दर्नाल अवार्ड सरस्वती नेपालीलाई प्रदान


प्रकाशित मिति :2018-08-15 18:03:23

–महिला खबर

ललितपुर । बैतडीकी सामाजिक अभियन्ता सरस्वती नेपालीलाई यसवर्षकोे सामाजिक न्यायका लागि दर्नाल अवार्ड प्रदान गरिएको छ ।

जागरण मिडिया सेन्टर र समता फाउण्डेशनले दुई वर्षमा दिँदै आएको उक्त अवार्ड सुवास दर्नालको छैटौ स्मृति दिवसको अवसरमा बुधबार काठमाडौंमा आयोजित एक समारोहकाबीच प्रदान गरिएको हो ।

कार्यक्रममा सुवासका श्रीमति सरिता परियार र आमा सरिता दर्नालले संयुक्त रुपमा हस्तान्तरण गरेका थिए । अवार्डको राशी ५ लाख रुपैयाँ रहेको छ ।

सरस्वती नेपालीले भूमिअधिकार शिक्षा, प्रत्रकारिताको क्षेत्रमा अगुवाइ गर्नुका साथै सामाजिक न्यायमा दलितको पहुँचका लागि नेतृत्वदायी भूमिका खेल्दै आएकी छिन् ।

सन् २००८ देखि २०११ सम्म भूमिअधिकार मञ्च, बैतडीको संयोजक रहेकी नेपालीको अगुवाईमा ३७ परिवार भूमीहिनले २ रोपनीजग्गा र लालपूर्जा प्राप्त गरेका थिए ।

त्यसैगरी कार्यक्रममा अभियन्ता डडेल्धुराका कलावती भाँड, सिराहाका अरुण सदा, दैलेखका पार्वतीकुमारी विशुन्के, बर्दियाका दिलिप गन्धर्व र बाजुराका डा. रूपचन्द्र विश्वकर्मालाई समेत कदरपत्रसहित सम्मान गरिएको छ ।

‘दर्नाल अवार्ड’ आम मानिसले समाज परिवर्तनका लागि गरेका प्रेरणादायी र अनुकरणीय कार्यको सम्मान गर्ने उद्देश्यले सामाजिक न्यायका अभियन्ता सुभाष दर्नालको सम्झनामा स्थापना गरिएको अन्तरराष्ट्रिय स्तरको पुरस्कार हो ।  अभियन्ता सुभाष दर्नालको १५ अगस्ट २०११ मा दुःखद् देहान्त भएको थियो ।

    Comment Here!

Related NEWS
मुख्य खबर

महिलाकाे नयाँ सोच : सयपत्रीकाे हाेइन अालु, बाेडीकाे माला

-विष्णुप्रसाद पोखरेल- खुर्सानी, साना आलुका गेडा, भिजाएको मटर र चनाको गेडा, राज्मा, बनमारा, मकैको दाना,

श्रीमती पाल्ने कि श्रीमान् ?

तपाईंको आमालाई बाबाले पाल्नु भो कि ? आमाले आफू पालिएर छोराछोरीलाई पनि पाल्नुभयो ?

भारतबाट उद्दार गरिएका १ सय ७९ जनालाई नेपाल ल्याइयो

-विष्णुप्रसाद पोखरेल- भारतबाट उद्धार गरिएका १ सय ४७ जना महिला सहित १ सय ७९ जनालाई नेपाल

आमाको वंश नचल्ने प्रजातन्त्र !

लोकतन्त्र मात्र होइन, गणतन्त्र नै आयो । दूरदृष्टिको अभिमानमा परको सिमाना देखियो । आमाको आँखामा

सञ्चारिकाकी पूर्व अध्यक्ष राणा संयुक्त राष्ट्रसंघीय सीड कमिटीको उपाध्यक्ष निर्वाचित

–महिला खबर– ललितपुर । सञ्चारिका समूहका पूर्व अध्यक्ष बन्दना राणा संयुक्त राष्ट्रसंघको महिला विरुद्ध हुने सबै

Read more
ताजा अपडेट
© 2015.All rights reserved by mahilakhabar.com
%d bloggers like this: