हामी दिदी बहिनीलाई मध्यरातमा एसिड छ्यापियो


प्रकाशित मिति :2018-09-15 12:45:29

–महिला खबर–

ललितपुर । मेरो नाम सुस्मिता दास हो । रौतहट चन्द्रपुर नगरपालिका ६ मा मेरो घर छ । अहिले १५ वर्ष पुगें । गाउँकै जनज्योति उच्च माध्यमिक विद्यालयमा कक्षा ६ मा पढ्छु । मेरो आमा मलेसियामा हुनुहुन्छ । बुबाले डेढ वर्ष अघि कान्छी आमा ल्याउनुभयाे ।

म पट्टी एक दिदी र भाई छौं । कान्छी आमा पट्टि दुई बहिनी छन् । कान्छी आमा हामीलाई माया गर्नुहुन्छ ।

मंगलबारको दिन गाउँभरी तीजको चहल पहल थियो । त्यो दिन दर खाने दिन । हामीले पनि दर खायौं । भोली पल्ट तीजको दिनमा साथीहरुसँग घुम्न बजार जाने सोच थियो ।

म सधैं दिदी (सम्झना दास, १८) सँग सुत्थें । हाम्रो घर नजिकै पुल हाउस थियो । बुबा (ज्यादोलाल दास) र भाई पुल हाउसमा जानु भएको थियो । अर्को कोठामा कान्छी आमा र बहिनी सुतेका थिए ।

हाम्रो सिरानी पट्टि नै झ्याल थियो । पछाडिबाट सजिल्लै मान्छे आउन सक्थे । हामी निदाइरहेका थियाैं । त्यतिबेला राति १२ बजेकाे रहेछ । मलाई एक्कासी हात पाेल्न थाल्याे । निन्द्राबाट उठें । हातमा चिल्लाे चिल्लाे पदार्थ थियाे ।  हामीलाई एसिड छर्किएको रहेछ । दिदी त धेरै अात्तिनुभएकाे थियाे । दिदीकाे मुखभरी एसिड रहेछ ।

हामी चिच्यायौं । एसिड परेकाे ठाउँमा भतभत पोलेको थियो । झुल, कपडा सबै डढेको थियो । रुँदै मम्मीलाइ ढोका खोल्नुस् भन्यौ । मैले ढोका खोल्नु न खोल्नु भन्दै चिच्याएँ । हामी चिच्याएपछि गाउँका अरुपनि जम्मा भए ।

ठूलो बुबा आउनुभयो । के भयो भन्नुभयो । दिदीले आत्तिएर ठूलो बुबालाई अंगालो हाली । मैले कान्छी आमालाई । तेजाब हो भनेर छिटो–छिटो हाम्रो शरीरमा पानी हालेर चिस्याए । राति नै हामीलाई चन्द्रपुर हस्पिटल लगियाे ।

त्यहाँ ड्रेसिङ गरिदिए । उपचार गर्न नसकेपछि हामीलाई किर्तिपुर हस्पिटल काठमाडौंमा ल्याइयो । दिदी र मलाई सलाईन पानी चढाए । दिदी बाेल्न सक्दिन । उसलाई सघन उपचार कक्ष (आइसियु) मा राखिएको छ । दिदीलाई बढी एसिड परेको छ । उसको टाउको, घाँटी, छातीमा एसिड परेको छ ।

मेरो दाहिने हात र घाँटीमा परेको छ । दिदीलाई छ्याप्दा मलाई परेको हो ।

    Comment Here!

Related NEWS
मुख्य खबर

सञ्चारिका महासचिव तुम्खेवाको हत्केलामा पृथ्वी लिएर उभिएको मान्छे सार्वजनिक

-महिला खबर- ललितपुर । सञ्चारिका समूहकी महासचिव तथा कवि विमला तुम्खेवाको हत्केलामा पृथ्वी लिएर उभिएको मान्छे

वडा अध्यक्षले नै गरे १६ वर्षे बालिकासँग विहे

-महिला खबर- खोटाङको हलेसी तुवाचुङ नगरपालिका वडा नम्बर ६ का वडाध्यक्ष रमेश कुमार राउतले १६ वर्ष

बालिका आश्रममा सौन्दर्यकर्मीको स्थापना दिवस

-महिला खबर- देवघाट । राष्ट्रिय सौन्दर्यकर्मी युनियन नेपाल प्रदेश न,३ ले आफ्नो ११ औं स्थापना दिवस

सबैका लागि समानता (तस्वीरमा)

–महिला खबर– आज विश्व समाज कार्य दिवस । सामाजिक क्षेत्रका व्यक्तिहरुले विभिन्न कार्यक्रम गरि मनाएका छन्

महिला मात्रै पढ्ने क्याम्पसमा पुरुष प्रमुख

–महिला खबर– पद्मकन्या क्याम्पसका प्राध्यापक, विद्यार्थी तथा कर्मचारीले महिला क्याम्पस प्रमुख हुनुपर्ने माग राखि लगातार

Read more
ताजा अपडेट
© 2015.All rights reserved by mahilakhabar.com
%d bloggers like this: