आमा


प्रकाशित मिति :2018-05-10 14:44:58

म सँग संसार हेर्ने आँखा छन् ,
संसार जित्न सक्ने बलिया पाखुरा छन् ।
संसार डुल्न सक्ने पैतालाहरू छन् ।
तिमीले स्याहारेर
कसिलो पारेको सिंगो शरीर छ

बासुदेब भट्टराई

तर
मैले अँझै सकिरहेको छैन
मिरमिरे पुस माघको जाडोमा,
आकाशमा अस्ताउन लागेको चन्द्रमासँगै
धर्तीमा झरिरहेका
शीतका थोपा जस्तै
तिम्रा परेलीका आँशुहरू पुछ्न ।

असीम बेदनाले सताउँदा
छट्पटाहट र एक्लोपनले छपक्क ढाकिदीँदा
मेरी आमा
तिम्रो आँखाबाट कति आँशुका धाराहरू
बग्ने रहेछन्
अहिले महशुस गर्दैछु ।

वषौको अन्तराल पछि
चोटहरू दुखिरहँदा
तिम्रो जीर्ण शरीरमा
त्यो चकमन्न रात रातहरूमा
अनि ती कोलाहल दिन दिनहरूमा
तिमी कसरी निदाउँथ्यौ होला ?

एक्कासी फोक्सो फुलेर
श्वास प्रश्वासमा अफ्ठ्यारो हुँदा
तिम्रो शरीर थर्थराउँदा
परेलीबाट शीतरुपी आँशुका
ढिक्काहरू तछाड मछाड गरि बर्सिरहँदा,
दमको व्यथाले छटपटि हुँदा
तातो पानी तताई दिने सहारा नहुने
कस्तो बिडम्बना !

तर
दुर्भाग्य म तिम्रो छोरा भैकन
सँधै सँगै तिम्रो साथ बसेर
ती शीतरुपी आँशुका ढिक्काहरूलाई
पुछ्न सकेको छैन ।
असिमित तिम्रा पिडा र व्यथाहरूलाई
अगाल्न सकेको छैन ।
यो समय र परिस्थतीसँग कैद भएपछि ।

आजकल छिनछिनमा चलिरहने
हुरीलाई सम्झिँदा,
तिमीले नै भनेका कुराहरू सम्झन्छु
बाबु जंगलमा हुरीसँग परेका
छौ भने,
तिमी कुनै रुखलाई बलियो गरी समात्नु ।
हो म अहिले हुरीका बीच
जंगलमा एउटा रुखलाई बलियो गरी
समातेर बसेको छु ।
त्यसैले आमा
त्यति धेरै निराश नहुनु ।
तिम्रो स्वास प्रस्वास अबरुद्ध गर्ने
रोगसँग लडेर बस्नु
मनभरी आशाको दियो बालेर बस्नु है
किन कि दुखाई सँधै एकनास कहाँ हुन्छ र ?
चैत्र वैशाखमा चल्ने यो हुरी
ऋतु परिवर्तनसँगै
असोज कार्तिकमा शान्त हुनै पर्छ,
फेरि असोज कार्तिकमा सँगै हप्तौ बिताउला !

    Comment Here!

Related NEWS
मुख्य खबर

एसिड पीडित मुस्कानले भनिन्,‘अपराधीको उद्देश्य पूरा हुन दिन्न’

पढ्न जाँदा यस्तो हुन्छ कसरी पढ्ने ?, ’उनले प्रश्न गरिन्, ‘दोषीलाई कडा भन्दा कडा सजाय

हटेन कुरीतिः तीन महिनामा पाँचको हत्या

–महिला खबर– यस त्रैमासिकमा छाउगोठ भत्काउने अभियानबाट सुदुर पश्चिम प्रदेशका अधिकांश महिला मानसिक रुपमा प्रभावित भए

महिला मन्त्रीद्वारा भत्काईएका छाउगोठको अनुगमन

-महिला खबर- अछाम । महिला, बालबालिका तथा जेष्ठ नागरिक मन्त्री पार्वत गुरुङले अछाममा भत्काईएका छाउगोठको

अन्तरविद्यालय स्तरीय महिला क्रिकेट प्रतियोगिता हुने

-लोकेश जोशी- धनगढी । धनगढीमा प्रथम अन्तरविद्यालय स्तरीय महिला क्रिकेट प्रतियोगिता हुने भएको छ ।

नेकपाको ११ बुँदे आचारसंहिताः ‘कसैलाई पनि तँ नभन्नु, छुवाछूत र महिलामाथि हुने हिंसा विरुद्ध खडा हुनु’

कुनै पनि पार्टी सदस्यले महिला हिंसा र छुवाछूतपूर्ण व्यवहार गरेको प्रमाणित भए तुरुन्तै पार्टीबाट निष्काशन

Read more
ताजा अपडेट
© 2015.All rights reserved by mahilakhabar.com
%d bloggers like this: