साउदी महिलाले पाए सवारी चलाउने अनुमति


प्रकाशित मिति :2018-06-07 11:30:53

ललितपुर । साउदी सरकारले महिलाहरु माथि सवारी चलाउन लगाएको प्रतिबन्ध फुकुवा गरेको छ । यसका साथै महिलाहरुले प्रयोग गरेका विदेशी सवारी चालक अनुमति पत्रको साटो साउदी सरकारले स्वदेशी प्रमाणपत्र हस्तान्तरण गरेको छ ।

साउदी अरबले एक हप्ता अघि मात्रै महिलाहरुलाई सवारी चालक अनुमतिपत्र दिने निर्णय गरेको हो । साउदीका ट्राफिक प्रहरी प्रमुखले साउदी प्रेस एजेन्सीलाई भने अनुसार गत सोमबार मात्रै सरकारले महिलाहरुले अन्य देशमा प्रप्त गरेका सवारी चालक अनुमतिपत्रलाई मान्यता दिनुका साथै साउदी सवारी चालक अनुमति पत्र दिने निर्णय गरेको छ ।

हालसम्म दश जना महिलाहरुले सवारी चालक अनुमति पत्र प्राप्त गरिसकेको सरकारी अधिकारीले जनाएका छन् ।

सवारी चालक अनुमतिपत्र विनिमय गर्ने सुबिधा साउदी सरकारले देशभरि धेरै ठाँउहरुमा दिएको छ । जसलाई जुन १४ देखि कार्य सञ्चालन गर्नेगरि स्थापना गरिको एक सरकारी अधिकारीले जानकारी दिए । सुचना मन्त्रालयका अनुसार आगामी हप्तामा महिलाहरुलाई करिब २ हजार सवारी चालक अनुमति पत्र वितरण गरिने अनुमान गरिएको छ ।

पहिलो पटक सवारी साधन प्राप्त गर्ने रियादकी महिलाले सामाजिक सञ्जालमा भिडियो समेत अपलोड गरेकी छन् । साउदी अरब महिला अधिकारमा प्रतिबन्ध लगाउने देशहरु मध्ये सबैभन्दा अगाडि छ ।

सन् २०१७ सेप्टेम्बरमा साउदीका बादशाह सलमान बिन अब्दुलाजिज अल साउदले स्लामीक कानुन अनुसार महिलाहरुले सवारी साधन चलाउन पाउनु पर्ने जिकिर गर्र्दै सदियौंदेखि स्थापित कानुनका विपरित शाही घोषणा पत्रमा हस्ताक्षर गरेका थिए । शाही घोषणा हुनुपूर्व साउदी अरब मात्र एउटा मुलुक थियो जसले महिलालाई सवारी साधन चलाउन प्रतिबन्ध गरेको थियो ।

गत महिना, उल्लेख्य संख्यामा महिला अधिकारकर्मीहरुले महिलाले पनि सवारी साधन चलाउन पाउनुपर्ने माग राखेर आन्दोलन गर्दा सरकारले पक्राउ गरि राष्ट्रिय सुरक्षामा खलल् पूर्याएको आरोपमा थुनामा राखेको थियो । यदि अभियोग प्रमाणित भएको भए तिनीहरुले २० वर्षसम्म कारागार बस्नुपर्ने थियो ।

स्रोत : अलजजिरा

    Comment Here!

Related NEWS
मुख्य खबर

बलात्कारी पक्रन सीमामा कडाइ

-महिला खबर- ललितपुर । रौतहटमा बलात्कार गरी फरार रहेका युवाहरुलाई पक्राउ गर्न नाका क्षेत्रको सुरक्षा व्यवस्था

सीड कमिटीको बैठकमा नेपालको प्रतिवेदन प्रस्तुत

–महिला खबर– ललितपुर । स्वीट्जरल्याण्डको जेनेभामा चलिरहेको संयुक्त राष्ट्रसंघको सीड कमिटीको बैठकमा नेपाल सरकारको तर्फबाट पेश

मान्द्रो बुनेर आत्मनिर्भर

–कृञ्जला पुलामी– सिन्धुली । सिन्धुलीका महिलाहरु मान्द्रो बुनेर आत्मनिर्भर बन्न थालेका छन् । जिल्लाका अति सीमान्तकृत

महिलाका समस्याको मुख्य कारक मदिरा

बिर्मलादेवी बुड्थापा उपप्रमुख, साँफेबगर नगरपालिका अछाम मदिरा बेचविखन गर्न निश्चित समय तोकेका छौं । बेलुका

आमा ! तिम्रो संस्कारी छोरी बलात्कृत भइ

–उषा किरण पन्थ – दाजुभाइ रुँदा छोरा मान्छे भएर नि रुन्छन् ? भन्यौ ।

Read more
© 2015.All rights reserved by mahilakhabar.com
%d bloggers like this: