एक स्वास्थ्यकर्मीले ७५ गर्भवतीको जाँच गर्छन्


प्रकाशित मिति :2018-04-16 14:55:02

– महिला खबर–

ललितपुर । सुरक्षित मातृत्व दिवसको अवसरमा आज सोमबार देशभर विभिन्न कार्यक्रम गरि मनाइदैँछ । स्वास्थ्य मन्त्रालयका अनुसार २०७३ साउनदेखि ०७४ असारसम्म करिब तीन लाख गर्भवती महिलाले असुरक्षित रुपमा बच्चा जन्माएका थिए ।

नेपालमा ३ हजार २ सय जिल्ला अस्पताल र त्यसभन्दा तलका स्वास्थ्य संस्थामा प्रसूती गराउने दक्ष जनशक्ति छ  । तालिम प्राप्त एक स्वास्थ्यकर्मीको भागमा ७५ गर्भवती महिला पर्ने गरेको तथ्यांक छ ।

दुर्गमका कतिपय स्वास्थ्य संस्थामा प्रसूति गराउने तालिम प्राप्त स्वास्थ्यकर्मी नहुँदा अकालमै ज्यान गुमाउनुपर्ने बाध्यता रहेको छ ।
नेपाल जनसांख्यिक स्वास्थ्य सर्वेक्षण २०१६ ले भने सन् २००६ मा प्रतिहजार जीवित जन्ममा ३३ जना रहेको नवजात शिशु मृत्युदर अहिले २१ मा झरेको देखाएको छ । सहस्राब्दी विकास लक्ष्य पूरा गर्न २१ लाई १७ मा झार्नुपर्ने चुनौति कायमै छ ।

नेपालमा प्रतिवर्ष ७ लाख ५८ हजारको हाराहारीमा महिला गर्भवती हुने अनुमान छ । यसमध्ये करीब १० प्रतिशतले गर्भपतन गराउने वा गर्भ तुहेर जानेजस्ता समस्या छ ।

गर्भवती भएको अवस्थामा सम्बन्धित महिलाले कम्तीमा चारपटक आफ्नो स्वास्थ्य परीक्षण गराउनुपर्छ  । प्रसूती हुन समयमै स्वास्थ्य संस्थामा जान प्रोत्साहित गरिएको छ ।

यस्तै स्वास्थ्य सर्वेक्षण २०१६ का अनुसार नेपालका ४१ प्रतिशत महिला घरमै सुत्केरी हुने गरेको पाइएको छ । सर्वेक्षण अनुसार ५७ प्रतिशत महिला मात्रै सुत्केरी हुन स्वास्थ्य संस्था जाने गरेका छन् ।

बाँकी २ प्रतिशत महिलाले भने बाटोमा, काम गर्न जाँदा खेतबारी लगायतका ठाउँमा बच्चा जन्माउने परिवार स्वास्थ्य महाशाखाकी प्रजनन् स्वास्थ्य प्रमुख डा. पुण्या पौडेलले जानकारी दिईन् । सर्वेक्षणमा सन् १९९६ मा ८ प्रतिशत बच्चा मात्र स्वास्थ्य संस्थामा जन्माउने गरिएको थियो भने सन् २०१६ मा बढेर ५७ प्रतिशत पुगेको बताएको छ ।

    Comment Here!

Related NEWS
मुख्य खबर

समाचार प्रभावः सेनाले डस्टविनमै फ्याँक्यो महिनावारीको सूचना बोर्ड

–महिला खबर– महिला खबर डटकममा रणभैरव गणमा महिनावारी भएका महिलालाई प्रवेश निषेध शिर्षकमा समाचार प्रकाशित भए

एसिडः हिंसाको हतियार

एसिड आक्रमण महिला विरुद्धको हिंसाका विभिन्न स्वरुपहरू मध्ये एक हो । महिला वा पुरुष जो

पश्चिम नेपालमै पहिलो पटक फिस्टुला उपचार केन्द्र

–लक्ष्मी भण्डारी– सुर्खेत । कर्णाली प्रदेशको राजधानी सुर्खेतको वीरेन्द्रनगरमा फिस्टुला उपचार केन्द्र स्थापना भएको छ ।

इह्रिकनमा मीना शर्मा निर्वाचित

–महिला खबर– राष्ट्रिय र अन्तर्राष्ट्रिय रुपमा विभिन्न विषयमा प्रशिक्षण दिँदै आएकी शर्मा यस अघिको कार्य समितिमा

२५ प्रतिशत बजेट माग गर्दै ‘एकसुत्रीय देशव्यापी अभियान‘ शुरु

–महिला खबर– ललितपुर । ‘समृद्ध नेपालका लागि सशक्त महिला’ भन्ने नाराका साथ सात राजनीतिक दलका

Read more
ताजा अपडेट
© 2015.All rights reserved by mahilakhabar.com
%d bloggers like this: