घरको हिंसा सहन नसकेर मनोरञ्जन क्षेत्रमा


प्रकाशित मिति :2018-08-14 17:41:57

–महिला खबर–

ललितपुर । महिला तथा बालकालिकाहरु मनोरञ्जन क्षेत्रमा काम गर्न आउनुको मुख्य कारण घरेलु हिंसा रहेको पाइएको छ ।

गएको मे महिनामा महिला तथा बालबालिका बेचबिखन विरुद्ध सहकर्मी समूह नेपाल (एटविन)ले आयोजना गरेको मनोरञ्जन क्षेत्रमा कार्यरत महिला श्रमिकसँगको दुई दिने बन्द कार्यशालामा यस्तो पाइएको थियो । सो कार्यशालामा १० देखि १८ वर्ष उमेर समुहका २४ जना बालिका थिए ।

एटविनले आज मंगलबार काठमाडौंमा आयोजना गरेको ‘मनोरञ्जन क्षेत्रमा हुने व्यवसायिक बाल यौन शोषण तथा आन्तरिक बेचबिखनको समस्या तथा समाधानका उपायहरु’ विषयक अन्तरक्रियामा सो जानकारी गराइएको हो ।

कार्यक्रममा सहजकर्ता निलम शर्माले कार्यपत्र प्रस्तुत गर्दै उक्त कार्यशालामा सहभागिमध्ये ९० प्रतिशतले आफू कुनै न कुनै रुपमा बाल्यकालमा घरेलु वा लैंगिक हिंसाबाट प्रभावित रहेको पाइएको बताइन् ।

यस्तै कार्यशालामा सहभागि २४ मध्ये ६ जना आफन्तको माध्यमबाट, १ जना आफै खाजेर र बाँकी १७ जना साथीको माध्यमबाट यस क्षेत्रमा लागेको बताएका थिए ।

काठमाडौं वडा नं ११ का वडा अध्यक्ष हिरालाल तण्डुकारले मनोरञ्जन क्षेत्रका समस्या समाधान गर्न सबै लाग्नुपर्ने बताए ।

महिला तथा जेष्ठ नागरिक मन्त्रालयकी पूर्णीमा उपाध्यायले मनोरञ्जन क्षेत्र मर्यादित नभएकै कारण महिला एवम् बालबालिकाहरु पीडित हुनुपरेको बताइन् ।

श्रम मन्त्रालयका ऋषि भुसालले अहिले नयाँ श्रम ऐन आइसकेको भन्दै यसबाटै यसबारेमा सबै जानकार हुनुपर्ने बताए ।

मानव अधिकार आयोगका यशोधा बन्जाडेले काम गर्ने क्षेत्रलाई मर्यादित र सुरक्षित बनाउनुपर्नेमा जोड दिइन् ।  एडविनका सचिव बालकुमारी दर्लामीले मनोरञ्जन क्षेत्रलाई मर्यादित नबनाए नयाँ पीडि झन् जोखिममा पर्ने बताइन् ।

कार्यक्रममा सहभागिले मनोरञ्जन क्षेत्रलाई सम्मानित पेशाको रुपमा विकास गर्नुपर्नेमा जोड दिएका थिए । नेपालमा बढी मात्रामा मनोरञ्जन उद्योगहरु (डान्स बार, मसाज पार्लर, क्यावीन रेष्टुरा लगायत) मा महिला तथा बालिकालिकाहरु कामदारको रुपमा रहेका छन् । तर के कति संख्यामा श्रमवीवि महिलाहरु तथा बालबालिकाहरु कार्यरत छन् भन्ने यकिन तथ्यांक छैन् ।

राष्ट्रिय मानव अधिकारी आयोगका अनुसार १ सय ८० जना भित्र गरिएको अध्ययनमा यस्ता उद्योगहरुमा २२ प्रतिशत बालिकाहरु कार्यरत रहेको पाइएको छ । (मानव बेचविखनको अवस्था, राष्ट्रिय प्रतिवेदन, राष्ट्रिय महिला आयोग २०७२/७३)

यस्तै आयोगले १ सय ८० जना भित्र गरेको अध्यइनका यस्ता उद्योगहरुमा २२ प्रतिशत बालबालिकाहरु कार्यरत रहेको पाइएको थियो । मनोरञ्जन उद्योगमा ४९ प्रतिशत महिलाहरु यौन दुव्र्यवहारमा परेका, ४३ प्रतिशतले समयमै तलब नपाएका, ३३ प्रतिशतले यातायात खर्च वा सुविधा नपाएका, २२ प्रतिशतले अतिरिक्त कार्य गरे पावत तलब नपाएका र करिब आधार जसोले मनोरञ्जन उद्योगहरुमा मर्यादीत र सुरक्षित नरको भन्ने पाइएको थियो ।

    Comment Here!

Related NEWS
मुख्य खबर

महिलाकाे नयाँ सोच : सयपत्रीकाे हाेइन अालु, बाेडीकाे माला

-विष्णुप्रसाद पोखरेल- खुर्सानी, साना आलुका गेडा, भिजाएको मटर र चनाको गेडा, राज्मा, बनमारा, मकैको दाना,

श्रीमती पाल्ने कि श्रीमान् ?

तपाईंको आमालाई बाबाले पाल्नु भो कि ? आमाले आफू पालिएर छोराछोरीलाई पनि पाल्नुभयो ?

भारतबाट उद्दार गरिएका १ सय ७९ जनालाई नेपाल ल्याइयो

-विष्णुप्रसाद पोखरेल- भारतबाट उद्धार गरिएका १ सय ४७ जना महिला सहित १ सय ७९ जनालाई नेपाल

आमाको वंश नचल्ने प्रजातन्त्र !

लोकतन्त्र मात्र होइन, गणतन्त्र नै आयो । दूरदृष्टिको अभिमानमा परको सिमाना देखियो । आमाको आँखामा

सञ्चारिकाकी पूर्व अध्यक्ष राणा संयुक्त राष्ट्रसंघीय सीड कमिटीको उपाध्यक्ष निर्वाचित

–महिला खबर– ललितपुर । सञ्चारिका समूहका पूर्व अध्यक्ष बन्दना राणा संयुक्त राष्ट्रसंघको महिला विरुद्ध हुने सबै

Read more
ताजा अपडेट
© 2015.All rights reserved by mahilakhabar.com
%d bloggers like this: