विश्व साइकल यात्री लोकबन्धु यौन शोषणको आरोपमा पक्राउ


प्रकाशित मिति :2018-07-10 17:10:15

–महिला खबर–

ललितपुर । विश्व साइकल यात्री लोकबन्धु कार्की मोरङकी एक किशोरीलाई डेंढ महिनादेखि यौन शोषण गरेको आरोपमा पक्राउ परेका छन् ।
झापा घर भएका कार्कीले नाता पर्ने १७ वर्षीया किशोरीलाई गएको वैशाख २५ गते काठमाडौं टोखास्थित गंगबुमा रहेको आफ्नै ट्राभल एजेन्सी ग्रान्ड काउन्सलिङ सर्भिसमा रिसेप्सनको काम लगाइदिन्छु भन्दै काठमाडौं ल्याएर यौन शोषण गरेको आरोप लागेको छ । ४१ वर्षीय कार्कीले काठमाडौं ल्याएको एक हप्तादेखि नै आफूलाई बलात्कार गर्दै आएको पीडित किशोरीले बताएकी छन् ।

महिला खबरसँग कुरा गर्दै उनले भनिन्, ‘खान, बस्न अफिसमै दिएर मासिक ७ हजार रुपैयाँ पाउने शर्तमा म काठमाडौं आएँ । काठमाडौं आएको एक हप्तादेखि नै ममाथि बलात्कार भयोे । कसैलाई भनिदिए मार्दिन्छु भन्दै धक्क दिन्थे ।’

बाबुआमा भेट्न आएको बेला किशोरीले आफू पटक–पटक बलात्कृत भएको बताएपछि छोरीको न्यायका लागि उनका बुबाआमाले नै यही असार १३ गते उजुरी दिएका हुन् ।

आर्थिक अवस्था कमजोर भएका किशोरीका बाबुआमा काठमाडौंकै एक रिसोर्टमा काम गर्छन् । असार १३ गते उनीहरु कार्कीलाई नै भेट्न दिनभर त्यही ट्राभल एजेन्सीमा बसेका थिए । तर कार्की विभिन्न बहाना बनाउँदै राती ६ बजेमात्र त्यहाँ आएका थिए ।

अभिभावकले छोरीलाई किन यस्तो गरेको भनेपछि कार्कीले आफूले गल्ती गरेको भन्दै विभिन्न आश्वासन दिएको पीडित परिवारले बताएको छ ।

पीडित युवतीकी आमाले छोरीलाई गरगहना बनाइदिने, केटा खोजेर विवाह गरिदिने भन्दै घटना बाहिर नल्याउन दबाब दिएको बताइन् ।
तर युवतीका अभिभावकले नमानेर सोही राती नै गोगंबु प्रहरीलाई खबर गरेका थिए । गोंगबु प्रहरीले कार्कीलाई १३ गते नै पक्राउ गरी प्रहरी वृत महाराजगञ्जमा बुझाएको थियो ।

युवतीकी आमाले कार्कीका आफन्तले घटना मिलापत्र गर्न अझै पनि दबाब दिने गरेको बताइन् । उनले भनिन्, ‘तेरो छोरीलाई ४ लाख रुपैयाँ दिन्छु ।

आफ्नै खर्चले विवाह गरिदिन्छु भन्दै मिलापत्र गर्न दबाब दिन थालेका छन् । फोन आइरन्छ । डर धम्की देखाइरहेका छन् ।’ उनले आफ्नो छोरीलाई बलात्कार गर्नेसँग मिलापत्र नगर्ने र कानुनी न्याय खोज्ने बताइन् ।

किशोरीको थापाथलीस्थित परोपकार प्रसूति तथा स्त्रीरोग अस्पतालमा स्वास्थ्य जाँच गरिएको छ । कार्कीका श्रीमती, एक छोरा र एक छोरी झापामै छन् ।

यता प्रहरी वृत महाराजगञ्जका डिएसपी भेषबहादुर रिजालले कार्की विरुद्ध जिल्ला अदालत काठमाडौंमा जबरजस्ती करणी अन्तरगत मुद्दा दर्ता गर्ने तयारी गरेको बताएका छन् ।

उनले भने, ‘हामीले जिल्ला अदालतबाट म्याद थप गरी अनुसन्धानको अन्तिम चरणमा पुगेका छौ । एक दुई दिन भित्र अदालतमा पेश गर्छौ ।’

 

    Comment Here!

Related NEWS
मुख्य खबर

एसिडः हिंसाको हतियार

एसिड आक्रमण महिला विरुद्धको हिंसाका विभिन्न स्वरुपहरू मध्ये एक हो । महिला वा पुरुष जो

पश्चिम नेपालमै पहिलो पटक फिस्टुला उपचार केन्द्र

–लक्ष्मी भण्डारी– सुर्खेत । कर्णाली प्रदेशको राजधानी सुर्खेतको वीरेन्द्रनगरमा फिस्टुला उपचार केन्द्र स्थापना भएको छ ।

इह्रिकनमा मीना शर्मा निर्वाचित

–महिला खबर– राष्ट्रिय र अन्तर्राष्ट्रिय रुपमा विभिन्न विषयमा प्रशिक्षण दिँदै आएकी शर्मा यस अघिको कार्य समितिमा

२५ प्रतिशत बजेट माग गर्दै ‘एकसुत्रीय देशव्यापी अभियान‘ शुरु

–महिला खबर– ललितपुर । ‘समृद्ध नेपालका लागि सशक्त महिला’ भन्ने नाराका साथ सात राजनीतिक दलका

‘राज्यले दुई खाले नागरिकको उत्पादन गर्नुहुँदैन’

–महिला खबर– ललितपुर । राज्य व्यवस्था तथा सुशासन समितिका सभापति शशी श्रेष्ठले राज्यले नागरिकता दिँदा विभेद

Read more
ताजा अपडेट
© 2015.All rights reserved by mahilakhabar.com
%d bloggers like this: