आफ्नै सानीमा हुन् ६ महिने नाबालकलाई एसिड छ्यापेर मार्ने


प्रकाशित मिति :2018-09-21 14:09:42

–महिला खबर–

ललितपुर । अछाममा ६ महिने बालकलाई एसिड खुवाएर हत्या गर्ने सहोदर सानीमा भएको खुलेको छ । दिदीसँगको रिस पोख्न ६ महिनाको नाबालक छोरालाई एसिड खुवाउनुका साथै शरीरभर छ्यापेर हत्या गरेको खुलेको हो ।

तुर्माखाँद गाउँपालिका ४, चिसीका ६ महिने नाबालक मुस्कान बयककी सहोदर सानीमा जानकी बयक उनको काकी पनि हुन् । उनले आफूले बालकलाई २ थोपा एसिड खुवाएर बाँकी शरीरमा छ्यापेको प्रहरीसँग स्वीकारेकी हुन् ।

जानकी र मुस्कानकी आमा देवसरा वयक सहोदर दिदीबहिनी हुन् । भने श्रीमानको घरमा भने जेठानी देउरानी हुन् । जानकीले देवसराकै देवरसँग भागेर बिहे गरेकी थिईन् ।

प्रहरीका अनुसार बिहेअघि पनि उनीहरुको दिनहुँ झगडा परिरहन्थ्यो । बिहे पश्चात पनि झगडा भइराख्ने गथ्र्यो । एउटै आमाका छोरी भए पनि एकले अर्काको रिस मान्ने गरेको गाउँलेले बताएको जिल्ला प्रहरी कार्यलय अछामका डीएसपी जनक शाहीले बताए ।

एसिड प्रहारबाट गम्भीर घाइते भएका बाललको उपचारको लागि नेपालगञ्ज लैजाँदै गर्दा बाटोमै मृत्यु भएको थियो । जानकी अहिले जिल्ला प्रहरी कार्यलयको हिरासतमा छिन् ।

उनलाई जिल्ला अदालत अछामबाट ७ दिनको म्याद थप गरि थप अनुसन्धान थालिएको जिल्ला प्रहरी कार्यलय अछामका डीएसपी जनक शाहीले बताए ।

    Comment Here!

Related NEWS
मुख्य खबर

महिलाकाे नयाँ सोच : सयपत्रीकाे हाेइन अालु, बाेडीकाे माला

-विष्णुप्रसाद पोखरेल- खुर्सानी, साना आलुका गेडा, भिजाएको मटर र चनाको गेडा, राज्मा, बनमारा, मकैको दाना,

श्रीमती पाल्ने कि श्रीमान् ?

तपाईंको आमालाई बाबाले पाल्नु भो कि ? आमाले आफू पालिएर छोराछोरीलाई पनि पाल्नुभयो ?

भारतबाट उद्दार गरिएका १ सय ७९ जनालाई नेपाल ल्याइयो

-विष्णुप्रसाद पोखरेल- भारतबाट उद्धार गरिएका १ सय ४७ जना महिला सहित १ सय ७९ जनालाई नेपाल

आमाको वंश नचल्ने प्रजातन्त्र !

लोकतन्त्र मात्र होइन, गणतन्त्र नै आयो । दूरदृष्टिको अभिमानमा परको सिमाना देखियो । आमाको आँखामा

सञ्चारिकाकी पूर्व अध्यक्ष राणा संयुक्त राष्ट्रसंघीय सीड कमिटीको उपाध्यक्ष निर्वाचित

–महिला खबर– ललितपुर । सञ्चारिका समूहका पूर्व अध्यक्ष बन्दना राणा संयुक्त राष्ट्रसंघको महिला विरुद्ध हुने सबै

Read more
ताजा अपडेट
© 2015.All rights reserved by mahilakhabar.com
%d bloggers like this: