महिलाले हाँकेका विद्यालय


प्रकाशित मिति :2018-10-02 12:44:45

-पार्वती पाण्डे-

कपिलवस्तु । कपिलवस्तुको डाँडा वाणगंगामा रहेको नवदुर्गा निम्न माध्यामिक विद्यालयमा महिलाले मात्रै नेतृत्व गरेका छन् ।

विद्यालय सञ्चालनको लागि गठन हुने व्यवस्थापन समिति र अभिभावक संघमा अध्यक्षदेखि सदस्यसम्म महिला मात्रै छन् ।

वाणगंगा नगरपालिका वडा नं ७ मा पर्ने यो विद्यालयमा महिलाहरुले नेतृत्व सहित राम्रो अवसर पाएका हुन् । गाउँका सक्रिय महिलाहरु समितिमा छन् ।

उनीहरुले शिक्षामा नयाँपन दिने घोषणा समेत गरेका छन । विद्यालयमा भएको भेलाले विद्यालय व्यवस्थापन समितिको अध्यक्षमा गंगा गिरी (गुरुङ) लाई चयन गरेको हो ।

समितिको सदस्यहरुमा शिवा गाहा, लक्ष्मी घर्ती, इन्द्रा सुनार, शान्ता दर्लामी, रिता थारु, कमला बिक , बमकुमारी थापा रहेका छन् ।

अध्यक्ष गिरीले भनिन्, ‘व्यवस्थापन समितिमा सबै महिला छौ । यो गौरवको विषय हो । हामीले गरेको काम अरुले अनुशरण गर्ने गरि काम गर्छौं ।’ उनले अवसर पाएमा महिलाले जस्तोसुकै काम पनि सहज रुपमा गर्न सक्ने समेत बताईन् ।

त्यस्तै विद्यालयका अभिभावकको भेलाले शिक्षक अभिभावक संघको अध्यक्षमा सृजना सेजवाललाई सर्वसम्मत चयन गर्यो ।

शिक्षक अभिभावक संघका अरु सदस्य पनि महिला मात्रै छन् । संघको सदस्यमा अनिता थारु, गोमा सेजवाल, सरस्वती सुनार, दमन्ता विक, पार्वती सुनार, गीता पोख्रेल रहेका छन् ।

    Comment Here!

Related NEWS
मुख्य खबर

प्रहरीबाटै महिला बलात्कृत

शुक्रबार साँझ सापटी लिएको रकम दिने बहानामा बोलाएर एक महिलामाथि बलात्कार गरेको आरोप चैना मुगुमा

श्रीमान् चुँड्ने विदेश

जन्मिएकै वर्ष आमा गुमाउनु । पाँच वर्षमा बुबा गुमाउनु । श्रमिक भएर बाँच्ने

मलाई मेरो पहिचान दे !

-श्रीभक्त पौडेल - ए समाज ! मलाई मेरो पहिचान दे ! कहिलेसम्म मलाई साहिँली, माहिली र कान्छी भनेर चिनाउँछस्

लैंगिक हिंसा विरुद्ध चित्रकला प्रर्दशनी तथा कविता वाचन

सो अवसरमा कलाकार रसिकराज र इपिएस स्कुलका विद्यार्थीहरुको तयार गरेका महिला हिंसाको अवस्था झल्किने चित्रकला

दमकमा ३७ प्रतिशत बढी बालबालिकाको जन्मदर्ता छैन

-विष्णुप्रसाद पोखरेल- झापाको दमक नगरपालिकामा जन्मेका ३७ प्रतिशत बालबालिकाहरुको जन्मदर्ता नै नहुने गरेको पाइएको छ

Read more
ताजा अपडेट
© 2015.All rights reserved by mahilakhabar.com
%d bloggers like this: