‘नइ बाल पुरस्कार’ पाउने छ बालिका


प्रकाशित मिति :2018-04-08 16:37:12

–महिला खबर–

ललितपुर । नइ प्रकाशनले ५ वर्षदेखि १५ वर्ष सम्मका छ जना बालबालिकालाई ‘नइ देरुनीखपू बाल पुरस्कार’ दिने निर्णय गरेको छ ।

‘नइ बाल पुरस्कार’बाट पुरस्कृत हुनेहरूमा रिहना भट्टराई (बहुआयामिक), एञ्जेलिना न्यौपाने (साहित्य), स्वन्ति श्रेष्ठ (गायन तथा नृत्य) रहेका छन् ।
ताम्रपत्रसहित यी पुरस्कारका राशि जनही दस हजार रूपियाँ रहेका छन् ।

यसैगरी नइ कोपिला पुरस्कार नृत्यमा सगुन श्रेष्ठ र गायनमा रुनिषा सुनुवारलाई प्रदान गर्ने निर्णय भएको छ । ताम्रपत्रसहित यी पुरस्कारको राशि जनही सात हजार रूपियाँ छ ।

ताम्रपत्रसहित पाँच हजार रूपियाँ राशिको नइ ‘चिचिला पुरस्कार’ पाँच वर्षीया स्निग्धा देवकोटालाई दिइने भएको छ ।

नइ प्रकाशनका अध्यक्ष इन्दिरा प्रसाईको अध्यक्षतामा बसेको नइ प्रकाशनको बैठकले सो निर्णय गरेको हो ।

शताब्दी पुरुष डा.सत्यमोहन जोशीद्वारा उनको ९९ औं जन्मोत्सवका अवसरमा आगामी वैशाख ३० गते काठमाडौंमा नइ पुस्कारहरु वितरण गरिने नइ प्रकाशनका सदस्य सचिव नरेन्द्रराज प्रसाईले जानकारी दिए ।

नइ प्रकाशनका २८ पुरस्कारमध्ये यस वर्ष २२ जना राष्ट्रिय तथा अन्तर्राष्ट्रिय प्रतिभालाई नइ पुरस्कार प्रदान गरिने छ ।

    Comment Here!

Related NEWS
मुख्य खबर

एसिड पीडित मुस्कानले भनिन्,‘अपराधीको उद्देश्य पूरा हुन दिन्न’

पढ्न जाँदा यस्तो हुन्छ कसरी पढ्ने ?, ’उनले प्रश्न गरिन्, ‘दोषीलाई कडा भन्दा कडा सजाय

हटेन कुरीतिः तीन महिनामा पाँचको हत्या

–महिला खबर– यस त्रैमासिकमा छाउगोठ भत्काउने अभियानबाट सुदुर पश्चिम प्रदेशका अधिकांश महिला मानसिक रुपमा प्रभावित भए

महिला मन्त्रीद्वारा भत्काईएका छाउगोठको अनुगमन

-महिला खबर- अछाम । महिला, बालबालिका तथा जेष्ठ नागरिक मन्त्री पार्वत गुरुङले अछाममा भत्काईएका छाउगोठको

अन्तरविद्यालय स्तरीय महिला क्रिकेट प्रतियोगिता हुने

-लोकेश जोशी- धनगढी । धनगढीमा प्रथम अन्तरविद्यालय स्तरीय महिला क्रिकेट प्रतियोगिता हुने भएको छ ।

नेकपाको ११ बुँदे आचारसंहिताः ‘कसैलाई पनि तँ नभन्नु, छुवाछूत र महिलामाथि हुने हिंसा विरुद्ध खडा हुनु’

कुनै पनि पार्टी सदस्यले महिला हिंसा र छुवाछूतपूर्ण व्यवहार गरेको प्रमाणित भए तुरुन्तै पार्टीबाट निष्काशन

Read more
ताजा अपडेट
© 2015.All rights reserved by mahilakhabar.com
%d bloggers like this: