एसिड छ्याप्ने प्रहरीलाई मुद्दा दर्ता


प्रकाशित मिति :2018-04-23 17:42:50

–महिला खबर–

ललितपुर । चितवनको भरतपुरमा महिलामाथि एसिड छ्याप्ने ट्राफिक प्रहरीलाई सोमबार ज्यान मार्ने उद्योगमा मुद्दा दर्ता गरिएको छ ।इलाका प्रहरी कार्यालय टाँडीमा कार्यरत प्रहरी नायव निरीक्षक रामचन्द्र खनियाँलाई जिल्ला प्रहरी कार्यालयले ज्यान मार्ने उद्योगमा मुद्दा दर्ता गराएको हो ।

खनियाले गोरखा घर भई जिल्ला प्रहरी कार्यालयले भरतपुर महानगरपालिका ४, त्रिचोकमा डेरा गरि बस्ने कल्पना श्रेष्ठलाई आइतबार बेलुका एसिड छ्यापेका थिए । एसिड प्रहार गर्ने खनिया विरुद्ध घाईतेकै श्रीमान किसान श्रेष्ठले ज्यान मार्ने उद्योगमा जिल्ला प्रहरी कार्यालयमा जाहेरी दिएका थिए ।

जहेरीका आधारमा जिल्ला अदालतबाट म्याद लिई विस्तृत अनुसन्धान भैरहेको प्रवक्ता डिएसपी प्रभू ढकालले बताए । उनका अनुसार भित्री सडकमा हिँडिरहेको बेला खनियाँले श्रेष्ठमाथि एसिड छ्यापेका हुन् । एडिस लागेर घाइते महिलाको भरतपुर अस्पतालमा उपचार भइरहेको छ ।

उनको अनुहार, शरीरको अगाडिको भाग र खुट्टामा एसिडले जलेको उनले बताए । डिएसपी ढकालका अनुसार घाइते कल्पनाको अवस्था सामान्य छ । एसिड छ्याप्ने खनियालाई आइतबार नै प्रहरीले नियन्त्रणमा लिइसकेको छ । प्रारम्भिक बयानका क्रममा खनियाले आन्तरिक बिबादका कारण एसिड छ्यापेको बताएका छन् । एसिड प्रहार गर्ने खनिया बिपद् व्यवस्थापन कार्यदल प्रथम चिकित्सा समुह हेटाै‌डा दरबन्दी भई हाल अस्थाई ट्राफिक प्रहरी पोष्ट टाँडि चितवनमा कार्यरत थिए ।

यो पनि हेर्नुहोस्

प्रहरीले नै छ्यापे महिलालाई एसिड

 

 

    Comment Here!

Related NEWS
मुख्य खबर

बलात्कारी पक्रन सीमामा कडाइ

-महिला खबर- ललितपुर । रौतहटमा बलात्कार गरी फरार रहेका युवाहरुलाई पक्राउ गर्न नाका क्षेत्रको सुरक्षा व्यवस्था

सीड कमिटीको बैठकमा नेपालको प्रतिवेदन प्रस्तुत

–महिला खबर– ललितपुर । स्वीट्जरल्याण्डको जेनेभामा चलिरहेको संयुक्त राष्ट्रसंघको सीड कमिटीको बैठकमा नेपाल सरकारको तर्फबाट पेश

मान्द्रो बुनेर आत्मनिर्भर

–कृञ्जला पुलामी– सिन्धुली । सिन्धुलीका महिलाहरु मान्द्रो बुनेर आत्मनिर्भर बन्न थालेका छन् । जिल्लाका अति सीमान्तकृत

महिलाका समस्याको मुख्य कारक मदिरा

बिर्मलादेवी बुड्थापा उपप्रमुख, साँफेबगर नगरपालिका अछाम मदिरा बेचविखन गर्न निश्चित समय तोकेका छौं । बेलुका

आमा ! तिम्रो संस्कारी छोरी बलात्कृत भइ

–उषा किरण पन्थ – दाजुभाइ रुँदा छोरा मान्छे भएर नि रुन्छन् ? भन्यौ ।

Read more
© 2015.All rights reserved by mahilakhabar.com
%d bloggers like this: