महिला हिंसाविरुद्ध कराँते


प्रकाशित मिति :2015-04-17 04:12:06

Untitled-1

काठमाडौं । नेपाल क्वानमुकान कराँते डो संघले आत्मरक्षाको लागि महिलालाई कराँते सिकाउन थालेको छ ।

२०५८ सालदेखि कराँते सिकाउँदै र खेलाउँदै आएको यो संघले महिला हिंसाविरुद्ध महिलालाई आत्मरक्षा सम्बन्धी तालिम दिन थालेको अध्यक्ष साम्देन शेर्पाले बताए ।

संघले महिला, पुरुष गरेर ६०० जना भन्दा बढिलाई कराँते सिकाइ सकेको छ । यसमा ७० जना महिला थिए । अहिले उनीहरूको प्रशिक्षण केन्द्रमा महिला पुरुषको संख्या बराबरी छ ।
IMG_8023
शेर्पा भन्छन् ‘हरेक दिन जसो महिला हिंसाका घटना सुन्न र पढ्न पाइन्छ । कतिपय घटना यति दर्दनाक छन् जसले हर कोहीलाई स्तब्ध बनाउँछ ।’ ‘समाजमा महिला शारीरिक रुपमा कमजोर हुन्छन् भन्ने नकारात्मक सोच हावी छ । यसको अन्त्य गर्ने एउटा माध्यम खेल क्षेत्र पनि हो’, उनले भने ।
बाटो हिँड्दा महिलालाई एक्कै देख्न वित्तिकै केटाहरूले ‘जिब्रो पड्काउने, सिठ्ठी बजाउने र अपशब्द बोल्ने गर्दछन्, त्यो बेला तपाईले फर्केर जबाफमा एक किक् दिनुभयो भने अर्को पटक बोल्ने हिम्मत गर्दैनन्’,— शेर्पाले भने ।

प्रशिक्षक मकर बहादुर श्रेष्ठ भन्छन् ‘महिलालाई शारीरिक रुपले कमजोर छौँ भन्ने भ्रम छ त्यो भ्रम कराँतेको आत्मरक्षा तालिमले हटाउन ठूलो सहयोग गर्दछ । त्यसकारण हरेक आमाबुबाले आफ्ना छोरीलाई सानैदेखि शिक्षासँगै कराँते पनि सिकाउन जरुरी छ ।’ सानैदेखि छोरीहरूमा आत्मबल बढ्यो भने आइपर्ने हरेक समस्याको समाधान गर्ने क्षमताको विकास हुने उनले बताए ।

दुईवर्षदेखि क्वानमुकानमा कराँतेको तालिम लिइरहेकी जलसा रम्तेललाई पढेर डक्टर बन्ने इच्छा छ । कक्षा ६ मा अध्ययनरत उनले भनिन् ‘विद्यालयमा एकजना केटाले जिस्क्याए , मैले उसलाई जित्नसक्छु भन्ने विश्वास थियो हिर्काइ दिए । अहिले ऊ मलाई आँखा उठाएर पनि हेर्दैन ।’ जलसाले कराँतेमा एउटा अन्तर्राष्ट्रिय र दुईवटा स्कुलस्तरिय मेडल जितेकी छिन् । उनको स्कुलमा पनि कराँते सिक्ने सुविधा छ ।
20141115_084816
जलसा बाटो हिँड्दा आफूलाई मात्र होइन आमालाई कसैले नराम्रो दृष्टिले हेर्यो भने उसलाई पनि नछोड्ने बताउँछिन् । उनले भनिन् हेरक मान्छेले आफ्नो रक्षा आफै गर्न सक्नुपर्छ ।

यसैगरी क्वानमुकानमा डेढवर्षदेखि कराँते सिक्दै आएकी दिपिका उप्रेतीले दक्षिण एशियाली खेलबाट २ वटा गोल्ड मेडल जितिसकेकी छिन् । उनले नेपालमा भएको अन्तरविद्यालयस्तरिय कराँतेमा ३ वटा गोल्डमेडल जितेको बताइन् ।

कक्षा ९ मा अध्ययनरत दिपिका पढाइमा पनि उत्तिकै तेजीली छन् । खेलले स्वाथ्यमात्र होइन आत्मविश्वास समेत बढाउने उनको भनाइ छ । उनले भविष्यमा कराँते खेलाडी बन्ने इच्छा रहेको बताइन् ।

संघले कराँते सिकाउनका लागि २१ ठाउँमा प्रशिक्षण केन्द्र खोलेको छ । उपत्यकाका बिभिन्न विद्यालयमा कराँते सिकाउँदै पनि आएको छ ।

राष्ट्रिय खेलकुद परिषद् अन्तरगत रहेको नेपाल क्वानमुकान कराँते डो संघले आर्थिक अवस्था कमजोर भएकालाई निःशुल्क तालिम दिएको अध्यक्ष शेर्पाले बताए ।
IMG_8039
शेर्पा अध्यक्ष भए लगत्तै भारतको दिल्ली र पुनामा सार्कस्तरीय खेल भएको थियो । त्यो खेलमा क्वानमुकानबाट २० जना खेलाडीले भाग लिएका थिए । त्यसमध्ये ५ जना बहिनीले गोल्ड मेडल लिएर आएको शेर्पाले बताए ।

क्वानमुकानमा कराँते सिकेर पुलिस, सेना र सुरक्षा गार्डमा जानेहरू धेरै भएको संघले जानकारी दिएको छ । कराँतेबाट सबैभन्दा बढि फाइदा महिलालाई भएको अध्यक्ष शेर्पाको भनाई छ ।

भिडियोको लागि शारीरिकमात्र होइन, मानसिक रुपमा तन्दुरुस्त रहनका लागि पनि यो खेल लाभदायक छ ।

प्रकाशित मिति २०७१ मंसिर ४ गते बिहिबार

    Comment Here!

Related NEWS
मुख्य खबर

काखमा बच्चा बोकेकी महिलामाथि प्रहरीद्वारा निर्घात कुटपिट(हेर्नुहोस् भिडियो)

बच्चा बोकेकी महिला हेमा श्रेष्ठ हुन् भने उनलाई कुटपिट गर्ने प्रहरी प्रभाग भैंसेपाटी ललितपुरका इन्स्पेक्टर

महिला टी–२० को फाइनल हेर्नेको संख्या ठूलो हुने

ललितपुर । महिला टी–२० विश्वकपको फाइनल हेर्न ठूलो सङ्ख्या दर्शक उपस्थित हुने भएका छन् ।

बालिका बलात्कार गर्ने पक्राउ

धनुषा । बालिका बलात्कार गरेको आरोपमा प्रहरीले नगराइन नगरपालिका ७ देवडिहाका २५ वर्षीय दिलसाज नदाफलाई

म ननभर्जिन केटी

–उन्नती चौधरी– छोरी मान्छेमा मात्रै खोजिने भर्जिनिटी भन्ने चिज छोरा मान्छेमा चाहिँ किन खोजिन्न होला

सुस्त मनस्थिति भएकी किशोरी बलात्कृत

बझाङ । जिल्लाको दुर्गाथलीमा सुस्त मनस्थिति भएकी किशोरी बलात्कृत भएकी छन् । किशोरी गर्भवती भएको

Read more
ताजा अपडेट
© 2015.All rights reserved by mahilakhabar.com
%d bloggers like this: