सरी छोरी ! प्रोमिस छोरी !


प्रकाशित मिति :2018-09-11 15:38:37

मेरी छोरीको गौरा छिन्यो
मेरी छोरीको तीज छिन्दैछ
यो उत्सवमा पनि मेरो सहर
सम्साँझै मसानघाट बन्दैछ ।

छोरी आइएम सरी ! रियल्ली सरी !
मैले तिम्री संगिनी निर्मलालाई फर्काएर
तिम्रा खुट्टाको चालसँग उसको चाल मिलाउन सकिनँ
सरी छोरी मैले निर्मला र तिमीले
सँगै दर खाएको फोटो खिच्न सकिनँ !

खेम भण्डारी

सरी छोरी, रियल्ली सरी !
तिम्रो गौरा र तीज यसपाली खल्लो भयो
मैले चाहेर पनि त्यसमा चिनी मिसाउन सकिनँ !

प्रोमिस छोरी, रियल्ली प्रोमिस !
अर्को वर्षका विरुडामा निर्मलाले उमारेको स्वतन्त्रतता हुनेछ
अर्को वर्षको चाम्रेखाजामा
निर्मलाले बारीमा छरेको धनियाँको वास हुनेछ !

आइएम सरी छोरी, रियल्ली सरी !
यस वर्षको गोरा र तीजमा
मैले तिम्रो पखेटामा
तिम्रै हेयरबेण्ड कसेर
मेरै कम्पाउण्डमा सीमित गरें ।

किनकी तिम्री संगिनी निर्मलाको हत्यारा अझै
उन्मत्त छ ।
उ,
डेउडिया बनेको छ
र, ठूला–ठूलासँग दर खाँदैछ ।

त्यसैले छोरी, आइएम रियल्ली सरी !

प्रोमिस छोरी ! रियल्ली प्रोमिस !
अर्को वर्ष निर्मलाले मुस्कान साथ उ त्यो गगनबाट हेरिरहेको
गौरा र तीज भव्य हुनेछ ।

    Comment Here!

Related NEWS
मुख्य खबर

१६ दिने अभियानको राष्ट्रिय नारा तय

देशभर बलात्कारका घटनामा बृद्धि भइरहेका कारण १६ दिने अभियानको नारा बलात्कार केन्द्रित बनाइएको पौडेलले बताए

हिंसाले चुनावी मैदान छाड्दै बेलायती महिला सांसद

बेलायतमा महिला सांसदमाथि अभद्र टिप्पणी गर्नेक्रम बढ्दो छ । महिला सांसदमाथि बलात्कार र हत्याका धम्की आउनु

मन्त्री थापाले गरिन् अन्तर्राष्ट्रिय समुदायसँग आग्रह

नेपालले आइसीपीडीको समर्थन जनाउनाका साथै सन् १९९४ को कायरो सम्मेलनदेखि नै यसलाई आत्मसात् गर्दै आएको

अन्तर्राष्ट्रिय स्तरमा खेल्ने महिला खेलाडी उत्पादन गरिनेः उपमेयर गौतम

सहभागी छात्राका लागि जर्सी र जुत्ताको उपमहानगरले व्यवस्था गरिएकोे छ ।

नेकपा उम्मेदवार विद्या भन्छिन्ः पोखरेली सपना नै मेरा एजेन्डा

उनले भनिन्, ‘सुन्दर पोखरालाई विश्वभर चिनाउन र यहाँका पूर्वाधार निर्माण गरी अन्तर्राष्ट्रिय सहर बनाउने पोखरेलीको

Read more
ताजा अपडेट
© 2015.All rights reserved by mahilakhabar.com
%d bloggers like this: