महिला जनप्रतिनिधिलाई टेर्दैनन् कर्मचारी


प्रकाशित मिति :2018-04-03 16:04:34

–कल्पना भट्टराई– 

ललितपुर । थमसरा पुन म्यादीको धवलागिरी गाउँपालिकाकी अध्यक्ष हुन् । स्थानीय तहमा निर्वाचित भएपछि उनले नेतृत्वको जिम्मेवारी त पाईन् । तर, पाइलै पिच्छे संघर्ष भोग्दै छिन् ।

एक त विना अनुभव अब्बल काम देखाउने चुनौती छ । अर्कोतर्फ महिला भएकैले नेतृत्व अस्वीकार गर्नेहरुको पनि सामना गर्नुपरेको छ । ‘महिलाले नेतृत्व गरेको कार्यालयमा कर्मचारीले पनि असहयोग गर्छन्’ थमसरा भन्छिन्, ‘पुरुष जनप्रतिनिधिले असहयोग गर्ने त सामान्य नै भयो ।’

थमसरा पुन

उनको गाउँपालिकामा ७ वटा वडा छ । सबै वडा अध्यक्ष पुरुष छन् । त्यसमाथि गाउँपालिकाको १० जना कर्मचारीमा एक मात्रै महिला छन् ।

गाउँपालिकाको अध्यक्ष भएपछि निर्णय पुस्तिका लगायत सिफारिस कागजातमा हस्ताक्षर गर्ने जिम्मेवारी उनकै हुन्छ । यसअघि २० वर्षसम्म गाउँ, वडा चलाएका कर्मचारी अहिले पनि हस्ताक्षर गर्न समेत आफै तम्सिने उनको अनुभव छ ।

उनीहरुले महिला भएकैले असहयोग गर्ने गरेका अनुभव निर्वाचित भएपछिको यो ११ महिनाको अवधीमा गरेकी छिन् । अप्ठ्यारा हुँदाहुँदै पनि निःशुल्क शिक्षा, दुर्गम क्षेत्रमा सडक विस्तार, सञ्चार सुविधा नभएको ठाउँमा सञ्चार सुविधा पुर्याउने लगायतका विकासका काममा आफू लागेको उनले बताईन् ।

त्यसका साथै महिलाका लागि पनि काम सँगै लगेको पुनको भनाई छ ।  ‘गर्भवती महिलालाई सेवा दिनकालागि दुई वडामा सामुदायिक स्वाथ्य ईकाइ सञ्चालन गरिएको छ ।’ अध्यक्ष पुनले थपिन्, ‘आयआर्जन र सीपमुलक कामबाट महिलाका जीवनस्तर उकास्नका लागि विभिन्न आयमुलक कार्यक्रम संचालन गरिएको छ ।’

उनले बालविवाह ,बहुविवाह र बोक्सी प्रथाको नाममा महिलामाथि हुने हिंसाको न्युनिकरणका लागि सचेतना मुलक विभिन्न कार्यक्रमलाई पहिलो प्रथामिकतामा राखेर काम गरिरहेकी छन् ।

लक्ष्मीदेेवी पाण्डे

नवलपरासीको हुप्सेकोट गाउँपालिकी अध्यक्ष लक्ष्मीदेवी पाण्डेको गाउँपालिकामा पनि पुनको जस्तै समस्या छन् । लक्ष्मीलाई महिला भएकैले कर्मचारीहरुले काममा नटेर्ने घुमाउरो पारामा असहयोग गर्ने गरेका छन् । ‘ महिला भएकै कारण नेतृत्व नस्वीकार्ने अवस्था छ ।’ लक्ष्मी भन्छिन्, ‘समस्याका चाङ छन् । तैपनि अवसर ठानेर काम गरिरहेका छौं ।’

निर्वाचित भएको सातौं दिनमा समयमै स्वास्थ्य चौकी पुर्याउन नसक्दा आमा र बच्चाको ज्यान गएको देखेपछि उनले महिला स्वास्थ्यमै सुधार ल्याउनपर्छ भनेर काम थालेको पनि बताईन् ।

उनी अध्यक्ष भएपछिको पहिलो बैठकमै स्वाथ्य संस्थामा सुत्केरी गराउन गाउँपालिकाभित्रका महिलालाई ५ हजार रुपैयाँका दरले सुत्केरी प्रोत्साहन भत्ता उपलब्ध गराउने निर्णय गरेकी थिइन् । भत्ताको व्यवस्था गरेपछि सुत्केरी हुन स्वास्थ्य चौकी आउने क्रम बढेको छ । साउनयता हुप्सेकाटका ६ सय महिलाले यो सेवा लिइसकेका उनले बताईन् ।

पुन र पाण्डेजस्तै समस्यासँग जुधिरहेकी छन् झापाको कमल गाँउपालीकाकी मेनुका काफ्ले । निर्वाचित भएको केही दिनसम्म काम कसरी थाल्ने भन्ने अलमलमै परिन् । तर अहिले गाउँपालिकालाई कार्यविधी बनाएर काम गरेकी छन् ।

मेनुका काफ्ले

‘स्थानीय तहका कर्मचारीहरु र जनप्रतिनिधीबीच कहिले काँही तालमेल मल्दिैन् । जसले गर्दा काम गर्न अफ्ठ्यारो हुन्छ ।’ उनले भनिन् ।
महिला नेतृत्वलाई पुरुषसरह सहज तरिकाले स्वीकार नगर्ने कर्मचारीको प्रवृत्ति उनले पनि भोगेकी छिन् । तर, गाउँको जनता र विकाससँग भिजेकाले काम गर्ने सजिलो भएको उनी बताउँछिन् ।

काफ्लेले विपन्न, दलित, सिमान्तकृत समुदायका विद्यालय पढ्ने ५० किशोरीलाई साइकल वितरण गरेको बताइन् । स्वाथ्य संस्थामा सुत्केरी गराउने महिलालाई सुत्केरी प्रोत्साहन भत्ता पनि उपलब्ध गराउने कार्यक्रम सुरु गरेका छौं, उनले भनिन् – प्रत्येक वडामा पाठेघर खस्ने समस्याको निःशुल्क स्वाथ्य परीक्षण पनि थालिएको छ ।

    Comment Here!

Related NEWS
मुख्य खबर

एसिडः हिंसाको हतियार

एसिड आक्रमण महिला विरुद्धको हिंसाका विभिन्न स्वरुपहरू मध्ये एक हो । महिला वा पुरुष जो

पश्चिम नेपालमै पहिलो पटक फिस्टुला उपचार केन्द्र

–लक्ष्मी भण्डारी– सुर्खेत । कर्णाली प्रदेशको राजधानी सुर्खेतको वीरेन्द्रनगरमा फिस्टुला उपचार केन्द्र स्थापना भएको छ ।

इह्रिकनमा मीना शर्मा निर्वाचित

–महिला खबर– राष्ट्रिय र अन्तर्राष्ट्रिय रुपमा विभिन्न विषयमा प्रशिक्षण दिँदै आएकी शर्मा यस अघिको कार्य समितिमा

२५ प्रतिशत बजेट माग गर्दै ‘एकसुत्रीय देशव्यापी अभियान‘ शुरु

–महिला खबर– ललितपुर । ‘समृद्ध नेपालका लागि सशक्त महिला’ भन्ने नाराका साथ सात राजनीतिक दलका

‘राज्यले दुई खाले नागरिकको उत्पादन गर्नुहुँदैन’

–महिला खबर– ललितपुर । राज्य व्यवस्था तथा सुशासन समितिका सभापति शशी श्रेष्ठले राज्यले नागरिकता दिँदा विभेद

Read more
ताजा अपडेट
© 2015.All rights reserved by mahilakhabar.com
%d bloggers like this: