प्रहरीले यसरी पोख्यो घरेलु मदिरा


प्रकाशित मिति :2018-10-09 11:47:15

–सर्मिला बुढाथोकी–

दोलखा । घरेलु मदिराका कारण महिला हिंसा बढ्ने भन्दै दोलखा प्रहरीले अवैध घरेलु मदिरा नियन्त्रण अभियानै सञ्चालन गरेको छ ।

अवैध घरेलु मदिरा नियन्त्रण अभियान अन्र्तगत सोमबार जिल्ला प्रहरी कार्यालय दोलखाले पाँच सय ५० लिटर अवैध मदिरा र करिब ३२ सय केजी कच्चा पर्दाथ बरामद गरेको छ ।

अवैध घरेलु मदिराका कारण महिला हिंसा, घरेलु हिंसा, विभिन्न अपराधिक घटना र सामाजिक सद्भावमै समस्या आउने भएकोले जिल्ला प्रहरी कार्यालय दोलखाले विगतदेखि नै अवैध मदिरा जफत तथा नष्ट गर्दै आएको जिल्ला प्रहरी कार्यालय दोलखाका प्रमुख प्रहरी नायव उपरीक्षक बासुदेव पाठकले बताए ।

सोमबार दोलखा भीमेश्वर नगरपालिका वडा नम्बर ३ र वडा नम्बर ६ को बिभिन्न भट्टी पसलहरुबाट उल्लेखित मात्रामा अवैध घरेलु मदिरा बरामद गरी स्थानीय बुद्धिजीवी, भद्रभलाद्मी, समाजसेवीको रोहवरमा नष्ट गरिएको प्रहरीले जनाएको छ ।

दशै तथा तिहारको बेला बजार र ग्रामीण क्षेत्रहरुमा समेत अवैध घरेलु मदिराको बिक्री वितरण बढ्ने र त्यसले अपराधिक घटनामा बृद्धि हुन सक्ने भएकोले प्रहरीले अवैध घरेलु मदिरा नियन्त्रण अभियानलाई सचेततापूर्वक सञ्चालन गरिरहेको र यसको प्रभावकारीता समेत राम्रो देखिएको जिल्ला प्रहरी कार्यालय दोलखाले जनाएको छ ।

जिल्ला प्रहरी कार्यालय दोलखाले अवैध घरेलु मदिरा नियन्त्रण अभियान अन्र्तगत तीन महिनाको अवधिमा २५ सय लिटर भन्दा बढी अवैध घरेलु मदिरा र करिब ५५ सय केजी मदिरा बनाउने कच्चा पर्दाथ बरामद गरी नष्ट गरिएको प्रहरी नायव उपरीक्षक पाठकले बताए ।

    Comment Here!

Related NEWS
मुख्य खबर

सञ्चारिकाको प्रदेश ३ मा सरिता

-महिला खबर- ललितपुर । सञ्चारिका समूहको प्रदेश ३ स्तरीय प्रदेश समिति गठन भएको छ । प्रदेश

मलाई फाँसी मन्जुर छ !

-हेमन्त गिरी- स्केच तयार भयो-हुवहु म जस्तै ! जजसाब, मै रैछु बलात्कारी !

वामदेव गौतम भन्छन्ः केन्द्रीय कमिटीमा ७७ जना महिला थपौं

यस्तो अवस्थामा के ‘सुखी नेपाली र समृद्ध नेपाल’ को नारा सफल होला ? धेरैले यो

आमाको हत्यापछि बाबु जेलमा, दुई छोरीको बिच्चली

-सर्मिला बुढाथोकी- दोलखा । जिरी नगरपालिका ९, ठूलोपातलका तस्विर तमाङले श्रीमतीको हत्यागरे पछि उनको दुई छोरी

ख्याउँची …

त्यसैले त जीवनकै चेकपोष्टमा उँभिएर सर्पले भ्यागुत्ता निले झै खर्लप्पै निल्न मन छ

Read more
© 2015.All rights reserved by mahilakhabar.com
%d bloggers like this: