किशोरीलाई प्याड बनाउने तालिम


प्रकाशित मिति :2015-07-05 11:27:00

रमला सिंगक

सुनसरी, असार २० । विद्यालयमा अध्ययरत किशोरीहरूलाई सुन्दर समाज निर्माण समूहले सुधारिएको घरेलु प्याड बनाउन सिकाउने अभियान सुरु गरेको छ ।

महिनावारी शारीरिक स्वास्थ्य र प्रजनन स्वास्थ्यसँग जोडिएकाले निम्न आय भएका परिवारका किशोरीहरूलाई सुधारिएको प्याड बनाउने तालिम अभियानकै रुपमा शुरु गरेको समूहले जनाएको छ ।

समूहले धरानका ५ वटा विद्यालयममा घरेलु प्याड बनाउने तालिम दिईसकेको छ, भने अहिले छात्रामात्र अध्ययन गर्ने धरानकै शारदा नमूना बालिका उच्च माविमा सुरु गरेको छ ।
घरेलु प्याड बनाउने अभियान अन्तरगत २ सय २६ जना किशोरीहरूले तालिम लिइसकेको समूहका सचिव विनोद विश्वकर्माले जानकारी भयो । एउटा विद्यालयमा प्याड बनाउनको लागि तीन दिने तालिम दिने गरिएको छ ।

?????????????

महिनावारी हुँदा किशोरीहरूको स्वास्थ्यमा असर नपुगोस् र बजारमा आउने महङ्गो प्याड किन्दा लाग्ने खर्चको वचत होस् भन्ने उद्देश्यले घरेलु प्याड बनाउने तालिमको आयोजना गरेको उहाँले बताउनुभयो ।

विश्वकर्माले भन्नुभयो–‘एउटा विद्यालयका ३० जना किशोरीलाई तालिम दिने लक्ष्य राखेका छौं । लक्ष्य भन्दा धेरै किशोरीहरू तालिममा सहभागी भएका छन् ।’

घरेलु प्याड बनाउने तालिमका प्रशिक्षक रीता श्रेष्ठले सफा र सुकिलो प्याड प्रयोग नगरेकाकारण पाठेघरमा संक्रमण हुन् सक्ने भएकाले सफा सुतीे कपडाको रुमाललाई प्याड बनाउन सकिने उपयुक्त तरिका सिकाउँदै आएको बताउनुभयो । घरेलु विधिद्धारा प्याड बनाउँदा कम खर्चिलो हुने उहाँको भनाई छ ।

शारदा वालिका नमुना उच्च माविका किशोरीहरू घरेलु प्याड वनाउँदै ।

शारदा वालिका नमुना उच्च माविका किशोरीहरू घरेलु प्याड वनाउँदै ।

सुधारिएको घरेलु प्याड बनाउने तालिममा सहभागी एक छात्राले भनिन् –‘हामी जस्ता निम्न आय भएकाले बजारमा पाइने महङ्गा प्याड किनेर लगाउनु सकिँदैनथ्यो । सुन्दर समाज निर्माण समूहको तालिमले ठूलो सहयोग गरेको छ ।’

महिनावारीको बेला प्याड किन्ने पैसा नभएपछि पुराना कपडा प्रयोग गर्ने गरेको ती छात्राले बताइन ।

प्रकाशित मिति २०७२ असार २० गते अाईतवार 

 

 

 

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: