महिलालाई सशक्त बनाउँदै अमेरिकी जिमखाना


प्रकाशित मिति :2018-04-15 14:15:14

ललितपुर । अमेरिकी आन्तरिक अनुसन्धान केन्द्र(एफबीआई)को तथ्यांक अनुसार पश्चिमी वाशिंगटनका चार प्रमुख (सीएटल, बेल्वेउ, एवरेट र टाकोमा) शहरहरुमा सन् २०१६ मा अपराधका घटनाहरु बढी भएको थियो । उक्त तथ्यांकले प्रत्येक आठ सेकेन्डमा अमेरिकामा कोही न कोही व्यक्तिमाथि आक्रमण भएको देखाएको छ ।

अप्रिल महिनाको यौन हिंसा विरुद्धको सचेतना कार्यक्रमको अवसरमा अमेरिकाको एउटा स्थानीय आत्मरक्षा र व्यायाम सिकाउने जिमखानाले महिलालाई सशक्त बनाउने काम गरिरहेको छ ।

क्राभ मागा सीएटलको मुख्य जिम (व्यायाम) कक्षमा महिला आफ्नो सुरक्षा कसरी गर्ने ? भन्ने कुरा सिक्न कसरत शुरू गर्न लागिरहेका थिए ।
‘सम्भावित आक्रमणको सबैभन्दा खतरनाक अवस्थाको लागि तयारी गर्नुहोस्,’ क्याथरीन बकले सहभागीहरुलाई भनिन् ।
महिला सशक्तिकरण गोष्ठिका प्रस्तोता र वक्ताहरुले सहभागीहरूलाई बाहिर हिँडेको बेलामा आफ्नो सेलफोन हेर्दै हिँड्यो भने उनीहरु आक्रमणको लागि तयार हुन नसक्ने बताए ।

सहभागी जूली ह्यूयन रस्कले भनिन्, ‘पहिले म मेरो फोन लिँदै र हेर्दै सडकमा हिँड्थे, तर अहिले म त्यसो नगर्न कठिन प्रयास गरिरहेकी छु ।’ यो महिला सशक्तिकरण कार्यक्रमको पहिलो पाठ हो ।
‘तपाई आफू के गर्दै हुनुहुन्छ भनेर मात्र सोच्नु हुन्छ । तपाई अन्य मानिसहरूले के गर्दै छन् भन्ने बारेमा सोच्नु हुँदैन । यो शायद मेरो लागि सबैभन्दा ठूलो सचेतना थियो,’ कार्यक्रममा सहभागी एलिसा याब्राले भनिन् ।

तपाईको वरिपरि के हुँदैछ भनेर जानकार हुनु भनेको एउटा प्रभावकारी पाठ हो । त्यसैगरी आफ्नो नम्रतालाई पाखा लगाउनुहोस् र आफ्नो अन्तरभावमा भरोसा राख्नुहोस् । यस्तै कुरा उक्त कार्यक्रममा सिकाइएको थियो ।

ह्युएन रस्कले भनिन्, ‘यसले हाम्रो प्रवृत्तिलाई अरुप्रति रुखो नहुन र आफू खतरामा पर्दा डरलाग्दो किसिमले प्रतिक्रिया नगर्न सिकाउँछ ।’
‘यदि तपाईको अन्तरभावले तपाईलाई केही कुरा ठीक छैन भन्ने बताइरहेको छ र तपाई त्यो स्थितिमा सुरक्षित महसुस गर्नुहुन्न भने आफूलाई त्यस अवस्थामा नराख्नुहोस्,’ बकले भनिन् ।

रस्कले भनिन्, ‘खतरनाक स्थितिमा दूरी हुनु राम्रो हुन्छ । दूरीले तपाईलाई जोगिन वा सो ठाउँबाट टाढा जान धेरै समय दिन सक्छ ।’
उक्त गोष्ठिले महिलालाई झडप र लडाईबाट पन्छिन सिकाएको थियो । तर परिस्थिति असहज भयो भने आफ्नो आवाज, हात, खुट्टा र पछाडिको भागको समेत प्रयोग गरेर लड्न सक्ने तौरतरिकापनि सिकायो ।
‘तपाई सुरक्षित रुपमा उम्किन सक्षम नभएसम्म आफूलाई नरोक्नुहोस्,’ बकले भनिन् ।

कतिले बाधाहरूलाई हटाउन सकेको र कहिलेपनि खतरनाक अवस्थाको सामना गर्नु नपरेको भएतापनि गोष्ठिमा सहभागी महिलाले उनीहरुले अर्को ठूलो पाठ सिक्न सकेको बताउँछन् । ‘तपाई सशक्त, बलियो र आत्मविश्वासी व्यक्ति बन्दै हुनुहुन्छ,’ बकले भनिन् ।

साभारड : क्यू १३ फक्स

    Comment Here!

Related NEWS
मुख्य खबर

समाचार प्रभावः सेनाले डस्टविनमै फ्याँक्यो महिनावारीको सूचना बोर्ड

–महिला खबर– महिला खबर डटकममा रणभैरव गणमा महिनावारी भएका महिलालाई प्रवेश निषेध शिर्षकमा समाचार प्रकाशित भए

एसिडः हिंसाको हतियार

एसिड आक्रमण महिला विरुद्धको हिंसाका विभिन्न स्वरुपहरू मध्ये एक हो । महिला वा पुरुष जो

पश्चिम नेपालमै पहिलो पटक फिस्टुला उपचार केन्द्र

–लक्ष्मी भण्डारी– सुर्खेत । कर्णाली प्रदेशको राजधानी सुर्खेतको वीरेन्द्रनगरमा फिस्टुला उपचार केन्द्र स्थापना भएको छ ।

इह्रिकनमा मीना शर्मा निर्वाचित

–महिला खबर– राष्ट्रिय र अन्तर्राष्ट्रिय रुपमा विभिन्न विषयमा प्रशिक्षण दिँदै आएकी शर्मा यस अघिको कार्य समितिमा

२५ प्रतिशत बजेट माग गर्दै ‘एकसुत्रीय देशव्यापी अभियान‘ शुरु

–महिला खबर– ललितपुर । ‘समृद्ध नेपालका लागि सशक्त महिला’ भन्ने नाराका साथ सात राजनीतिक दलका

Read more
ताजा अपडेट
© 2015.All rights reserved by mahilakhabar.com
%d bloggers like this: