आत्मरक्षाको हतियार हो ‘रैंयाँ’


प्रकाशित मिति :2015-06-22 12:03:55

जमुनाबर्षा शर्मा 

पोखरा, असार ७ । मगर महिलाको सुन्दरता र उनीहरूले गर्ने आत्मरक्षाको विषय वस्तुमाथि केन्द्रित मगर भाषाको चलचित्र ‘रैंयाँ’ प्रदर्शन भएको छ ।

मगर समुदायका महिलाको विषयमा केन्द्रित रहेर बनाइएको मगर संस्कृतिमा आधारित सो चलचित्रमा महिलालाई मुख्य पात्रको रुपमा प्रस्तुत गरिएको छ । महिलाले हातमा लगाउने ‘रैंयाँ’ अर्थात बाला आत्मरक्षाका लागि प्रयोग हुने गहना हो जस्लाई महिलाले आत्मरक्षा गर्न हतियारका रुपमा प्रयोग गरेको चलचित्र निर्माता तारा थापाले बताउनुभयो ।

‘महिलाले हातमा लगाउने रैंया विशेष परिस्थितिमा आत्मरक्षाको लागि प्रयोग हुने हतियार पनि हो । जुन यस चलचित्र मार्फत प्रस्तुत गरिएको छ’ — थापाले भन्नुभयो ।

चलचित्रको छायाङ्कन तनहुँको भिमाद, मिछुर्लुङ, कास्कीको धम्पुस टाईगर टपलगायतका ठाउँमा गरिएको अर्का निर्माता तथा कथाकार हर्क आलेमगरले जानकारी दिनुभयो । चलचित्रमा सञ्चारकर्मी प्रिया थापामगर र अशोक आले मगरको मुख्य भूमिका रहेको छ भने अन्य कलाकारमा तारामाया थापामगर, मिन पुर्जा पुन मगर, दुर्गा ठाडा मगर, पूर्ण थापा मगर (सुगा), अनिता थापामगर, गगन पुन मगर रहेका छन् ।

मेनोको फिल्म एण्ड मिडिया हाउसको प्रस्तुती मगर संस्कृतिमा आधारित चलचित्र ‘रैंयाँ’ लाई दर्शकले अध्याधिक मन पराएको निर्माता थापाले बताउनुभयो । चलचित्र प्रदर्शनपछि दर्शकको प्रतिक्रियाले थप उत्साह मिलेकोे निमार्ता तारा थापा मगरको बताउनुभयो ।

प्रकाशित मितिः २०७२ असार ७ गते सोमवार

    Comment Here!

Related NEWS
मुख्य खबर

एक वर्षका लागि लैङ्गिक हिंसा विरुद्धका कार्यक्रम तय

बालबालिका र जेष्ठ नागरिकका विरुद्ध हुने सबै प्रकारका हिंसा र भेदभाव न्यूनीकरण गर्ने घोषणा पत्रमा

सामूहिक बलात्कारको आरोपमा वडा अध्यक्ष पक्राउ

मंगलबार साँझ नियन्त्रणमा लिइएका उनीहरूमाथि अनुसन्धान थालिएको प्रहरीले जनाएको छ ।

वरिष्ठ पत्रकार नम्रता शर्मालाई ‘नेपाली विमेन लिडर अवार्ड’

–महिला खबर– शर्मा खोज पत्रकारिता केन्द्र (सीआइजे) का निवर्तमान अध्यक्ष, २० वर्षदेखि निरन्तर प्रकाशित नारीश्वर म्यागेजिनका

लैंगिक हिंसा विरुद्ध मोजो पत्रकारिता तालिम शुरु

–महिला खबर– सिन्धुली । लैंगिक हिंसा न्यूनीकरणका लागि मोबाइल पत्रकारिता (मोजो) तालिम आजदेखि सिन्धुलीमा शुरु

अब नाप, नक्सा सम्बन्धी स्नोतकोत्तर तहको पढाइः मन्त्री अर्याल

“यहाँहरू गएपछि आफ्ना देशका साथीहरूलाई नेपालको भ्रमण गर्न पठाइदिनुहोला ।ˮ

Read more
ताजा अपडेट
© 2015.All rights reserved by mahilakhabar.com
%d bloggers like this: