‘रक्सी खाएको लोग्नेलाई थुनाउँदा पैसा तिर्दाको हैरानी’


प्रकाशित मिति :2018-05-11 15:41:37

–महिला खबर

ललितपुर । बैतडीकी तारा भट्ट (४५) लाई सँधैको हैरानी छ । दुःखले कमाएको पैसा श्रीमानले रक्सीमा उडाउँछन् । घरमा सँधैको अशान्ति । रक्सीले मातेर दुःख दिने श्रीमानलाई कारबाहीको लागि प्रहरीलाई गुहारिरहनुपर्छ । तर त्यो कारबाही पनि महँगो छ ।

रक्सीले मातेका श्रीमानलाई एकरात हिरासतमा राखेबापत प्रहरीले एक हजार रुपैयाँ जरिबाना स्वरुप तिर्नुपर्छ । ‘श्रीमानले मातेर दुःख दिए भनेर प्रहरीलाई बोलाउनु अघि थैलीमा पैसा जुटाउनुपर्छ’ बैतडीको पाटन नगरपालिका ६ की ताराले दुखेसो पोखिन, ‘रक्सी खाएको मान्छेसँग पैसा हुँदैन, त्यस्तो मान्छेलाई एकदिन भन्दा बढी थुन्न पनि मिल्दैन भन्छ र जरिबाना असुलेर छोडिदिन्छ ।’

४३ वर्षीया कमला कठायतको पिरको कथा बेग्लै छ । उनी एकल महिला हुन् । श्रीमानको निधन पछि सासू र देवरले अंश दिएनन् । मजदुरी गरेर पेट पालो गरिरहेकी उनी भन्छिन् ‘विधवालाई अंश भाग लाग्दैन भनेर मलाई केही दिएका छैनन् ।’

१९ वर्षे सावित्री चन्दलाई पुरुषसँग बोलेको भनेर घरबाट यतिसम्म हेलाँ भयो कि उनी जन्मघरमा बस्न समेत सकिनन् । ‘इजा बाबाका साथमी बस्सु नपायालै भउत ननिको लागन्छी’(बुबाआमासँग बस्न नपाउँदा निकै दुख लागेको छ) बैतडीको पाटनस्थित सुरक्षा आवास गृहमा शरण लिएकी उनी स्थानीय लवजमा भन्छिन्, ‘मुईलाई बेच्चाकी लेखा लै खोज्यो, भागीवरै बाँच्या (मलाई बेच्न पनि खोज्यो, भागेर बचे)।’

बैतडीको पाटन नगरपालिकामा छायाङ्कन गरिएको साप्ताहिक टेलिभिजन कार्यक्रम समकोणमा माथिका तीन महिलाले झैं स्थानीयले प्रदेश ७ का मुख्यमन्त्री त्रिलोचन भट्टलाई घरेलु हिंसा, छाउ प्रथा, रक्सी, बालविवाह, बहुविवाह जस्ता समस्या सुनाए ।

मुख्यमन्त्री भट्टलाई चुनाव अघि सिंहदरबारको अधिकार गाँउगाँउमा आँउछ भनेर गरेको बाचा सम्झाउँदै स्थानीय खिमानन्द भट्टले प्रश्न गरे, ‘सिंहदरबारको अधिकार होइन, हाम्रा गाँउघरमा त चुनाव पछि नक्कली घरेलु रक्सीको ओइरो लागेको छ ।’

कार्यक्रममा एकजना छात्राले छोरीहरुको विहेको साइत सानैमा आयो भन्दै ग्रामिण क्षेत्रमा बालविवाह भइरहेको समस्या उठाईन । बैतडीको डिलासैनी गाँउपालिकाकी ति छात्रा लक्ष्मी थलालले भनिन, ‘कुप्रथाका कारण बालविवाह हटाउने चुनौती बनेका छन् ।’

छलफलमा बैतडीको पाटन नगरपालिकाका उपप्रमुख सरस्वती कोलीले महिला हिंसाका घटना रोक्ने प्रतिवद्धता व्यक्त गर्दै भनिन्, ‘यो नगरलाई सबैखाले हिंसामुक्त गर्ने अभियानमा हामी लाग्छौं ।’

सो अवसरमा बहुविवाहको उजुरी लिन प्रहरीले आनाकानी गरेका समस्या पनि जोडदार रुपमा उठाएका थिए भने जनप्रतिनिधिहरुले स्थानीय सरकार सञ्चालन ऐन लगायतका ऐनबारेको अस्पष्टताका कारण काम गर्न कठिनाई भइरहेको बताए ।

बैतडीको पाटनमा गरिएको सो छायाङ्कनमा बैतडीका सरकारी अधिकारी, विद्यार्थी, राजनीतिक र सामाजिक क्षेत्रका अगुवा समेत करिव तीनसय सहभागी थिए ।

कार्यक्रम आज शुक्रबार बेलुका ९ बजे कान्तिपुर टिभीबाट प्रशारण हुन्छ । कार्यक्रमको प्रोमो हेर्न यहाँ क्लिक गर्नुहोला ।

    Comment Here!

Related NEWS
मुख्य खबर

बलात्कारी पक्रन सीमामा कडाइ

-महिला खबर- ललितपुर । रौतहटमा बलात्कार गरी फरार रहेका युवाहरुलाई पक्राउ गर्न नाका क्षेत्रको सुरक्षा व्यवस्था

सीड कमिटीको बैठकमा नेपालको प्रतिवेदन प्रस्तुत

–महिला खबर– ललितपुर । स्वीट्जरल्याण्डको जेनेभामा चलिरहेको संयुक्त राष्ट्रसंघको सीड कमिटीको बैठकमा नेपाल सरकारको तर्फबाट पेश

मान्द्रो बुनेर आत्मनिर्भर

–कृञ्जला पुलामी– सिन्धुली । सिन्धुलीका महिलाहरु मान्द्रो बुनेर आत्मनिर्भर बन्न थालेका छन् । जिल्लाका अति सीमान्तकृत

महिलाका समस्याको मुख्य कारक मदिरा

बिर्मलादेवी बुड्थापा उपप्रमुख, साँफेबगर नगरपालिका अछाम मदिरा बेचविखन गर्न निश्चित समय तोकेका छौं । बेलुका

आमा ! तिम्रो संस्कारी छोरी बलात्कृत भइ

–उषा किरण पन्थ – दाजुभाइ रुँदा छोरा मान्छे भएर नि रुन्छन् ? भन्यौ ।

Read more
© 2015.All rights reserved by mahilakhabar.com
%d bloggers like this: