मदिरा बन्द गर्न महिलाको घरदैलो


प्रकाशित मिति :2018-10-09 12:11:02

–महिला खबर–

ललितपुर । मदिराका कारण झैझगडा र कलह बढ्न थालेपछि अछामको पञ्चदेवल बिनायक नगरपालिका ६ का महिलाहरू मदिरा बन्द गर्ने अभियानमा जुटेका छन् ।

मदिराका कारण गाउँमा महिला र बालबालिकालाई समस्या भएको भन्दै महिलाहरू मदिरा बन्द गराउन घरदैलो अभियानमा जुटेका हुन् ।

वडामा गठित आमा समूहका महिलाहरू गाउँमा औषधिको रुपमा खोज्दा समेत मदिरा नभेटियोस् भन्दै मदिराको बिक्री वितरण नगर्न नगराउन जानकारी दिँदै घर घर पुग्न थालेका छन् ।

 श्रीमान मदिरा सेवन गरेर अबेर राती घरमा आउने र श्रीमती र छोराछोरीमाथि जाईलाग्दा घर समाजमा अशान्ति हुने गरेको महिलाहरूको भनाइ छ ।

रक्सी खाएर आफ्नो श्रीमतीलाई विभिन्न आरोप लगाउने, समाजमा कलोहल मच्चाउने गर्दा महिला एकजुट भएर बन्द गर्नुपर्ने पहलमा लागेका छन् ।

‘महिला हिंसा अन्त्य गरौँ, जाड रक्सी बन्द गरौँ’ लगायतका नारा लेखिएका प्लेकार्ड बोक्दै महिलाहरूले वडामा ¥याली समेत निकालेका छन् ।

अवैध मदिरा पूर्णरुपमा बन्द हुनुपर्ने, मदिरा सेवन गर्न समय तोक्नुपर्ने लगायतका माग महिलाका छन् ।

वडा पालिकाले वडाको सीमा क्षेत्रभित्र अवैध मदिरा उत्पादन तथा ओसार पसार गरेको पाइएमा बरामद गर्ने निर्णय गर्ने जनाएको छ ।

    Comment Here!

Related NEWS
मुख्य खबर

प्रहरीबाटै महिला बलात्कृत

शुक्रबार साँझ सापटी लिएको रकम दिने बहानामा बोलाएर एक महिलामाथि बलात्कार गरेको आरोप चैना मुगुमा

श्रीमान् चुँड्ने विदेश

जन्मिएकै वर्ष आमा गुमाउनु । पाँच वर्षमा बुबा गुमाउनु । श्रमिक भएर बाँच्ने

मलाई मेरो पहिचान दे !

-श्रीभक्त पौडेल - ए समाज ! मलाई मेरो पहिचान दे ! कहिलेसम्म मलाई साहिँली, माहिली र कान्छी भनेर चिनाउँछस्

लैंगिक हिंसा विरुद्ध चित्रकला प्रर्दशनी तथा कविता वाचन

सो अवसरमा कलाकार रसिकराज र इपिएस स्कुलका विद्यार्थीहरुको तयार गरेका महिला हिंसाको अवस्था झल्किने चित्रकला

दमकमा ३७ प्रतिशत बढी बालबालिकाको जन्मदर्ता छैन

-विष्णुप्रसाद पोखरेल- झापाको दमक नगरपालिकामा जन्मेका ३७ प्रतिशत बालबालिकाहरुको जन्मदर्ता नै नहुने गरेको पाइएको छ

Read more
ताजा अपडेट
© 2015.All rights reserved by mahilakhabar.com
%d bloggers like this: