आमा र बच्चाको स्वास्थ्यमा सुधार ल्याउन मुगुमा कार्यक्रम


प्रकाशित मिति :2015-07-29 15:31:15

महिला खबर
काठमाडौं,साउन १३ । मुगु जिल्लामा आधारभूत स्वास्थ्य सेवाको पहुँच बढाइ आमा र बच्चाको स्वास्थ्यमा सुधार ल्याउन कोरिया अन्तर्राष्ट्रिय सहयोग संस्था (कोइका) ले नमुना कार्यक्रम सञ्चालन गर्ने भएको छ ।

मुगुमा  जिल्लास्तरमा एउटा अस्पताल, पाँचवटा स्वास्थ्य चौकी, दुईवटा उपस्वास्थ्य चौकी र एउटा प्राथमिक स्वास्थ्य उपचार केन्द्र स्थापना गर्ने र भएकाको स्तरीकरण गर्ने लक्ष्यका साथ मातृ तथा बाल स्वास्थ्यमा सुधार र परिवार नियोजनसम्बन्धी परियोजना सञ्चालन गर्न लागिएको कोइकाले जनाएको छ।

कार्यक्रम सुरु गर्नु अघि मुगु जिल्लाको मातृ तथा बाल स्वास्थ्यसम्बन्धी एकीकृत जिल्ला पहिचानसम्बन्धी अध्ययन गरी त्यसका आधारमा  रणनीति बनाईएको आज काठमाडौंमा अायोजित कार्यक्रममा जानकारी दिइएको थियो।

सन् २०१८ सम्म स्वास्थ्य संस्थाको भौतिक पूर्वाधार निर्माण, त्यहाँ संलग्न स्वास्थ्यकर्मीको क्षमता विकास र आवश्यक उपकरणहरूको व्यवस्था गरिने परियोजना प्रबन्धक ह्यङ युनले जानकारी दिनुभयो।

उहाँका अनुसार मुगुमा मातृ तथा बाल स्वास्थ्यको अवस्था निकै कमजोर रहेकाले नमुनाको रुपमा ६ वटा गाविसमा कार्यक्रम गरिने छ।

कार्यक्रममा सहभागीले जिल्लास्थित सरकारी निकायसँगको समन्वयमा कार्यक्रम गर्नुपर्ने, दोहोरोपन आउन दिन नहुने र जनतालाई सर्वसुलभ र गुणस्तरीय स्वास्थ्य सेवा उपलब्ध गर्नुपर्ने सुझाव दिएका थिए।

प्रकाशित मितिः २०७२ साउन १३ गते बुधवार

    Comment Here!

Related NEWS
मुख्य खबर

बलात्कार मुद्दामा महरालाई सफाइ

–महिला खबर– ललितपुर । बलात्कारको आरोप लागेका निवर्तमान सभामुख कृष्णबहादुर महरालाई काठमाडौं जिल्ला अदालतले सफाइ

स्वस्थानीको पाना च्यात्ने कि छाउगोठ भत्काउने ?

–विमल नेपाल– ब्रत बसेर पुरुष पाइन्छ भन्ने मान्यतालाई स्थापित गर्न खोजेको छ, स्वस्थानी कथाले ।

प्रदेशकै नमूना न्यायिक समिति बनाउने धोको

-रनी विवश- सिंहले न्यायिक समितिलाई सुदूरपश्चिम प्रदेशमै उत्कृष्ट समिति बनाउने गरि आफूले कामकाज गरेको बताइन् ।

महिलालाई अलमल्याएर अर्धबेरोजगार बनाउन बन्द गर्नुपर्छ– मन्त्री गुरुङ

महिलालाई केन्द्रमा राखेर सरकार अघि बढ्नेछ’ गुरुङले भने, ‘अबको युग भनेको महिला उद्यमीहरूको युग हो

एक हजार डलरको इञ्जा पुरस्कार ढुंगाना र सिंहलाई

ढुंगानाको कान्तिपुर दैनिकमा प्रकाशित ‘म छाउपडी रिपोर्टर’ शिर्षकको आलेखले उक्त पुरस्कार जितेको हो ।

Read more
ताजा अपडेट
© 2015.All rights reserved by mahilakhabar.com
%d bloggers like this: