जेष्ठ एकल महिलालाई सम्मान


प्रकाशित मिति :2018-06-24 15:54:24

-महिला खबर-

ललितपुर । ८ औँ अन्तर्राष्ट्रिय एकल महिला दिवसको अवसरमा काठमाडौं चन्द्रागिरी नगरपालिका ९ मा रातो अभियान तथा जेष्ठ नागरिक एकल महिलालाई सम्मान गरिएको छ ।

मानव अधिकारका लागि महिला, एकल महिला समूह र अक्सफामको सहकार्यमा चन्द्रागिरी एकल महिला नगरसमितिले आयोजना गरेको कार्यक्रममा २० जना जेष्ठ नागरिक एकल महिलालाई सम्मान गरिएको थियो । अभियान स्वरुप एकल महिलाले रातो टिका र रातो कपडा समेत लगाएका थिए ।

कार्यक्रममा प्रमुख अतिथि सांसद रमा आलेमगरले एकल महिलाको समस्या समाधान गर्न आफू तत्पर रहेको बताइन् । उनले भनिन्, ‘नगरपालिकादेखि मन्त्रालयसम्म तपाईहरु योजना लिएर आउनुस् हामी सम्बोधन गर्न तयार छौं ।’

कार्यक्रममा थानकोट ४ का वडा अध्यक्ष कृष्णप्रसाद शाहीले एकल महिलाका समस्या समाधान गर्न वडा, नगरपालिका तयार रहेको बताए ।
मानव अधिकारका लागि महिला, एकल महिला समूहका महासचिव कुन्दा शर्माले राष्ट्रिय विकासमा एकल महिलाको अर्थपूर्ण सहभागिता सुनिश्चित हुनुपर्ने माग राख्दैै एकल महिला विरुद्ध हुने हिंसा अन्त्य हुनपर्नेमा जोड दिइन् ।

कार्यक्रममा वडा नं १५ की वडा सदस्य श्रुती मालीले आफु एकल हुँदाको अनुभव सुनाउँदै एकल महिलाले पनि केही गर्न सक्ने बताइन् ।

चन्द्रागिरी नगर समितिका एकल महिला समुहकी अध्यक्ष शान्ति महर्जनले आफूले एकल भएकै कारण भोग्नुपरेको संघर्ष र एकल महिलाको क्षेत्रमा गरेको कामको बारेमा जानकारी गराइन् ।

एकल महिलाहरु शिक्षाकै कारण रोजगारी नपाउने, आर्थिक अवस्था कमजोर हुने समस्या हुने हुँदा लक्षित महिलाको लागि छुट्टिने बजेटमा एकल महिला शिर्षक दिनुपर्ने बताइन् ।

    Comment Here!

Related NEWS
मुख्य खबर

एसिडः हिंसाको हतियार

एसिड आक्रमण महिला विरुद्धको हिंसाका विभिन्न स्वरुपहरू मध्ये एक हो । महिला वा पुरुष जो

पश्चिम नेपालमै पहिलो पटक फिस्टुला उपचार केन्द्र

–लक्ष्मी भण्डारी– सुर्खेत । कर्णाली प्रदेशको राजधानी सुर्खेतको वीरेन्द्रनगरमा फिस्टुला उपचार केन्द्र स्थापना भएको छ ।

इह्रिकनमा मीना शर्मा निर्वाचित

–महिला खबर– राष्ट्रिय र अन्तर्राष्ट्रिय रुपमा विभिन्न विषयमा प्रशिक्षण दिँदै आएकी शर्मा यस अघिको कार्य समितिमा

२५ प्रतिशत बजेट माग गर्दै ‘एकसुत्रीय देशव्यापी अभियान‘ शुरु

–महिला खबर– ललितपुर । ‘समृद्ध नेपालका लागि सशक्त महिला’ भन्ने नाराका साथ सात राजनीतिक दलका

‘राज्यले दुई खाले नागरिकको उत्पादन गर्नुहुँदैन’

–महिला खबर– ललितपुर । राज्य व्यवस्था तथा सुशासन समितिका सभापति शशी श्रेष्ठले राज्यले नागरिकता दिँदा विभेद

Read more
ताजा अपडेट
© 2015.All rights reserved by mahilakhabar.com
%d bloggers like this: