सूचनाको हक सम्बन्धि ज्ञान हुनु आवश्यक


प्रकाशित मिति :2018-04-15 17:35:42

-महिला खबर-
ललितपुर । राष्ट्रिय सूचना आयोगका आयुक्त यशोधा तिम्सिनाले महिलाहरुमा सूचनाको हक सम्वन्धि ज्ञान हुनु अत्यन्त आवश्यक रहेको बताएकी छिन् ।

सूचना आयोगको सहयोगमा द टाइन्मस इन्टरनेशनल कलेजमा आइतबार भएको ‘सार्वजनिक सरोकार, थाहा पाउने हाम्रो अधिकार’ विषयक अन्तरक्रियामा तिम्सिनाले भनिन्, ‘महिलाले पाउने हक, अधिकारको बारेमा ज्ञान हुनु आवश्यक छ । तर कतिपय महिलाले हक,अधिकारका बारेमा ज्ञान नहुँदा उनीहरुले पाउने अधिकार पाउन सकेका छैनन् ।’

तिम्सिनाले महिला व्यवसायीक रुपमा लाग्दा सरकारले दिने कर छुटका बारेमा समेत जानकारी गराइन् । उनले युवा स्वरोजगार, शिक्षामा पाउने ऋण सहुलियत लगायतको विषयमा जानकारी गराएकी थिइन् ।

आयोगका प्रविधि विज्ञ सन्तोष तिम्सिनाले सूचना माग्ने तरिकाका विषयमा जानकारी गराए । कलेजका अध्यक्ष टिकाराम सापकोटाले यस्ता कार्यक्रमले विद्यार्थीहरुमा थप मनोवल बढ्ने बताए ।

कार्यक्रममा आयोगका कार्यक्रम अधिकृत सुस्मिता बस्नेत, सूचनाको हकका अभियन्ता सर्फुला अनसारी लगायतको सहभागिता थियो । सो अवसरमा कलेजका विद्यार्थीले सूचनाको हकका विषयमा जिज्ञासा राखेका थिए । कार्यक्रमको सहजिकरण फिमेल युथ नेपालकी अध्यक्ष सन्ध्या विडारीले गरेकी थिइन् ।

    Comment Here!

Related NEWS
मुख्य खबर

सीड कमिटीको बैठकमा नेपालको प्रतिवेदन प्रस्तुत

–महिला खबर– ललितपुर । स्वीट्जरल्याण्डको जेनेभामा चलिरहेको संयुक्त राष्ट्रसंघको सीड कमिटीको बैठकमा नेपाल सरकारको तर्फबाट पेश

मान्द्रो बुनेर आत्मनिर्भर

–कृञ्जला पुलामी– सिन्धुली । सिन्धुलीका महिलाहरु मान्द्रो बुनेर आत्मनिर्भर बन्न थालेका छन् । जिल्लाका अति सीमान्तकृत

महिलाका समस्याको मुख्य कारक मदिरा

बिर्मलादेवी बुड्थापा उपप्रमुख, साँफेबगर नगरपालिका अछाम मदिरा बेचविखन गर्न निश्चित समय तोकेका छौं । बेलुका

आमा ! तिम्रो संस्कारी छोरी बलात्कृत भइ

–उषा किरण पन्थ – दाजुभाइ रुँदा छोरा मान्छे भएर नि रुन्छन् ? भन्यौ ।

रुढ मान्यता भत्काउँदै शान्तिले मनाइन् दसैँ

–महिला खबर– बझाङको सुर्मा गाउँपालिका वडानम्बर १ की शान्तिले सोही गाउँपालिका ३ मा रहेको

Read more
© 2015.All rights reserved by mahilakhabar.com
%d bloggers like this: