चितवन पनि बेचबिखनको ट्रान्जिट प्वाइन्ट


प्रकाशित मिति :2015-06-21 12:27:18

सृजना अर्याल

चितवन, असार ६ । विपदका बेला मानव बेचबिखन तथा ओसारपसारका घटना बढेको भन्दै सरोकारवालाले चिन्ता व्यक्त गरेका छन् ।

चितवनमा आयोजित मानव बेचविखन तथा ओसारपसार सम्बन्धि अन्तरक्रिया कार्यक्रममा बोल्दै प्रमुख अथिति स्थानिय विकास अधिकारी भरतमणी पाण्डेले पछिल्लो समयमा रोजगारीको प्रलोभन पारेर धेरै नेपाली महिला वैधानिक रुपमानै खाडी मुलुकहरूमा जाने र त्यहाँ यौन शोषण, शारीरिक तथा मानसिक हिंसालगायतका समस्याहरूको झेल्न बाध्य भएको बताउनुभयो ।

उहाँले समाजमा मानवबेचबिखन तथा ओसारपसार कलंकको रुपमा रहेको भन्दै यसको नियन्त्रणका लागि सरोकारवाला निकायहरू अझै क्रियाशील भएर लाग्नुपर्ने बिचार व्यक्त गर्नुभयो ।

महिला तथा बालबालिका कार्यालयकी कार्यकारी अधिकृत शान्ता कुमारी पौडेलले रोजगारी दिन्छु, घुमाउन लैजान्छु भन्ने प्रलोभन देखाएर धेरैजसो महिला तथा बालबालिकालाई बेचविखन गर्ने गरिएको बताउनुभयो ।

IMG_5404

उहाँले पहिला भारतमा मात्र महिला बेचविखन र मानव ओसारपसार हुने गर्दथ्यो भने अहिले नेपाली महिलालाई रोजगारीको प्रलोभन देखाएर खाडी मुलुकहरू पु-याउने गरेको बताउनुभयो ।

चितवनका माडी, दारेचोक र कठारलगायतका क्षेत्र मानव बेचविखनको लागि ट्रान्जीट प्वाइन्ट भएकाले यस तर्फ चनाखो हुन सम्बन्धित सरोकारवालाको ध्यानाकर्षण गराउनुभयो ।

अन्तरक्रिया कार्यक्रममा बोल्दै जिल्ला प्रहरी कार्यालय चितवनका प्रहरी नायव उपरीक्षक राजन अधिकारीले नेपालको खुल्ला सिमानाको कारण मानव बेचविखन हुने क्रम नरोकिएको बताउनुभयो ।

उहाँले भन्नुभयो –‘मानव बेचबिखनको सम्बन्धमा गाउँस्तरबाटै अध्ययन अनुसन्धान गदै सचेतना जगाउनुपर्छ ।’
यसैगरी आदर्श गृह भरतपुरकी संस्थापक अध्यक्ष मीना खरेलले पछिल्लो समयमा अनेक बहानामा नेपाली महिलालाई बेचिने गरेको भन्दै राज्यलेनै सशक्त कानुन निमार्ण गरेर कडाइकासाथ लागू गर्नुपर्नेमा जोड दिनुभयो ।

महिला अधिकारकर्मीहरूले विद्यालयस्तरबाट पाठ्यक्रममा मानव बेचबिखनलगायतका घटनालाई कसरी नियन्त्रण गर्न सकिन्छ भन्ने ज्ञान दिनुपर्ने धारणा राखेका थिए । उनीहरू कोरियालगायतका मुलुकहरूमा नेपाली महिलालाई नकक्ली विवाह गरी बेचविखन गर्ने गरेको बताएका छन् ।

कार्यक्रम महिला तथा बालबालिका कार्यालय र आदर्श नारी विकास केन्द्र भरतपुरले आयोजना गरेको थियो ।

प्रकाशित मिति २०७२ असार ६ गते आइतवार

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: