अनि म अश्लील देखिन्छु


प्रकाशित मिति :2018-06-19 16:21:15

शितको थोपाले
फूलको थुङालाई
चुम्मन गरेजस्तो
हरेक महिना
आलो रगतले चुम्मन गरेर
मलाई अश्लील बनाइदिन्छ
जब म रजस्वला भएकी हुन्छु
रगतमा मुछिएकी हुन्छु
छट्पटी र औडाहामा पिरोलिएकी हुन्छु
तब मेरा निधारका रेखाहरू
खच्याकखुचुक भैदिन्छन्
मन फुरुङ भएर मनसँगै रमाउने बेलामा ।

ऋचा लुइँटेल

जब
मेरो शरीरको नियन्त्रण म सँगै हुँदैन
तब तिमी र तिमीहरू भन्छौ
यी सब आइमाईका बहाना हुन्
कामै नगरी बसी खाने चाहाना हुन्
क्षितिजको सचित्र क्यानभासमा उतारे जस्तै
मेरा शारीरिक चुनौतीहरूको तस्विर
कहिल्यै उतार्न सक्दैनौ
तिमीले ।

रजस्वला हुँदा
अछुत मानेर हामीलाई
बिमुख गराइदिन्छौ
भात र भान्साको अधिकारबाट
बिस्तारा र सिरानीको सुबिधाबाट
अह कहिल्यै बुझ्न सक्दैनौ
रगतको आहालमा
सिकसिको लिएर बस्नुको पीडा
मन अमन हुनुको पीडा
झर्किएर दिएको चार गास भात
अपच भइदिनुको व्यथा
रजस्वला भएपछी
छोप्दा छोप्दै
लगाइरहेको लुगाबाट रगतका बाछिटाहरू
बाहिर छिचोलियो भने
भन्छौ,
अश्लील देखिन्छ तिम्रो अनुहार
कुर्सी सोफा तन्ना बिस्तरामा
बस्दै नबस्नु बिटुलिनेछ
घर सन्सार ।

भन्छौ तिमी खर्चालु छौ धनले कसरी धान्नु
महिनाका तीन चार प्याकेट विस्पर र स्टे फ्री
कसरी सकिन्छ किनेर लगाउन ?
टालाटुली च्यातेर बुजो लगाउ
तिम्रो नजरमा महिनाको पाँच सात सय रुपैयाँ
हामी नोक्सान गरिरहेका हुन्छौ
हाम्रा फाल्तु रहरहरूमा
रजस्वला हुनु भनेको
घामले जुनलाई चुम्मन गरेर
सितलता दिएजस्तै
जुनले तारालाई चुम्मन गरेर
यौवन दिएजस्तै हो
भनेर मेरी आमाले बुझाउन नसकेजस्तै
म पनि त बुझाउन सकिरहेकी छैन
तिम्रो पितृसत्तालाई
प्रिय ।

म रजस्वला भएपछी मात्रै तिमी बाबु बन्नेछौ
म सम्झाउन सक्दिन
रजस्वला हुनु भनेको छोरीबाट नारी हुनु हो
म भन्न सक्दिन
यसकारण अनि म अश्लील देखिन्छु
तिम्रो सभ्य समाजमा ।

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: