संचारिका कोषाध्यक्ष यशोदालाई ‘दीपज्योति सम्मान’


प्रकाशित मिति :2018-04-27 10:56:31

–महिला खबर–

ललितपुर । संचारिका समूहका कोषाध्यक्ष एवं क्रियाशील पत्रकार यशोदा अधिकारीलाई ‘दीपज्योति सम्मान’ प्रदान गरिने भएको छ । दुई दशकदेखि पत्रकारितामा आवद्ध उनी रेडियो नेपालमा कार्यरत छिन् ।

यस्तै भाषा, साहित्य र संस्कृतिको क्षेत्रमा तीन दशकदेखि निरन्तर कलम चलाइरहेका रत्नप्रसाद श्रेष्ठ ‘अनामणि’ लाई पनि यही सम्मानबाट सम्मानित गरिदै छ ।

दीपज्योति आवासीय माध्यामिक विद्यालय गोंगबु काठमाडौंले श्रेष्ठ र अधिकारीलाई सम्मान गर्न लागेको हो ।

विद्यालयले भाषा, साहित्य, कला र सामाजिक जीवनका विविध क्षेत्रमा उल्लेखनीय योगदान पु¥याउने दुईजनालाई ११ वर्षदेखि ‘दीपज्योति सम्मान’ प्रदान गर्दै आएको छ ।

भाषा, साहित्य र कलाको श्रीवृद्धिको लागि स्थापना कालदेखि नै निरन्तर लागि परेको विद्यालयले २०४८ सालदेखि ‘ज्ञानसिन्धु’ वार्षिक र २०६२ सालदेखि ‘दीपज्योति आवाज’ मानिस नियमित रूपमा प्रकाशन गर्दै आएको जनाएको छ ।

यस सम्मानबाट हालसम्म साहित्यकार मोदनाथ प्रश्रित, प्रा.डा. गार्गी शर्मा, गीता केशरी, माया ठकुरी, डा.शैलेन्दुप्रकाश नेपाल, डा.सत्यराज थपलिया, दामोदर पुडासैनी ‘किशोर’, नरेन्द्रराज प्रसाई, प्रभा भट्टराई, मणि लोहनी लगायत १४ जना साहित्य साधकहरू सम्मानित भइसकेको विद्यालयलको विज्ञप्तिमा उल्लेख छ ।

यस वर्षको सम्मान यही वैशाख २२ गते वसन्त काव्यगोष्ठीको आयोजनासहित प्रदान गरिने जनाइएको छ ।

    Comment Here!

Related NEWS
मुख्य खबर

उपसभामुख बीच अब भिडियो कुराकानी

–महिला खबर– ललितपुर । संघीय संसद र प्रदेश संसदका उपसभामुख बीच बिद्युतीय रुपमा सम्बाद शुरू भएको

पुरुष सभामुखले जब संसद चलाइरहेकै बेला शिशुलाई दूध ख्वाए

एजेन्सी । संसदमा चर्काचर्की बहस चलिरहेकै बेला न्युजिल्याण्डका सभामुखले बच्चालाई दूध खुवाएर बसेका छन्।

छाउगोठ हैन छाउसोच भत्काउँ

-राधिका सापकोटा-  २०७४ असार १ गते म विहान देखि नै अफिसको काममा थिए । जिल्लामा सिन्धुपाल्चोक

बलात्कारको मुद्दा मिलापत्र गर्न खोज्ने ८ जना पक्राउ

–महिला खबर– नेपालगन्ज । बाँकेको कोहलपुर नगरपालिकामा ६ वर्षीया बालिका बलात्कारको मुद्दामा मिलापत्रको प्रयास गर्नेहरूलाई प्रहरीले

अधिकारकर्मीको दबाब : महिला आयोगमा छिटो नियुक्ति गर

–महिला खबर– ललितपुर । राष्ट्रिय महिला आयोग २२ महिनादेखि पदाधिकारीविहीन भएपछि सरोकारवालाले चासो देखाएका छन्।

Read more
ताजा अपडेट
© 2015.All rights reserved by mahilakhabar.com
%d bloggers like this: