सामूहिक बलात्कार गर्ने सात जना पक्राउ


प्रकाशित मिति :2015-05-28 11:24:08

रमला सिंगक

ताप्लेजुङ, जेठ १४। सुदुरपुर्वी हिमाली जिल्ला ताप्लेजुङमा दुई बालिकामाथि सामूहिक बलात्कार गरेको आरोपमा पक्राउ सात जना पक्राउ परेका छन् । जिल्ला प्रहरी कार्यालयका ताप्लेजुङले दुई बालिका मध्ये १४ बर्षीया बालिकालाई सामूहिक बलात्कार गर्ने हाङ्देवाका नवीन सेन्चुरी र मैते घोतानेलाई पक्राउ गरि बुधवार सार्वजनिक गरेको हो।

बालिका हिड्ने बाटो ढुकेर गत वैशाखको दोश्रोसाता सामूहिक बलात्कार गरेको भन्दै पीडित बालिकाका अभिभावकले किटानी जाहेरीसहित उजुरी दिएपछि पक्राउ गरिएको जिल्ला प्रहरी प्रमुख डिएसपी शान्तीराज कोइरालाले बताउनुभयो।उनीहरूलाई जवर्जस्ती करणी अन्तर्गत मुद्दा दर्ता गरी अनुसन्धान थालिएको डिएसपी कोइरालाले बताउनुभयो।

यसैगरी गतसाता जिल्लाकै १५ बर्षीया बालिका बलात्कार गर्ने सोही गाविसका मङ्गल तामाङ सहित पाँच जनालाई पक्राउ गरी कारवाही सुरु गरिएको प्रहरीले जनाएको छ। प्रहरीका अनुसार बालिकालाई डर धम्की देखाएर बन्धक बनाई जवर्जस्ती सामूहिक बलात्कार गरेको अभियोगका पाँचजनालाई पक्राउ गरिएको हो ।

जिल्ला प्रहरी कार्यालय ताप्लेजुङको तथ्यांक अनुसार चालु आर्थिक वर्षमा बलात्कारका घट्ना बढेका छन्। चालु आर्थिक वर्षमा जिल्लामा १५ बलात्कारसम्बन्धि मुद्दा दर्ता भएका छन्। त्यसमध्ये चार वटा मुद्दा बालिका बलात्कारका रहेका छन्। अन्य चार घट्नामा बलात्कार प्रयासका मुद्दा रहेको प्रहरीले जनाएको छ।

प्रहरीले दिएको जानाकारी अनुसार १५ घट्नामा संलग्न मध्ये १७ जनामात्र पक्राउ परेका छन भने तीन जना अझै फरार छन्। फरार अभियुक्तको खोजी भइरहेको प्रहरीले जनाएको छ।

    Comment Here!

Related NEWS
मुख्य खबर

एसिड पीडित मुस्कानले भनिन्,‘अपराधीको उद्देश्य पूरा हुन दिन्न’

पढ्न जाँदा यस्तो हुन्छ कसरी पढ्ने ?, ’उनले प्रश्न गरिन्, ‘दोषीलाई कडा भन्दा कडा सजाय

हटेन कुरीतिः तीन महिनामा पाँचको हत्या

–महिला खबर– यस त्रैमासिकमा छाउगोठ भत्काउने अभियानबाट सुदुर पश्चिम प्रदेशका अधिकांश महिला मानसिक रुपमा प्रभावित भए

महिला मन्त्रीद्वारा भत्काईएका छाउगोठको अनुगमन

-महिला खबर- अछाम । महिला, बालबालिका तथा जेष्ठ नागरिक मन्त्री पार्वत गुरुङले अछाममा भत्काईएका छाउगोठको

अन्तरविद्यालय स्तरीय महिला क्रिकेट प्रतियोगिता हुने

-लोकेश जोशी- धनगढी । धनगढीमा प्रथम अन्तरविद्यालय स्तरीय महिला क्रिकेट प्रतियोगिता हुने भएको छ ।

नेकपाको ११ बुँदे आचारसंहिताः ‘कसैलाई पनि तँ नभन्नु, छुवाछूत र महिलामाथि हुने हिंसा विरुद्ध खडा हुनु’

कुनै पनि पार्टी सदस्यले महिला हिंसा र छुवाछूतपूर्ण व्यवहार गरेको प्रमाणित भए तुरुन्तै पार्टीबाट निष्काशन

Read more
ताजा अपडेट
© 2015.All rights reserved by mahilakhabar.com
%d bloggers like this: