वयमा किशोरीहरूका लागि तीन दिने आत्मरक्षा तालिम सञ्चालन गरिएको हो ।

महिला तथा किशोरीमाथि यौनजन्य घटनाहरू बढिरहेका बेला यस्ता घटना हुन सक्ने अवस्थामा कसरी सुरक्षित रहने भन्ने बारेमा तालिम दिइएको हो ।

कार्यक्रममा बोल्दै प्रमुख अतिथि एवं संघीय संसदको महिला तथा सामाजिक समितिका सभापति निरुदेवी पाल ।

किशोरीहरूलाई समस्या परेका बेला कसरी प्रतिकार गर्ने, खेलकुदमा किशोरी तथा महिलाको सहभागिता अभिवृद्धि गर्ने उद्देश्यका साथ तालिम सञ्चालन गरिएको जिल्ला खेलकुद विकास समितिका अध्यक्ष चमनकुमार भण्डारीले बताए ।

किशोरीहरूलाई कसैले भौतिक आक्रमण गर्न खोजेमा, यौन दुव्र्यवहार गर्न खोजेमा बच्ने उपायका बारेमा सिकाईएको प्रशिक्षक सुरेन्द्र बिष्टले बताए ।

प्रशिक्षक विष्ट कोही बलियो हुँदैमा आक्रमण गर्न नसक्ने बताउँछन् । ‘किशोरीहरुलाई ढाडस दिँदै उनले भने, ‘तपाईंहरु पनि पुरुष जत्तिकै सबल हुनुहुन्छ । प्रतिकार गर्ने सीप र आत्मबल बढाउनुस् । आई लाग्नेसँग जाइलाग्नुस् । तपाईहरु बलियो हुनुहुन्छ ।’

पाटनमा भएको तालिममा सहभागी एलिशा भण्डारीले तालिमबाट आफूहरूलाई धेरै फाइदा भएको बताइन् ।

तालिम समापन कार्यक्रममा बोल्दै प्रमुख अतिथि एवं संघीय संसदको महिला तथा सामाजिक समितिका सभापति निरुदेवी पालले तालिमबाट प्राप्त सीप र आत्म बलको सही सदुपयोग गर्न किशोरीहरुलाई सुझाइन् ।

मंगलबारबाट शुरु भएको तालिम बिहीबार सकिएको छ ।

पहिलो चरणमा पाटनमा तालिम सञ्चालन गरिएको र यसलाई जिल्लाका सबै ठाउँमा सञ्चालन गर्ने खेलकुद विकास समितिका अध्यक्ष भण्डारीले बताए ।

    Comment Here!

Related NEWS
मुख्य खबर

प्रहरीबाटै महिला बलात्कृत

शुक्रबार साँझ सापटी लिएको रकम दिने बहानामा बोलाएर एक महिलामाथि बलात्कार गरेको आरोप चैना मुगुमा

श्रीमान् चुँड्ने विदेश

जन्मिएकै वर्ष आमा गुमाउनु । पाँच वर्षमा बुबा गुमाउनु । श्रमिक भएर बाँच्ने

मलाई मेरो पहिचान दे !

-श्रीभक्त पौडेल - ए समाज ! मलाई मेरो पहिचान दे ! कहिलेसम्म मलाई साहिँली, माहिली र कान्छी भनेर चिनाउँछस्

लैंगिक हिंसा विरुद्ध चित्रकला प्रर्दशनी तथा कविता वाचन

सो अवसरमा कलाकार रसिकराज र इपिएस स्कुलका विद्यार्थीहरुको तयार गरेका महिला हिंसाको अवस्था झल्किने चित्रकला

दमकमा ३७ प्रतिशत बढी बालबालिकाको जन्मदर्ता छैन

-विष्णुप्रसाद पोखरेल- झापाको दमक नगरपालिकामा जन्मेका ३७ प्रतिशत बालबालिकाहरुको जन्मदर्ता नै नहुने गरेको पाइएको छ

Read more
ताजा अपडेट
© 2015.All rights reserved by mahilakhabar.com
%d bloggers like this: