यौनकार्यका लागि नेपाली महिलाको व्यापारः अमेरिका


मानव वेचविखनविरुद्धको कानुन कडा बनाउन सुझाव

प्रकाशित मिति :2015-07-28 14:48:23

महिला खबर

jon-karyeअमेरिकी , साउन १२। नेपाल  बाध्यात्मक श्रम र यौन व्यापारका लागि स्रोत ,ट्रान्जिट पोइन्ट र गन्तव्य राष्ट्र भएको  अमेरिकी विदेश मन्त्रालयले सार्वजनिक गरेको प्रतिवेदनमा जनाइएको छ ।

अमेरिकी विदेश मन्त्रालयले  मानव बेचविखनको विश्वव्यापी समस्यालाई प्राथमिकता दिई सार्वजनिक गरेको प्रतिवेदन ‘ट्राफिकिङ इन पर्सन्स २०१५’ मा नेपाली महिला नेपाल, भारत, मध्यपुर्व, एसिया तथा अफ्रिका जस्ता मुलुकमा यौन कार्यका लागि बेचिने गरेको जनाइएको छ । यसैगरि नेपाली पुरुष, महिला र बालबालिका नेपाललगायत भारत, मध्य पुर्व, एसिया  र अमेरिकामा उद्योग , खानीहरू, घरेलु कामदार  र मनोरन्जन उद्योगहरूमा   बाध्यात्मक श्रमिकका रुपमा काम गर्न बाध्य भएको जनाइर्एको छ ।  नेपाली मेनपावर कम्पनीहरूले झुक्याएर अत्यन्तै धेरै पैसा लिई नेपालीलाई यस्तो बाध्यात्मक श्रममा  फसाउने गरेको प्रतिवेदनमा जनाइएको छ ।

अवैधानिक रुपमा भारतको बाटो हुँदै बाहिरिने नेपाली कामदारहरू जोखिमपुर्ण क्षेत्रमा  श्रम गर्न बाध्य भएको प्रतिवेदनमा उल्लेख छ   ।  ‘बङ्गलादेशी र अन्यदेशका नागरिकले समेत  नक्कली नेपाली कागजपत्र बनाई नेपालको बाटो हुँदै  मानव तस्करको सिकार बन्ने गरेका छन्’ प्रतिवेदनमा भनिएको छ ।  सरकारी कर्मचारीहरूले   घुस लिएर उनीहरूलाई यस्ता नक्कली र झुठो प्रमाण जुटाउन सहयोग गर्ने गरेको  पाइएको  प्रतिवेदनले जनाएको छ ।

नेपाल सरकारले मानव तस्करी रोक्न सक्दो प्रयास गरेपनि  मानव तस्कर सम्बन्धि न्युनतम मापदण्ड पुरा गर्न नेपाल असमर्थ रहेको अमेरिकाले जनाएको छ । नेपालले मानव बेचविखनविरुद्ध  राष्ट्रिय कार्ययोजना बनाई सवै जिल्लाको गाउँ तहमा बेचविखनविरुद्धको समिति बनाएपनि  पीडितलाई पहिचान गरी  सुरक्षा दिन असफल भएको  जनाईएको छ  ।

प्रतिवेदनले  अन्र्तराष्ट्रिय कानुन अनुसार मानव बेचविखनको परिभाषालाई बिस्तृत बनाई यस सम्बन्धी कानुन परिमार्जन गर्न  सुझाव दिइएको छ । नेपाली महिलाको देशभित्रै हुने वेचविखनलगायत सवै खाले बेचविखन,  सरकारी तहबाटै  बेचविखन जस्तो अपराधमा हुने मिलेमतोविरुद्ध कडा कानुन बनाई कार्यान्वयन गर्न प्रतिवेदनले सुझाएको छ ।  प्रतिबेदनले पीडित नै दण्डित हुने जस्ता गैरकानुनी क्रियाकलाप नगर्न समेत सचेत गराएको छ ।

प्रकाशित मिति :२०७२ साउन १२ गते मंगलवार

तस्बिरः अमेरिकी विदेश मन्त्रालयको वेवसाइट ।

    Comment Here!

Related NEWS
मुख्य खबर

१६ दिने अभियानको राष्ट्रिय नारा तय

देशभर बलात्कारका घटनामा बृद्धि भइरहेका कारण १६ दिने अभियानको नारा बलात्कार केन्द्रित बनाइएको पौडेलले बताए

हिंसाले चुनावी मैदान छाड्दै बेलायती महिला सांसद

बेलायतमा महिला सांसदमाथि अभद्र टिप्पणी गर्नेक्रम बढ्दो छ । महिला सांसदमाथि बलात्कार र हत्याका धम्की आउनु

मन्त्री थापाले गरिन् अन्तर्राष्ट्रिय समुदायसँग आग्रह

नेपालले आइसीपीडीको समर्थन जनाउनाका साथै सन् १९९४ को कायरो सम्मेलनदेखि नै यसलाई आत्मसात् गर्दै आएको

अन्तर्राष्ट्रिय स्तरमा खेल्ने महिला खेलाडी उत्पादन गरिनेः उपमेयर गौतम

सहभागी छात्राका लागि जर्सी र जुत्ताको उपमहानगरले व्यवस्था गरिएकोे छ ।

नेकपा उम्मेदवार विद्या भन्छिन्ः पोखरेली सपना नै मेरा एजेन्डा

उनले भनिन्, ‘सुन्दर पोखरालाई विश्वभर चिनाउन र यहाँका पूर्वाधार निर्माण गरी अन्तर्राष्ट्रिय सहर बनाउने पोखरेलीको

Read more
ताजा अपडेट
© 2015.All rights reserved by mahilakhabar.com
%d bloggers like this: