म ननभर्जिन केटी


प्रकाशित मिति :2018-10-10 16:31:46

–उन्नती चौधरी–

एउटा जागिरे केटी । त्यसमा पनि रातीको समयमा ड्युटी गर्ने केटी । समाजले कहिल्यैै उसलाई भर्जिन हो भन्ने ठान्दैन । कन्भिन्स हुन्न यो कुरामा । भनिरहन्छ कि, उ भर्जिन होइन ।

मलाई सम्झना छ । जब म घर छोडेर वैचारिक लडाइँँको मैदानमा होमिन पुगें । त्यो दिनदेखि सबैको नजरमा म ननभर्जिन केटी । तर, मलाई बाल मतलब । म घर, परिवार समाज सबै त्यागेर आफ्नो दुनियाँमा रमाउन चाहेँ, रमाइरहेकी छु । मलाई कसले के भन्छ मतलब लाग्दैन ।

म हुर्किँदै गर्दा फलानो मान्छेले मलाई सुस्केरा हाल्यो, छेड्यो, अश्लील बोल्यो, कुइनाले मेरा स्तनमा छोयो, त्यो मेरो दोष होईन । तर फेरि पनि आरोप जति सबै मेरै थाप्लोमा थोपरिए ।

अहिले त म त्यस्ता कुरामा प्रतिक्रिया जनाउँछु, बोल्छु । गाली गर्छु । थप्पड हान्छु । तर त्यो बेला जतिबेला मसँग जानेरै ठोक्किेनसँग समेत मेरो कुनै प्रतिक्रिया हुन्नथ्यो । किनकी म आफैलाई निरीह ठान्थें ।

म भर्जिन हुँ या होईन, कसैसँग फिटिक्कै जवाफ दिन मन लाग्दैन । र जरुरी पनि छैन । म छोरी भएर वैचारिक लडाइँमा होमिनुको रिजल्ट चाहिँ परिवारको अगाडि बिग्रेकी केटी भने पक्कै थिएँ, छु । मेरो आफ्नै परिवारले त मलाई ‘सय घाट पानी खाएकी केटी कसरी भर्जिन हुन सक्छ’ भनि मेरो चरित्र हत्या गर्न समेत भ्याए ।

मसँगै हाम्रा तीन बाउका ७ छोरा । दुई/चार वर्ष जेठा कान्छा लहरै । म उहाँहरूसँग गुच्चादेखि स्कूलसम्म सहकार्य गरेर हुर्किएँ । उहाँहरूको हरेक आनिबानी मलाई राम्रोसँग थाहा थियो । त्यति मात्रै होईन, उहाँहरूसँग अरु आठ/दश जना केटाहरू पनि एउटै उमेर समूहका थिए ।

उहाँहरू पनि सबैको नालीबेली मलाई थाहा थियो । तर उनीहरूलाई परिवार, समाज कसैले पनि तिमी भर्जिन हो या होईन भनेर न प्रश्न गर्यो, न गर्नेवाला छ ।

मलाई मेलापात, जंगल, खोला नाला जानु परे आफ्नै उमेर समूह वा त्यो भन्दा सानो भाईलाई लिएर जानु पथ्र्याे । कहिलेकसो त लाग्थ्यो म बाँचुन्जेल कति घण्टा आफ्नो लागि बाँच्न पाउँछु होला । किनकी हरपल म कसै न कसैको निगरानीमा हुनैपर्छ । मानौं मैले छोरी भएर जन्म लिनु नै अपराध हो । मलाई एक्लै बाँच्ने छुट छैन ।

मलाई राम्रो सम्झना छ । जब म नौ दश कक्षा पढ्न धनगढी आएँ, म स्कुलबाट घर पुग्न ५ मिनेट ढिलो भयो भने स्पष्टिकरण दिनुपर्ने हुन्थ्यो । बाहिरी रुप रंग हेर्दा म आकर्षित छैन । काली छु । तर मेरो परिवारबाट मलाई यतिसम्मको निगरानी चाहिँ किन ?

उतिबेला मसँग कुनै जवाफ हुन्थेन । मेरा साथीहरू रुप रंगमा मभन्दा आकर्षित थिए । उहाँहरूको परिवारले त झन् कति निगरानी गरेका होलान् भनेर मन बुझाउँथे । साथीहरूलाई तिमीहरूका परिवारमा प्रश्न र छेकबार हुन्छ कि हुँदैन भनेर चाहिँ कहिल्यै प्रश्न गरिन ।

छोरा मान्छेलाई अभिभावकले निगरानीमा नराख्नुको कारण त यस्तो पो रहेछ । उनीहरू आजीवन भर्जिन हुन्छन् अरे । उनीहरूको लिंग सदाबहार ‘सिल प्याक’ जस्तो अरे । अनि छोरी मान्छेको योनि चाहिँ ?

त्यो त केटासंग यौन सम्पर्क गरेको पहिलो दिनमै सिल तोडिन्छ रे । अथवा त्यो दिनदेखि भर्जिन उ हुन्न । भर्जिनिटी टुटिसकेपछि त हरेक छोरी मान्छेले आफ्नो जवानीसँग आजीवन युद्ध लड्नुपर्ने बाध्यता त छँदैछ ।

म हुर्किँदै गर्दा फलानो मान्छेले मलाई सुस्केरा हाल्यो, छेड्यो, अश्लील बोल्यो, कुइनाले मेरा स्तनमा छोयो, त्यो मेरो दोष होईन । तर फेरि पनि आरोप जति सबै मेरै थाप्लोमा थोपरिए । 

पहिलो पटक कसैसँग सेक्स गर्दाको अनुभव केवल हामीलाई मात्रै थाहा हुन्छ । त्यो बेला आफू कति पीडा सहेर पार्टनरलाई सन्तुष्ट पार्न खोज्छौं हामी । हामीलाई त थाहा पनि हुँदैन कि यौन सन्तुष्टी भनेको के हो ?

हामीलाई केवल पुरुषको धारिलो हतियारले यौनाङ्ग च्यात्दाको पीडाबोध मात्रै हुन्छ । त्यही पीडा सहेरै जबरजस्ती रमाएको नाटक भने गरिरहन्छौं ।

मलाई अजिवको लाग्छ । पार्टनर त हत्तपत्त ओछ्याइएको तन्नातिर पो फिजाउँछ बाक्लो नजर । र खोज्छ रगतका आलै दागहरू । जब देख्दैन रगत अनि सोध्छ, कि तिमी भर्जिन हो या होईनौं । रगत त देखिएन नि ? बस् किन प्रतिक्रिया जनाउनु यस्ता भावनाहिन मान्छेसँग, जोसँग बोल्नुको कुनै अर्थ छ न तुक ।

यौन चाहाना त पुरुष जस्तै महिलालाई पनि त हुन्छ । अझ एक अध्ययनले त यौन चाहाना पुरुष भन्दा धेरै महिलामा हुन्छ पनि भनेको छ । खैर जे सुकै होस्, महिलामा यौन इच्छा नहुने होइन । धेरै र थोरैको कुरा बेग्लै हो ।

मेरो एकजना नजिकको साथीले वर्षौदेखि भोग्दै आएको यौन समस्याका बारेमा एकदिन मुख खोलिन् । उनी ५/६ वर्ष भो एउटा केटासँग लिभिङ टुगेदरमा बसेको । तर उनले कहिल्यै चरम आनन्द लिन नपाएको कुरा सेयर गरिन् ।

छोरीहरू हो, अब तिमीहरू पनि कुमार केटा खोज । बिहेको पहिलो सेक्स हो या सम्बन्धको, तिमी कुमार किन भएनौं ? सोध । के जवाफ आउँदोरहेछ कमजोर पुरुषहरूको, प्रतिक्षा गर । 

मेरो साथीलाई सेक्स गर्न मन लागेको खण्डमा उनको पार्टनर जहिले बेवास्ता गर्छ रे । तर पार्टनरलाई चाहिएको बेला मेरो साथी जहिले तयार भएर बस्नुपर्ने बाध्यता । ५/६ वर्ष सँगै बस्दासमेत एक पटक पनि सन्तुष्ट पार्न नसक्ने पुरुषसँग कसरी जुनी काट्ने भनेर सल्लाह मागिन् उनले ।

उनी कहिलेकाहिँ अरु केटासँग विहे गर्ने कि भनेर सोच्छिन् । तर छोरी मान्छे विवाह गर्नु अघि भर्जिन हुनुपर्ने सामाजिक नियम तोड्ने आँट गर्न सक्दिनन् । किनकी उनको त यौन सम्पर्क भइसक्यो अरु नैसँग । बिहे गर्दा भर्जिन नपाएपछि केटाको यातना सहनु पर्ने डरले उनको मनमा डेरा जमाएको छ ।

छोरी मान्छेमा मात्रै खोजिने भर्जिनिटी भन्ने चिज छोरा मान्छेमा चाहिँ किन खोजिन्न होला ? कि पुरुष भर्जिन हुनुपर्दैन ? वा पुरुषको चरित्र हुन्न ? छाडा, चरित्रहिन जे भए पनि हुन्छ ? पुरुषले यौन तृष्णा जहाँ जोसँग मेटाउदा पनि हुने हो र ? घिन, लाज, डर केही हुन्न उसलाई ?

त्यसो भए बिहे गर्ने केटी चाहिँ सिल टुटेको, ननभर्जिन पर्दा चाहिँ किन दुखी हुन्छ त उ ? मासुको पातलो जालीमै त्यती लोभ, गर्व र घमण्ड गर्न किन आत्तिन्छ उ ?

भर्जिन हुनु र नहुनुसँग किन मतलब खोज्छ ? यति कमजोर र स्वार्थी किन हुन सकेको उ ? आफ्नो श्रीमती कुमारी खोज्ने उसले आफू चाहिँ कुमार हुनुपर्छ भनेर किन खोज्दैन र बुझ्दैन ?

त्यसैले छोरीहरू हो, अब तिमीहरू पनि कुमार केटा खोज । बिहेको पहिलो सेक्स हो या सम्बन्धको, तिमी कुमार किन भएनौं ? सोध । के जवाफ आउँदोरहेछ कमजोर पुरुषहरूको, प्रतिक्षा गर ।

    Comment Here!

Related NEWS
मुख्य खबर

द्वन्द्व प्रभावित महिलाका कानून मन्त्रीलाई प्रश्न– १२ वर्षसम्म नपाएको न्याय कहिले पाउँछौं ?

-महिला खबर- बुधबार काठमाडौंमा भएको एक कार्यक्रममा द्वन्द्व प्रभावित महिलाहरुले कानून न्याय तथा संसदीय मामिला

महिलाहरुको अन्तर्राष्ट्रिय सम्मेलन सम्पन्न

विभिन्न धार्मिक ग्रन्थहरुका सकारात्मक पक्षहरुलाई सबैले मनन गरी आत्मसात् गर्नुपर्नेमा पनि सम्मेलनले जोड दिएको छ

गाउँपालिका अध्यक्षको पहलमा खोरमा थुनिएकी महिलाको उद्धार

खोरमा थुनिएकी महिलाको फोटो सामाजिक सञ्जालमा भाइरल भएपछि गाउँपालिकाले उद्धारमा चासो देखाएको हो ।

किशोरी भलिबल प्रतियोगिता हुने

सुरुआती चरणमा भलिवल खेलमा किशोरीको सहभागिता नभए पनि अहिले जिल्लामा भलिवल खेलप्रति किशोरीहरुको चासो बढ्दै

सुस्त मनस्थितिकी युवती बलात्कृत

–महिला खबर– जन्मजात देख्न र सुन्न सक्ने भए पनि ती युवती बोल्न भने सक्दिनन् ।

Read more
ताजा अपडेट
© 2015.All rights reserved by mahilakhabar.com
%d bloggers like this: