फाष्ट ट्रयाक कोर्ट गठनबारे बहस


प्रकाशित मिति :2018-10-12 15:22:41

–महिला खबर–

ललितपुर । महिला हिंसा सम्बोधनका लागि फाष्ट ट्रयाक कोर्ट गठन अत्यावश्यक रहेको एक कार्यक्रमका वक्ताहरुले बताएका छन् ।

सञ्चारिका समूहले निमार्ण गर्ने कार्यक्रम ‘समकोण’का वक्ताहरुले सर्वाेच्च अदालतले ९ वर्षअघि नै दिएको आदेश अनुसार फाष्ट ट्रयाक कोर्ट गठन गर्नुपर्ने बताएका हुन् ।

कार्यक्रममा उच्च अदालत पाटनका न्यायाधीश टेक नारायण कुँवरले फाष्ट ट्रयाक कोर्ट गठन भएपछि बलात्कारजस्ता मुद्दाहरुलाई सिघ्र सुनुवाइद्वारा टुंगो लगाउन सकिने बताए ।

यो प्रद्धति अनुसन्धान प्रकृयाबाटै सुरु हुने भन्दै न्यायाधीश कुँवरले घटनाका दोषी उम्कन नपाउने बताए ।

अधिवक्ता शर्मिला श्रेष्ठले फौजदारी मात्रै नभएर कतिपय देवानी प्रकृतिका मुद्दा समेत फाष्ट ट्रयाकबाट किनारा लाग्न सक्ने बताइन ।

उनले न्याय प्रकृया झन्झटिलो र लामो भएकाले धेरै पिडितहरुले बीचमै मुद्दा छोड्ने गरेको अनुभव सुनाइन् ।

तर जिल्ला अदालत काठमाडौंका मुख्य सरकारी वकिल सूर्यराज दाहालले फाष्ट ट्रयाक कोर्ट गठन गर्दैमा सबै समस्या समाधान नहुने बिचार राखे ।

यस सम्बन्धी कार्यक्रम ‘समकोण’ आज राती नौ बजेदेखि १० बजेसम्म कान्तिपुर टेलिभिजनमा हेर्न सकिन्छ ।

    Comment Here!

Related NEWS
मुख्य खबर

‘र…डी’का भोटहरू

हालेका भोटहरू तुरुन्तै फिर्ता गरेर आफ्नो ज्यान जोगाउनुस् मेयर सा’ब ।

हावाहुरी प्रभावित हिमसरालाई सहयोग

–महिला खबर– ललितपुर । उनलाई खान र बस्नका लागि गोदावरी चेम्बर अफ कर्मशले सहयोग गरेको

बालिकाको सामूहिक बलात्कार गर्ने पक्राउ

धनगढी उप–महानगरपालिका वडा नम्वर १५ का झगडु चौधरी, विजय चौधरी र वडा नम्वर ७ का

७ सय ४४ लिटर घरेलु मदिरा नष्ट

कैलालीको धनगढी उपमहानगरपालिकाका विभिन्न वडाबाट अवैध घरेलु मदिरा बरामद गरी प्रहरीले नष्ट गरेको हो ।

म कसरी एकल ?

नारी होस् या पुरुष जन्मदा एक्लै जन्मने हो । अघि वा पछिको कुरा मात्रै हो,

Read more
© 2015.All rights reserved by mahilakhabar.com
%d bloggers like this: