बेचविखनमा पर्ने हरेक सयमा पचास किशोरी


प्रकाशित मिति :2015-09-03 13:40:55

महिला खबर

पोखरा, भदाै १७ । मानव बेचबिखनविरुद्धको ऐन प्रभावकारी हुन नसक्दा मानव बेचविखन झनै मौलाएको पोखरामा आयोजित एक कार्यक्रमका सहभागीे वक्ताहरूले बताएका छन्। सिविन नेपालले आयोजना गरेको बालबालिका ओसार पसार तथा शोषणबाट संरक्षणमा किशोर किशोरी र बाल क्लबबीच गरिएको छलफल कार्यक्रममा इन्सेक पश्चिमाञ्चलका संयोजक शिव खकुरेलले बेचविखनमा पर्ने हरेक सयमा पचास किशोरी रहने गरेको र ऐनको कार्यान्वयनको अभावले मानव बेचबिखन झनै मौलाएको बताउनुभयो।

सामान्यतया नेपालमा २९ हजार महिला तथा बालबालिका बेचविखनमा पर्ने उल्लेख गर्दै उहाँले नेपालमा यकिन तथ्यांकको अझै पनि अभाव भएको बताउनुभयो। मानव बेचबिखनमा संलग्न दलालहरूले आफन्त जस्तै बनेर बेचविखनमा सक्रिय भएको बताउनुभयो। सिविन नेपालका अध्यक्ष माधव प्रधानले मानव बेचविखन ऐन प्रभावकारी हुन नसक्दा पीडकले उन्मुक्ति पाएर थप प्रोत्साहन मिलेको र पीडित झन् पीडित भएको बताउनुभयो।

कार्यक्रममा जिल्ला प्रहरी कार्यालय महिला तथा बालबालिका सेवा केन्द्रका प्रमुख चन्द्रा गुरुङ प्राकृतिक प्रकोपसँगै मानव बेचविखनमा सक्रिय दलाल सल्बलाइरहेकाले यस बारेमा किशोरी एवं बालबालिकालाई सचेत बनाइराख्नुपर्ने बताउनुभयो।

पत्रकार श्याम कुँवर, सिविन पोखराका प्रमुख प्रेम सोङमेन, सिविनका काउन्सेलर कृष्णा गुरुङ लगायतले आफन्त बनेर मन जित्ने र पछि मानव तस्करी गर्ने गिरोहलाइ कडा कार्बाही गर्नुपर्ने बताउनुभयो। बेचविखनविरुद्ध अभिभावक पनि चनाखो हुनुपर्ने भन्दै आफ्ना सन्तानप्रति नजिकिएका मान्छेको व्यवहार प्रति निगरानी राख्न समेत सुझाव दिइएको थियो।

प्रकाशित मितिः २०७२ भदाै १७ गते

    Comment Here!

Related NEWS
मुख्य खबर

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

बन्दाबन्दीमा ‘आमाको माया’ एप्स वरदान साबित

–महिला खबर– ललितपुर । लकडाउनको अवस्थामा निरन्तर स्वास्थ्यकर्मिको नजरमा रहनु पर्ने गर्भवती तथा सुत्केरीहरुका लागि ‘आमाको

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

Read more
ताजा अपडेट
© 2015.All rights reserved by mahilakhabar.com
%d bloggers like this: